وجع الماضي

الحلقة ١١

#وجع الماضي
#ليوثي المياحي

اصعب وكت مر علية بحياتي واني اتاني يطلعوهه من غرفة العمليات ..عمري ما اذيت احد حتى علاقاتي جانت محدودة بس هية استفزتني وطعنتني برجولتي وطلعتني من طوري ..مو صعبة تحصل على بنية ..وتكدر تكضي شهوتك وياهه وتنتهي ..هية اجت عكس التيار انفرضت علية فرض كرهتهه لسانهه عقدني وعمايلهه انطتني انطباع انو هية مو زينة حالهه حال امهه.. بس اللي صار اليوم فلش افكاري كلهه ..جنت اريد اكسرهه بس هية كسرتلي كل تصوراتي .. تندمت هواي والله تندمت على فعلتي ..اكلني الندم والحسرة حسيت بروحي مذنب بحقهه على اللي سويتة بيهه وكمت اكل بروحي من الندم.. بالرغم من انو تفضيلهه الموت على ان امسهه ..بيه اهانة لرجولتي وتنقيص من قيمتي بس ما فكرت كل هذا راح يصير ..ابوية من راح يعرف التفاصيل شراح يكول اعرف اني طوختهه حيل غلطت صحيح بس هية جانت مساعدتني بهل غلط..ودائما تقهرني..ان شاء الله تكوم بالسلامة..وتسامحني على كل اللي سويتة بيهه..الانتضار صعب والوكت طال وهية لا طلعوهه ولا وصلنة خبر منهه حتى نطمن عليهه القلق والخوف والتوتر كتلني كتل حتى اني نسيت نفسي انو اني عريان وباقي بس باللباس الداخلي..وحافي ..ما انتبهت من غفلتي وخوفي عليهه..انور كالي باستهزاء امشي استر روحك فضحتنه اليشوفك يكول محمد علي كلاي زمانة .. كتلة بلة ما تسكت انته ..اول مرة خل نطمن عليهه وبعدين افكر بحالي..كالي .. تطمن ؟؟؟ تعمل عملتك وبعدين تكلي اطمن.. تاني خل تطيب البنية وشوف شراح يصير بيك كتلة .. خليهه تكوم بالسلامة وخلي شيصير خلي يصير..سكتنه ثنيناتنة ما جان عندي خلك اتعارك ..شوية وجان تطلع الطبيبة والممرضين يمشون وراهه..كمت اركض ورجلية فوك راسي واسال بلهفة وخوف دكتورة طمنينة على حالهه شلونهه؟؟ كالت الحمد لله الضربة مزقت جزء اجزاء من بطنهه مو خطرة وكدرنة ننقذهه بالرغم من انو نزفت هواي دم لو متاخرين دقايق جان فارقت الحياة ..هسة خليناهه بالعناية المركزة تحت المراقبة ثمانية واربعين ساعة حتى نتعدة مرحلة الخطر .. وانتو ما تكدرون تسوون شي روحو للبيت وباجر ارجعولهه.. ماكو فايدة من انتظاركم بالمستشفى.. تنفست شوية ونزاح عني الهم كلت اروح للبيت اسبح واصحصح والس ملابس وارجعلهه ..طلعنة من يمهه انور رجع على ابوية حتى يرجعة للبيت واني بديت احضر روحي للي جاي ..رجعت للبيت مالتي وسبحت ولبست وتمددت كلت بلكي ارتاح شوية ..غفيت وما اعرف  شلون من كثر التعب .. تلفوني دك كوة فتحت عيوني لكيت هذا ابوية يتصل بية .. يبوووه بدة الحساب والمشاكل.. امري على الله..اني اتحمل المسؤلية كاملة بكل اللي صار ..فتحت خط كتلة الو.. حمد للة على السلامة بابة شلون صرت.. كالي لا بارك الله بيك يا عرة الشباب .. تعال للبيت وشوف شراح يصير بيك..اتنهدت وفتحت ابواب جهنم بوجهي ..ابديهه من ابوية وانته ماشي .. نعلت الشيطان وكمت حضرت روحي ..اخذت سويج السيارة ومشيت ..ريما؟؟؟ ااااااه ياريما؟؟؟ راح تسامحني لا ؟؟ تنسى اللي سويتة بيهه لو لا..ذاكرتي رجعت ليورة كل التفاصيل محفورة بذاكرتي ريما؟؟؟ شعر اسود طاير وية الهوة ياخذ العقل.. عيونهه .. المكحلة..تسلب تذكرت دموعهه جنت اتعمد ما اباوع على عيونهه حتى ما انقهر عليهه وارحمهه جسمهه جان ناعم وتفاصيلة تهبل ..جانت كل تفاصيلهه باكرة تسلب العقل.. ريما البنت القوية العتية .. جنت اعمة ما شفت كل هاي الصفاة الحلوة جنت اشوف بيهه شيطان ودا يمثل على الكل.. بلكي اتسامحني وتنسى بلكي تقبل انكمل زواجنة ..ما اعتق\د راح تكسر كلمة بابا أي ما تكسرهه اكييييييد.؟؟ اطمن بروحي ..اكيد راح اعوضهه وامسحلهه كل لحظة وجه تسببت بيهه.. راح اداوي جروحهه ..اووووف كمت اكل بصوابعي .. من الندم صورتهه وهي مطربسة بدمهه ما ترضة تروح من بالي .. كلامهه من تكول .. حسبي الله بيك وبكل من ضلمني راح اعوفك لربي تخنكني كلما اذكر؟؟ وارجع ابجي بالكوة نفضت افكاري واخذت مفاتيح سيارتي ومشيت الندم اكلني ردت بس اخفف من تانيب الضمير ..وصلت لبيت ابوية ..اول ما دخلت العائلة كلهه ملمومة وديتانوني.. يا ويلي شراح يصير بية..ابوية كالي ..ها زين الشباب..هية هاي سواية..وهاي اللي سويتة تسميه مرجلة..لو تموت بنت عمك..شراح تكول..فضحتنه بين الناس  وبوسط اهلنة وجيارينة..يافضيحتنه..هاي  الرجولة..تنفرد بيهه وحدهه وناويلهه غير نية..جان يحجي..وعلامات الخجل والتعب والضوجة مبينه عليه..وجهه جان ازرك..ويحجي وياشر بيدة..ويصيح..دنجت راسي وكلتلة..سامحني يابة..عماني..طمعي ..وغروري..اني مستعد اصلح  غلطتي..باوع عليه وكاملي..يمكن استفزيته بكلامي..كال هااا انته هيج تشوف.؟؟تريد ترضي بنت الناس..بعد ما تكوم بالسلامة..جبتهه امانة خليتهه ابيتي..وحافظهه..انت ما عرفت قيمتها..وحاولت ادنسها..والله انته شيطان مو رجال..رفع ايدة وضربني..راشدي مرة الخ ..بابا اللي عمرة ما رفع ايدة عليه..
واني احترمة واقدسة وهوة يحترمني بحكم انو اني ابنه الجبير..بس استاهل ..كمل كلامة وهوة يسب ويشتم  بيه..كالي بيتي بعد مدخلة لحد ما بنت اخوية تكوم بالسلامة..وتسامحك..وبيني وبينك حساب عسير...بس هسة مو وكته..يلة اطلع برة ما اريد اشوف خلقتك...الكل ساكتين..لان ماكو احد يتجرأ ويحجي او يرد ابوية.. طلعت..على اعصابي..وعلى طول رحت للمستشفى..ريما بعدهه بغرفة الانعاش..بس الفرحني انو حالتهه مستقرة..طلبت من الدكتورة اشوفهه..حتى لو من ورة الجام..لبسوني صدرية وكمامة وغطيت راسي ودخلتلهه..لكيتهه مددة..وجهه شاحب لونة اصفر..هدوووء..وية دكات جهاز الانعاش اللي توتر الاعصاب..جسمهه موصلينه باكثر من جاز..القلب والتنفس..وبعد ماعرف هواي اجهزة..شعرهه ملموم ومغطينة وهية هادية..هدوء الموتى لا تتحرك ولا شي..نفس يدخل ويطلع..كلبي وجعني طلعت اركض ما استحمبت اشوفهه وهية بهاي الحالة اني اللي جنيت عليهه ..يا ريتني ما اجيت عليهه ليلتهه لويرجع بية الوكت ..والغي كل اللي صار بهذيج اللحظة..كمت امشي بالممر مال المستشفى واخوط برجلية رايح جاي.. اجا ابوية وعماتي والعائلة كلهه والرايح والجاي يغمني محد يحجي وياي فاتو من يمي ومحد اهتملي تجاهلوني كانو اني ما موجود ..حيل بية استاهل كل اللي يصير بية.. كلنة كاعدين وننتضر اي خبر او امل .. وكل شوية واحد مسمعني رزالة او حجاية عتب يزيدون همي فوك الهم اللي راكب راسي..اباوع مجموعة من الدكاترة وممرضين يتراكضون لغرفة ريما ..كمت من مكاني رحت اسأل شبيهه ريما فدوة جاوبوني؟؟ ابوي وراي سحبني من ايدي وسأل وحدة منهم وكام يصيح علية جاوبيني شبيهه ريما؟؟؟
الممرضة كالت مريضتكم انتكست..رافضة الرغبة  بالحياة.. اح نسويلهه رجات كهربائية..ادعولهه..كلمات الممرضة صدمني حيل وخلني متمسمر بمكاني..معقولة رافضة الحياة..ابوية لازمني من ركبتي..ويهز بيه..كالي يا جاهل يا حقير..وك انته هم تحسب نفسك رجال..راد يضربني بس امي وعماتي تدخلن..وفازعونة..بالكوة..عفتهم وطلعت..ضايج ومقهور..اوووف يا ويلي من اللي جاي..شغلت السيارة..ومشيت بدون وعي..لحد ما ضلمت الدنية..حجيت وي انور كتلة طمني..كالي وينك يول..تمل عملتك وتنهزم..كتلة لا تزيد همي بكلامك..البية مكفيني..احجيلي كلي ريما شلون صارت..كال الحمد لله رجعت لواعيتهه..وهسة زينة الدكاترة كالو تعدت مرحلة الخطر..وكالو باجر يطاعوهه من غرفة الانعاش ...تنفست وارتاحيتمن سمعت هاي الاخبار..حمل قكيل حسيته انزاح من على صدري..لو صاير بيهه شي..جان ما سامحت روحي..طول عمري..هديت اعصابي..لان جانت مشدودة حيل..رجعت للبيت وكبل رحت نمت  الصبح كمت اخذت دوش..وحضرت روحي ومشيت لريما..جنت خايف كلش شلون راح اشوفهه..بس لازم اواجهه..وصلت..سالت عليهه..كالولي ماعدين يفحصون بيهه ويطوهه علاج..رحت للكوفي شربت استكان جاي..وانيمن وكتهه عايش ع الجكارة واستكان الجاي..كعدت اشرب جاي ومرتاح..لحد ما حاجاني انور..كالي جايين على ريما..اني حنت احب اشوفهه لوحدي..عفت اللي بايدي..وكمت..رايحلهه مباشرة..لغرفتهه ١٠٦..دكيت الباب..بخوف ..دخلت..عيونهه ذابلة..كتلتني بخزرتهه..تقربت من فراشهه..حبيت الزم اديهه..بس ما كدرت من الخوف والمستحة..من ردة فعلهه..خفت لتصيح علية وتطردني..من غرفتهه..بس اول ما شافتني..نزلت عيونهه وما حبت تباوعلي..لساني انعكد..وطلع الحجي مني ملجلج..كتلهه الحمد لله علىسلامتج..ريما..صوتهه بالموت يالة ينسمع..كالت وليش..جبتني..ليش ما خليتني اموت..شنو اللي بالدنية يستاهل العيش..دموعهه سالو..على خدودهه لزمت بالكوة روحي من البجي..استحقرت روحي..جنت ندمان حيل ومتوجع..على حالي..لزمت روحي وكلتلهه..لا تكولين هيج..الله عليج لا تبجين و سامحيني...ريما سامحيني..والله اني نادم ..الله عليج تسامحيني..ومن غير ما احس لزمت ايدهه وركعت جوة رجليهه..نادم يا ريما يا ريت ما سويت شي ولا تقربتلج..ولا صار اللي صار...سحبت ايدههبالكوة جسمهه بايد من البنج..والادوية..كالت اللي صار مكتوب ومقدر...ربي رحمني وما حبني اموت باثم..كتلهه دكولي انتي مسامحتني..كالت السماح يم ربي اني شنو حتى اسامح..دخل ابوية..والجماعة كلهم..وخرت اني ..اللي يسلم واللي يسأل واللي يبارك..وهية كوة تحجي..وتبتسم بهدوء..غريب..قوتهه عجيبة..بوضعهه..لو وحدة ثانية..جان طردتني ولا حجت كلمة وياي..ولا جاوبتني  التفتلي وكالي..انته اشجابك هنا..هم الك عين وجاي تشوفهه..ستوني ردت احجي..وهية لزمت ايد ابوية..وكالتلهه..عمي..لو تسمح..اريد ابقة اني وياك  ومحمد وحدنه..هز راسة وطلعهم كلهم..اني كعدت يم راسهه..اتنهدت..وانفاسهه جانت كوة تطلع..تحجي وتسكت مبين الحجي صعب عليهه..كالت عمي اسمعني..وما اريد احد يقاطعني..اللي صار صار..والشيطان حضر بوكتهه..عمي احب ارجع لبيتنه..اكملاوراقي..وكل لوازم الجامعة..بعد ما ارتاح..ابوية راد يحجي وما خلته..لزمته من ايدة.. رادت تكمل حجيهه..اني ومحمد ما نرهم لبعضنه..اللي صار كفى اوفى..اني ما اكدر بعد ازوج..اريد اكمل دراستي..واريد اسكن بقسم داخلي للطالبات..لا اريد اتعبك ولا اريد ابنك يطلع من البيت بسببي..مهما صار هذا ابن عمي..الله عليك عمي بروح امي ريمة..وبروح ابوية اذا حي او ميت..لا ترجعني لبيتك..ولا تغصبني على العيش وياكم..كافي اللي شفته ..تعبت من الوكعات  ..تعبت من الضربات..ومن الدنية..وجان تلزمهه الغصةوكامت تشهك وتبجي..ابوية حضنهه..تمنيت اني احضنهه..بمكانه..كاللهه اسكتي ريما بنيتي..مو زين عليج البجي..اللي ترديه يصير..بس انتي كومي بالسلامة..هدت شوية ..واني اكل باصابيعي..من الندم والحسرة..كملت حجيهه..وجهه احمر..من البجي..كالت الابوية اريدك تساعدني..حتى اسجل بالجامعة..حتى لو تحسبة دين عليه..هذا كل اللي اريدة..واريد كدامك محمد يوعدني..بعد ما يتعرضلي..ولا يتقربلي..اي واحد..الله يهنيه ويجيبلة بنت الحلال اللي تسعدة..قاطعتهه..بلهفة..واني مصدوم..بعد ما جنت انهزم منهه كمت اركض وراهه..كتلهه والعرس...
ابوية خزرلي..وكام يصيح عليه..ما عدنة بنات للزواج..اطلع برة..اخيرلك..هذا ابوية هيج ردة..لعد هية شلون راح ترد..ابوية التفتلهه..وكاللهه كملي ولا كاني موجود..اللي ترديه يصير بنيتي..وعيب تكولين دين..انتي بنت اخوية..واني حاسبج مثل بنتي..صيري زينة وكل اللي ترديه يجرالج..باسهه من كصتهه وطلع وطلعني وياه..لاوي ركبتي..املي بعيني من شوفتهه..اللي حرمت علية من اليوم..ااااه يا ريما حكمتي عليه..بالعذاب...# ليوثي