وجع الماضي

الحلقة ٢٢

#وجع الماضي
#ليوثي المياحي...

  ريماا .. تحجي
محمد من النوع اللي من يتعصب اصير عندة ردت فعل بدون وعي يتصرف و بدون تفكير ..واني بالرغم جنت مو بواعيتي .. بس جنت متاكدة انو ردة  فعل محمد راح تكون بهاي الطريقة.. دعيت ربي يهديه وما يفهمني غلط .. بس صار اللي جنت خايفة منه .. اباوعلة شلون ضرب حسام وخوفني من سحب السجينة ونبتهه بجتفة .. ما جنت خايفة على حسام الكلب جنت خايفة عليه ليروح يورط روحة وي واحد ما يسوة..  ما كدرت اسوي أي شي حتى ردة فعل .. او ابرر موقفي.. جنت مخدرة ما اكدر احرك ادية او رجلية ..احس اعصابي منملة مخدرة جنت فاقدة للحس وما اكدر اتمالك روحي ..جانت دمعتي حاضرة بس تنزل على وجناتي نار تحرك بيهن ..طول عمري اني والظلم خوان .. دائما جانت عندي ردة فعل حتى ما انقهر..بس هاي المرة القهر بقهرتين..انظلمت.. وما كدرت ادافع على روحي.. ليششش هيج الدنية مرة وضالمة ؟؟؟ليش ليش؟؟ليش الدم يصير مي ؟؟ليش  نحكم كبل ما نسمع .. ليش اني من دون البشر ؟؟ ربي اريدك تاخذ حقي من الضالم .. احس كلبي يريد يوكف .. جبل جاثم عليه ويضغط عليه ..سجاجين تكطع باوصال كلبي  ..اخنكني محمد .. خليني اموت وارتاح كافي عذاب .. النفس ينسحب مني شوية شوية واودع الدنيا بقهر وحزن  .. مظلومة والله ويشهد ربي علية .. اباوع لعمتي ..سحبت محمد من بنطرونة بكل قوتهه وكعته بالكاع.. فتحت عيوني بالكوة اشهك وارد النفس ..محمد يريد يكوم ويرجعلي بس عمتي نامت على رجليه تبوس بيهن  ..عيوني وليدي بجاه ربك بجاه النبي .. وليدي استرهه واسترنة .. ولا تفضحنة ولا تخلينة مضحكة  بالمنطقة ..استر على  عماتك وبناتنه واختك ..يا وليدي حكم عقلك ..اذا كتلتهه راح تجني علينة .. استرهه ولمهه ..وبعد فترة طلكهه ..ابوس ايدك ..ابوس رجليك.. باوعنة احنة عائلتك ..اتحامل على روحك شوية.. خلي تكمل هل ليلة وراهه سوي اللي تريدة ..اترجاك وليدي ..اني مو عمتك ..لا تفضحنة وتخلينة علج بحلوك الناس..ما صدكنة نسو سالفتنه القديمة .. يرضيك سمعتنه تصير على كل لسان .. والعار يبقة لازك بينه..يرضيك بناتنة تنذل ومحد ياخذهن بعد..وليدي اهدة اترجاك.. ارحمنة ..
_كلامهه وجعني .. صرت عار ..تتوسل بيه حتى ياخذني بعد ما جنت رافضته واتعزز .. صرت عار على كل العائلة.. ليش..ليش اني شسويت بدنيتي ..ذل يموت وكلبي صاير دم ..لو بيدي انهزم وما اخليهم يلكوني باي مكان.. اني مو مثل امي.. اني مو هية .. ما سويت شي ..عمتي خايفة على بنتهه وبناتهم.. وتريد يلمني وبنتهه هية اللي ذبحتني .. دنكت على محمد تترجة وتبوس طلعته لبرة ..بقو يتحاجون ما اسمع بس همسهم..رجعتلي عمتي كالتلي الله لا يوفقج ..بنت الحرام ضيعتينة وخليتينة بين الرجلين ..كملي هاي الليلة على خير وراهه هوة يحاسبج ..عمتج جان عدهه حق ..من تكرهج لان تعرفج كل اللزين مو بت اوادم ..كومي لمي روحج واستريهه ..لبستني عبايتي واني لا كلام ولا سلام كلبي ملجوم رمت علية الشال وطلعت .. وهية توصي بمحمد وليدي لا تتهور ..سوي مثل ما وصيتك.. كمل ليلتك على خير..ولا تخلي شي يبين عليك.. وراهه سوي اللي يعجبك..اتصرف كانو ما صاير شي ..دير بالك على روحك وليدي..انته رجال ومناقصك شي ..اندارت علية .. كالتلي هيج كتلتينة بالحية ونزلتي راس ابن عمج..الله لا يوفقج ..توكل ابني توكل..الله وياك.. محمد صعد السيارة وطار بية.. الطريق كلة الجكارة مانزلت من حلكة.. وهوة يحجي ويسب ويشتم.. واني  بدة وعيي يرجعلي شوية شوية وكمت اكدر احرك روحي ..بس الساني بقة ثكيل وما اكدر احجي طبيعي.. اسمعة يشتم ويسب ويتوعد .. واني ساكته والدموع تجري مني..  فكرت  انهزم ..او ارمي روحي من السيارة ..لا..لا.. اني ما انهزم لازم اخذ حقي بايدي.. خل اصحى من اللي اني بيه وبعدين افكر شاسوي.. لازم امشي وراسي مرفوع اني مو بهل رخص نفسي عزيزة رغم المذلة..
محمد يحجي ويدردم بقهر ويضرب بجمع ايدة على كلبة..ويحجي ويباوعلي ..يكلي شكد كمت اكرهج ..اموت منج اكو وحدة بنت اوادم تسوي سوايتج..ليش اني هيج تكافئيني بالغدر والخيانة ..ليش اني اللي كلت اهنيهه وامسح دموعهه ..هيج اجازيني.. شنو اللي بيه وما موجود بية .. رضيتي تنطيه جسمج واني تستحين الزمج..وتتهزمين منا ومنا؟؟ جسمج اللي هوة جسمي..حقي ..مالتي ..ليش تنطيه حقي..احجي عاد لا ضلين ساكته..وينة لسانج اللي طولة مترين ...يسكت شوية ويرجع يحجي..تدرين شراح اسوي بيج.. بس تاني خل تكمل هاي الليلة وشوفي ؟؟يا عايقة..طالعة لمج.. ما جذب من كال العرك دساس ويمد لسابع جد..اني اعلمج ريماا؟؟وصلنة للبيتهم .. وكف السيارة وكالي انزلي.. الساعة بالسبعة نجي ناخذج عود مثل ميكلون (( انزفج)) ساعة زمان نكظي الحفلة وراهه حضري روحج..صاح علية بعلو صوتة ..انزلييييي..بالكوة فتحت الباب ونزلت..نزل من السيارة وسحبني من ايدي ودخلني للبيت رماني وراح ..كمت ابجي على ايامي وعلى اللي خلفوني .. دخلت لغرفة النوم وكمت اللهي روحي باي شي يجي كدامي.. انسي بروحي واحاول انسى .. خربطت المكياج عشرين الف مرة حتى المراية احسهه كارهتني ..ما كدرت اوكف دموع عيوني ..دموع القهر والظلم .. بالكوة رتبت روحي شلون مجان خلصت بنفس الوكت اللي يجون يزفوني بيه.. اجتي سمر علية وجايبتلي وياهه العشة ..خلتة على الميز ومشت .. لا ضكته ولا كدرت اخلي لكمة بحلكي وحدي الا ام ولا ابو ولا اخو ولا اخت .. لو جان عندي سند جان ما صار بية كل هذا ..اويلي على اللي ما عندة والي..
اجاني هوة والزفة مالتة..حتى شكلي جان مخربط وتعبان..عمتي طبت..اخذتني من ايدي ودتني عليه..طلعت للسيارة بوسط الهلاهل..اللي حسيتهه نياحة على روحي مو هلاهل..العريس..ما كلف روحة ونزل..حتى يخلي ايدة ابين ادية..ويطلعني كدام الناس..ويصعدني السيارة.. مثل ما يسوون العرسان انذليت بعد ما جنت عزيزة..انكسر خاطري..وبعد شيجبره..اباله..هوة اللي مضحي ..واني هية الي مضحية..اني اتزوجة..واروح وياه.. بس حتة احفظ ماي وجه العائلة الكريمة..اني مو بنت حرام..الي تنكس راس عائلة كاملة..مو اني اللي تتوشح بالعار..وعائلتهه تتبرة منهه..وتستعر..كمت امنع دمعتي وما اخليهه تنزل.. حتى ما يشوفون ذلي ..زفة مرة..محمد لو بيدة يكسر ايدي..من هلكد ما لازمني ويعتعت بيه..طلعنة من غير لا فرحة ولا كلمة او سالوفة..كالي ابتسمي شوية كدام الناس دقايق وراح نروح للبيت..كتلة عيب من هل ناس الجاية..شيكولون علينه..بهاي اللحظة اجة عمي..كالة محمد شبيك..متكأب..وضايج..ابقو لا تروح ما صار دقايق من اجيتو حتى الناس المعزومة بعدهه مجاية..وبعدين..ابقة بعد شوية ادري بيك متلهف عليهه..
كوة كعد .. وهوة ضايج وما راضي..حتى ما باوع علية..اجة عمي هوة واصحابة وكل واحد يجي يباوسة ويباركلة ويدعيلة بالولد الصالح..محمد مبين عليه مغثوث..وحاقد علية..كام من مكانة كالي يلة كومي يزي عاد..سمر تمشي وراي..وهوة يركض وضايج..بس يريد ياخذني..وهوة يكرهني ويموت مني..طلعت وطلع بالسيارة..وطار بيهه طير..البيته.. اجة الوكت اللي لازم بيه احجي..وما اسكت..
-انته اكو ابالك شي بس مو صحيح .. هااااا.. هسة طلع لسانج ..وحجة ؟؟ لو شوية مفكر جان افتهمت انو اني ابحالة مو طبيعية ..صرخ بوجهي ..اسكتتتي لا اذكريني؟؟ انتي خليتي بية عقل ..كتلة ما اسكت لازم تسمعني ..مو تسوي نفسك المضحي؟؟ ضرب الستيرن بايدة وصاح بية .. انوب تدابلني بت..ال...... ..انعل ابو هل تربية ..تسكتين لو هسة اكلب السيارة واموت واموتج وارتاح ..اسمعني لا تنصب روحك قاضي من غير ما تسمعني..باعي ولج صوتج ما احب اسمعه ..اسكتي ترة اجرم بيج بهل ليلة..واني احجي وهوة كام يدور بالستيرن كلت احسن اسكت بدل ما يكتلنة ..زود السرعة وماكو رمشة عين واحنة يم باب البيت ..   نزلت من السيارة وهوة وراي وكفت بالباب اجة وفتح باب البيت دخل ودخلت وراه سد الباب بكل قوتة حتى اني فزيت .. وجان يندارلي ..كتلة محمد اسمعني خليني افهمك.. عيونة حمرة صايرة جمر رمى المفتاح وصرخ بوجهي وية الصرخة ضربة راشدي .. دار بيهه وجهي..كالي هم عندج عين وتحجين.. شتكولين ؟؟ وشتفسرين ..؟؟ ايدي على خدي أأأأأأأه واتوجع البدلة جانت خانكتني وثكيلة كوة اتحرك بيهه.. وية صدمة الراشدي؟؟ كتلة محمد ترة اني تقشمرت .. والعب علية .. امل ؟؟ سطرني بالراشدي الثاني ؟؟ لكيتج بحضنة عريانة وكاعدة عيونج مفتحة تعرفين شنو معناهه.. معناهه منعتي علية روحج والة نطيتيه بارادتج .. معناهه خنتي رجلج .. انتي مو كلتي مراح تكون الاول .. معناهه راح اكون الاخير..
انفجر مثل البركان كام يضرب بيه..باديه واني احاول اغطي روحي بادية..شكك البدلة علية..حسيت بروحي انخنكت ..يضرب ويسب ويحجي..ويجرجر بشعري...هاذ الشعر اللي جنت ميت بيه..مرمطني..ومسح بيه الكاع..وهوة.. يشكك بالبدلة..كتلة اسمعني محمد الله عليك..لا تظلمني..
كلتي مظلومة..كلت اداوي جرحهه ..صدكتج..شريفة وعفيفة..مرة تكتل روحهه ولا ينمس عرضهه هاي مرة بعشر رياجيل..طلعتي تكتلين روحج..ولا تخليني امسج..بس حبج القديم..اللي جان رايد يخطبج..وانهزم..تنطينة روحج..اني مو رجال لان صدكتج او وثقت بيج..زاد بالضرب وصار اقوة من الاول..البدلة تشككت..وهوة يصيح..جسمج..هياتة كدامي..حرمتيني حتى من البوسة..اني ما انسى وصعب انسى..انو ما خليتيني اتقرب عليج..بس هوة  خليتيه يلزمج ويفعل كلشي بيج...لعنة الله عليج..يا فاسدة..يا بايرة..خزيتيني..ودنكتي راسي واني رجال طول عمري معروف وما مأذي احد ..ورغم كل اللي صار مشيتهه وما فضحتج..وصرتي مرتي..بس هسة لا زم اكتلج..واشرب من دمج..
حاولت ..وياه..ودفعته..وتعاركت وياه..بس هوة اقوة من عندي..افتهم كلشي بالغلط..وفسره الموضوع على طريقته..
محمد..والله ماسويت شي..الله عليك بس اسمعني..
ما اريد اسمعج..ما عندي  خلك اسمع ولا اريد اعرف..عندي شغلات اهم منج ومن وساختج..لزمني ..واني جسمي نصة عريان..وكتلني كتلة عمري..ضرب وين ما يوجع..الة دماني خلاني اون وشبه ميته..طلع وسد الباب وراه..
ليلة عرسي..صارت اجمل ليلة بحياتي..لدرجة انو هانت علية روحي..وكمت اتعارك وياهه بالكوة..شككت الباقي من البدلة..وكعت كلهه بالكاع..كمت امشي بالكوة اللي يكول سكرانه..وكلبي يوجعني..دخلت ادور على اي شي اكطع بيه الوريد وانهي عذابي..كافي اللي شفته..حسيتة..رجع للبيت..فتح الباب ودخل علية..جرني من ايدي..كالي حسبالج تكتلين روحج مثل ذيج المرة..لا.. اريدج تموتين موت الجلاب..
اكتلج..اني هاي المرة..ايه...ايه...خلينة نرتاح..
من النار اللي مشتعلة بيه..
اخذتني الغصة..وانهاريت كلني..كمت ابجي بكل قوتي..لحد ما فرغت هم كلبي..وهوة يباوعلي..ويحجي..
ابجي..ابجي..بلكي تغسلين شوية من ذنوبج..
طلع راح للصالة واني بقيت متبسمرة بمكاني..ورة فترة ما اعرف شكد بالضبط..ساعة نص ساعة ما اعرف..اجاني..من غير ما يباوعلي..كالي كومي لمي ملابسج..رايحين..كتلة ..وين..كالي امشي وانتي تعرفين ..وفتحت ابواب جهنم علية ..#ليوثي