وجع الماضي

الحلقة ٥

#وجع الماضي...

محمد يحجي... اني ابن بغداد حتى لو اصولنة عربان..عمري تلاثين سنة تعبت على روحي ودرست وتخرجت من كلية الهندسة ... وكوة كونت نفسي وسويتلي اسم بالسوك لان الهندسة المعمارية مو سهلة.. اجتهدت وتعبت وسهرت وجعت في سبيل احقق حلمي..اخذت هواي مناقصات ومشاريع لحد ما وكفت على رجلية..مجان للحب مكان بكلبي.. حتى كلبي صار حجر لا يحس  ولا ينبض الا باشغل والاعمال..النسوان مالي شغل بيهن..كل اللي جان يهمني انو اكبر اسمي وفلوسي اشغلهن بالسوك حتى اصير من ذولي الزناكين..طموحاتي جانت عالية .. ما اريد يجي واحد يكسرهه الي مهما كان ..انوب مرة؟؟؟؟لا هاي كلش واكفة؟؟؟وشلون مرة...اني بالمراهقة مالتي سمعت سالفة عمي.. ومن كبرت افتهمت اللي صار بوكتهه..من ذاك اليوم كرهت الطفلة اللي اجتي للدنية نتيجة حب زائف..كمت ما اطيق اسمهه..وكرهت المرة اللي تسببت بتدميرحياة عائلةكاملة ومن فضل ربي عمي مابقة هنا علمود وحدة وسخة..طلع ومابقة لحظة وحدة..لان هيج مرة حرامات الواحد يضحي علمودهه .. المرة اللي ماتقدر رجلهه.. ولا قدرت محبته الهه ..وما تخلي حساب اله..ولا لاهلة او عائلتة..ولا تهتم البنتهه ما تستاهل تعيش..واكيد بنتهه تطلع عليهه..لا تكلي تربات جديتي..المثل يكول العرك يمد لسابع جد..واكيد اذا مراح تطلع مثل امهه..راح تاخذ صفاة منهه..المهم اني ما اعرفهه ولا اريد اعرفهه من الاساس..ولا اريد اشوف خلقتهه..واكثر شي خلاني ما اراجع جديتي ريمة..هية لان جانت موجودة يمهه واني لا اريدهه ولا اطيقهه..هيج اكرهه من دون سبب..يكفي هية بنت امهه منى..اكرهه كره اعمى..وصدمني ابوية اللي يريد يزوجنياهه..موقفي الكل يعرفونة..اني ما افكر بالزواج..مستقبلي وشغلي واسمي بالسوووك فوك الكل..واجي بلحظة اهد كل اللي بنيته...لا..لا..مستحيل..انوب بنت الحرام تستهزء بيه وتتمسخر وتنكعني بالمي..اني اعلمهه الا ارجعلهياه ثالث مثلث...واريد اشوف منو بالاخير يتندم...
اني رجعت للمدرسة والقراية..كالمعتاد..الحجي مالته ليهسة يرن براسي..وصورة امي ريمة الله يرحمهه..باقية بكلبي وبعقلي وساكنة عيوني..ما فاركتني ولا لحظة..دنيتي مخربطة ومكركبة مخبوطة ما اعرف شلون افرزن الامور ..جانت هية الله يرحمهه مسيرة حياتي وحاميتني...تحولت البيت عمتي اللي جانت تسوي كلشي في سبيل تحسسني انو اني عايشة ابيتي واني مثل بنتهه..ومو ثكيلة عليهم...اني جنت حاسة..روحي..عايشة ..وكلبي وعقلي ميتين..عايشة بهل دنية تأدية فرض بس لا اكثر..بس دراستي..ما عفتهه.. وكمت اقرة اكثر واكثر حتى اطلع معدل زين واكمل طموحي...عفت بيتنة..وكاعنة والزرع والنعاج..وعشت ابيت عمتي سليمة..اطلع للمدرسة ومن اكمل ارجع للبيت على طول ماجنت اطلع لا منا ولا منا..ومردت اقوي علاقتي ابيت عمتي..بالعكس انعزلت اكثر..وبنيت لروحي عالم منفي ما بيه بس روحي..صديقتي سهى كطعت علاقتي بيهه..هية اخذت على خاطرهه مني لان رفضت اخوهه ماجد..ومن رزلة امهه ابيتنه..حتى السلام انكطع بيناتنة..ولان ما عندي اصدقاء غيرهه..بقيت وحيدة لا صديق ولا ام ...محد يحس بيه..ويطيب خاطري ويبقة وياي...خليت كل واهسي بالدراسة حتى بدت الامتحانات وضغطهن...عمتي سليمة الشهادة لله ما قصرت وياي..من ناحية الاكل والراحة وحتى نوبات تسهر علمودي..احسهه تريد بس تسوي واجب وياي..لا اكثر..رجلهه ما اشوفه..لا بوكت الغدة ولا بوكت العشة..يجي من الشغل يدخل غرفته وما اعرف شوكت يدخل وشوكت يطلع..كملت الامتحانات وكعدت بالبيت اتاني النتيجة..واني على اعصابي..جنت هواي مهتمة بالنتيجة ..ياما حسيت بالغصة ونزلن دموعي يحركن وجناتي..وارجع امسحهن واقوي بروحي..لا عندي ام تمسح دموعي..ولا ابو  يطبطب على ظهري..عمي..من  خلصت الفاتحة..لا شفته ولا شافني حسبالك ما صدك..لكالي حل وانهزم..من مسؤليتي..كلما اذكر ابتسم باستهزاء..من روحي..ما عندي مجال حتى ابجي..والدموع والحسرة انحفرن بكلبي..روتين..ممل..نوم وسهر اليوم طويل كوة يمشي..كمت اضيع وكتي..نوبة بقراية قصص..جنت اعشق القصص والكتب الادبيه..الهي روحي بيهه هم اغطي على تفكيري..وانسة هم وضغط النتيحة...بقة اسبوعين ع موعد النتائج..كل ما يقرب الموعد اعصابي تتوتر ...بيوم اجة عمي ناصر..رجل عمتي سليمة..وهوة يصيح..سليمة..سليمة..افتحي الباب وياي خطار...عمتي جانت بالمطبخ..طلعت ع الباب وهية تمسح باديهه.بالموكاية...كالتله كل الهلا بيك وبخطارك..فتحت الباب..وصاحت...منو...حسام..ابن ابن ديرتنه..ياهلا ومرحبا حي الله من جانة..اتفضلوو اتفضلوو..هسة احضرلكم الغدة..
اني وامل..دخنة واحنه نسمع حجيهم..هذا شجابة علينة..وين عرفنة وشذكرة بينه..من اخر مرة شفته بيهه وراهه ما بين..كعد شوية وتغدة..وترخص من عمي وكالة راح اروح..عمتي اجتي تركض..علية...كالتلي ولج ريما تعرفين هذا منو..هذا اللي ساعد امج ريمة الله يرحمهه من وكعت بالزرع.. مالتكم ..كتلهه وشيهمني اني..بس شبية شيريد..كالت معقولة ما تعرفين شيريد...تبسمت عمتي وهية فرحانة من تحجي..حسبالك هم وانزاح..من كلبهه..كالت بنيتي..ربي يسعدج..هذا جاي خطابة..يريدج..على سنة الله ورسولة..وكال بس تطلع النتيحة مالتهه..راح اجيب عائلتي..واجي..اخطبهه..كبل ما اكول العمج.كلت خل اعرف رأيهه..هااا شتكولين...
اني منا تعبانة من ورة الامتحانات..نوب جتني هاي المصيبة..مكدرت اجاوبهه ..لان ما اعرف شاكللهه..فضليت ساكته وما حجيت...عمتي حست انو اني موافقة..
لان طلعت فرحانة..واني ضايعة..ما افتهمت شي لا اني موافقة..ولا اني رافضة..كلت لازم احجي وياه..كبل ما تتطور الامور ويوكع الفاس بالراس..كوة خلصت الليل اتاني الصبح يطلع..حتى ادبر حل..واشوفة واحجي وياه..وافتهم منه..واشوف ميه شنو ..وهواه..لو استمر وياه..لو كلمن يروح بطريق..نهار جديد..وما اعرف شنو يتانيني..بيه..بعد التفكير كلت لعمتي..عندي غراضي بقن ابيت امي ريمة ومحتاجتهن نروح نجيبهن..كالت ميخالف روحي انتي واخذي وياج امل..بيت عمتي ما جان بعيد على بيتنه..احنة بمنطقة وبيت امي ريمة بمنطقة ثانية..المهم رحنة اني وامل.. لبسنة العبايات ومشينة لبيت امي ريمة..حتة اشوف خطيبي..ههههههه حتى افهم منه شناوي وشوكت شافني وحبني..زين هذا يعرف الماضي مالتي ..لو جاي على عمة عيونه..وهوة ما شايفني..بس كم مرة..وجاي يخطبني..زين اهلة يدرون بيه..واذا عرفو ماضيي شراح يسوون..هاي وكومة اسألة لازم يجاوبني عليهه..وبعدين اقرر..امشي وامل وياي..كلبي يرجف وخايف تطلعلي مصيبة الخ...مو قصدي خوف ولا رهبة..لا بس فضول وحب استطلاع..ولحد الان اذكر اخر مرة..من وكعت بين اديه..وبداخلي احساس يم شخص ثاني...احساس بالشماته..لغراب البين..اكيد تعرفوه..اي هوة بعينة محمد ابن عمي..سميته غراب البين..مغرور..وبالة..بس هوة بهل دنية..ويرفضني..امل وراي تمشي تتعثر بالحرث..بنص الكاع مالتنه اللي ضامنهه..جانت زاهية بالسنابل مالت الشعير..ما شاء الله منضرهه جان كلش حلووو..وشكد حبيته..لان السنابل جانت رافعة راسهه..وما حانيته..شفتة من بعيد..واكف يم الفلاحين اللي يشتغلون عندة..من شافني عافهم..واجاني يركض..اني ميلت بصفحة وكفت ورة السياج..اللي يفصل بين كياعينة..امل تشاورني..تكلي ريما..اخيتي..الله اليستر..ليروح يشوفنة..واحد..غير ابوية يعلكنة بالبنكة..كتلهه ماسكتين بلة..لا تشوشيني..وخليني مركزة وياه..هياته جاي..ابقي بصفي...كالتلي ..لا..لا..اخيتي انتي وياه يجوز بيناتكم سوالف عشك..وغرام..اني شاسوي بيناتكم..
كتلهه ..ما تنجبين احسن هبلة انتي..اني لا جاية ادور سوالف عشك وغرام ولا ابد اريد اعرف طينته شني...لعد لو ما فهمتك شنو من غايتنه نحجي وياه..احنة نتناكر..وجان يطس علينه..لابس دشداشة بيضة..وسروال ومحزم.. والورور بحزامة..صافن علية..وابتسم..كالي كل الهلا بيج..نورتي القرية بعد هل غيبة الطويلة..كتلة ما جاية اسلم عليك واتسامر..جيت احب اعرف..ليش؟؟؟
كالي شبيج مستعجلة..خلينه..نحجي..اني ..جان يباوع على امل...هية افتهمت..وابتعدت علينه شوية...رجع يحجي وعيونة بعيوني..كالي تريدين تعرفين ليش...لان من يوم الشفتج..وانتي ساكنة بكلبي..حاولت ما افكر بيج واطلعج من كلبي وعقلي..وما كدرت كلشي بيج سحرني..من يوم الشفتج..الظرووف اللي مريتو بيهه..ما خلتني..اجي واطلب ايدج..تانيت الوكت..المناسب..حتى اجي واطلبج من اهلج..
انته تعرف ..اني منو وبنت منو..وشنهي حجايتي..باوعلي واخذ ايدي  خلاهه بين اديه..كالي من غير ماتكملين اعرف..كلشي..ومع هذا اني احبج ورايدج..ان شاء الله انسيج كلشي اذا صرتي من قسمتي...
رجفة سرت بجسمي..اول مرة..اسمع هيح كلام حلو..اول مرة احس انو اكو واحد مهتم بيه..رغم كلشي..ملذاتي ورة امي ريمة انتهت وطفت..سحبت ادية..بساع..وخرت منه حتى نروح اني وامل..جيت علمودة ..وعرفت شنو بداخلة..كتلة يالة مع السلامة..همسلي كالي احبج ريما..ورايدج..الي..انجحي..واواعدج اخلي الفرحة تصير فرحتين..انهزمت ركض..واني ما مصدكة..اللي سمعته..فرحة غريبة بداخلي..ادغدغ جسمي..كله..الشعور بان اكو واحد مهتم بيك ويحبك لشخصك..من غير ما يعرف تفاصيل حياتك..هوة هذا الحب..احساس يدوخ..نمشي..وامل..تحجي..ان عل ابو هل شغلة..انتي حبي واني اكل البحص والحصو..هههههه كمنه نضحك..شنو هل فرحة اللي حاسة بيهه.احساس رهيب..اكتسحني..وخاصة من اتخيل وجه محمد شلون راح يصير من يسمع بخطوبتي..خل يسمع اكو غيرة مهتم بيه ويحبني ورايدني..احساسي بالفرحة والشماته من محمد بنفس الوكت..دوخني بالزايد..رجعنة وهمزين محد سألنة ولا واحد حس بينه..عمتي حجت وية عمي..كاللهه خل تنجح..اول مرة وبعدين نحجي بهل موظوع..اكيد جان معصب من موقف ابنه محمد...المهم بقيت متانية الشهادة على احر من الجمر..اتاني وريجي نشف من الخوف..لا ارسب..تلفون امي ريما..بايدي دزيت من عندة رسالة..لحبيب العمر ...كمت احلم لابسة الفستان الابيض وامشي مثل الطاووس وايدي بايد حسام .. والعواذل يموتون من القهر.. جان التلفون يدك اني رجفت ورجف كلبي وياي.. شلتة واني ما مسيطرة على روحي ..فتحتة وجانت جايتني رسالة من المدرسة قريتهه والتوتر والخوف ذابحني.. كمت اعيط واصرخ بهستيرية ...كمت اصيح املللللل...وج املللللل ... بلة تعاي اقري مكاني اشو احس اني انعميت...اخذت مني التلفون قرت الرسالة وعيطت فرد عيطة .. وهية تشيل بيه وتبوس وتحضن..كالتلي يولي مبرووووك.مبرووووك..ريما..الف مبروك نجحتي..جان اتهلهل..عمتي..والدنية انخبصت..واني متت من فرحتي..ومن كثر الفرح كمت ابجي..اذكرت امي ريمة..شكد مسكينه..جانت تتمنه تشوفني بهاي اللحظة..وحتى جانت ناوية تذبح ذبيحة..وتعزم كل اهل القرية..بس كلة راح وية الهوة..شالتني عمتي..بمعزة وهية تبوس بيه وتباركلي..وتمسح بدموعي..كالتلي لا تبجين بنيتي..الليلة فرح واني راح اذبحلج ذبيحة ولا يهمج..واعزملج اللي ترديه..واهلهل وحتى اركص هماتين..اعوضج عن كل اللي جان سوته امي الله يرحمهه..حسبالج اني ناسية حجيهه من وعدتج...هاي الليلة ما تبجين..لازم تفرحيت..وخاصة..انوب الفرحة راح تصير فرحتين من يجي حسام ويخطبج..امشي ارتاحي..وحضري روحج..وخلي الباقي علي..والله ما مصدكة..هاي حقيقة لو حلم..الناس سمعو بالخبر وبيتنه انملة اللي يهني واللي يبارك..ذبحنة الذبايح وسوينة عشى ..واني ايدي وكعت اسلم على هاذ واجامل هاذ واضحك وية ذاك..حتى حسام اجة وهناني وبلغ عمتي وعمي انو راح يجي بالليل..ويحيب وياه اهلة..انطة رقمة الامل حتى تنطيه الية..هوسة وفرحة واغاني يبوووووه انخبصت الدنية..عمتي وعمي..ومرته وبناته..باركولي..بس جنت مرتاحة لان ما اجة غراب البين...بس ضليت اتلصص بعيوني بين الضيوف..كلت اشوفة واشمت بيه..بس الفرحة ما جانت لامتني..اجة الليل..والناس بدت تروح لبيوتهه..وحسام ما بين..ما جنت مهتمة بفرحة النجاح بكد اهتمامي بالخطوبة..حسيت بالتوتر..الساعة عبرت التسعة..ولا هوة بين..ولا اهلة..اخذت رقم التلفون من امل ودكيت عليه..اكثر من مرة..وما يرد..كلبي اكلني..والفار كام يلعب بعبي..اخاف صار شي...اوووف ربي.. حاولت ودكيت مرة واثنين..جان اسمع صوته ..وهوة يكول..هلوو ..كتلة حسام خما بيك شي..تنهد تنهيدة جبيرة.وكالي لا ما بيه شي الحمد لله...كتلة لعد وينكم..شبيكم ليش ما جيتو..والله ريما ..ما اعرف شأكلح..كام يتلعثم بالحجي..ما افتهمت منه شي..كتلة اهدة وفهمني شصار..تردد شوية وهم تنهد وكالي ..سامحيني..ريما..سامحيني..امي..رفضت..واني ما عندي بس هية..ورضا الله من رضا الوالدين..سامحيني..يا بنت الناس..واعدتح..وخليت بوعدي..ربي يسعدج وية واحد احسن مني..قفلت التلفون وما خليته يكمل..وكلامة يرن باذني..رفضت..رفضت..دارت بيه الدنية..وحجية يرن..باذني .. وكعت دايخة...وللحكاية بقية