وجع الماضي

الحلقة ١٩

الصبح كعدت من وكت..اتريكت..ولبست ملابسي..وعبايتي والشال..بهل اثناء محمد وصل عرفته من الهورن مالتة..والهلاهل مالات عمتي..طلعت ركبت بصفه..وعمتي طلعت ورانة تهلهل وتوصي بيه حتى يدير بالة عليه ونوصل من وكت..محمد مشة بالسيارة..وعمتي رشت طاسة مي ورانه..بالطريق محمد كالي..ريما خلينة ننهزم اني وياج احنة مو كتبنة كتابنة..نروح الغير ديرة بس اني وانتي..شلنة بيهم بعد...
كتلة كل عقلك تحجي..مخبل انته..
كال اي شوية خبال يهبل..كتلة انتة مضروب بعقلك..يا اخي..كالي..يا بنتي اني مو اخوج اني رجلج..كتلة اي اعرف.. بس تانيني لحد ما ارجع..كالي اي اتانيج العمر كله..اكلج ريماا شنو رأيج اخذج للبيت حتى تشوفين الاثاث وترتيب بيتنه..اني انلسعت...كلة الا البيت مالته..ونوب اني وياه وبس..كتلة اللي سويته بالبيت اني مقتنعه بيه من غير ما اشوفة..هوة خطية فهمني على طول مد ايدة يريد يلزم ايدي..واني اتملص منه..كالي لازم تثقين بيه انسي اللي فات ..عمري بعد ما اغصبج على شي ماتردينه..وشوكت متقبلين وترضين..اني موجود..الصفحة القديمة شككيهه..وانسيهه حتى نعيش مرتاحين..
كتلة ميخالف عوفني على راحتي..هوة سرح وية افكاره..واني اخذتني النومة..من تعب ليلة البارحة..وما كعدت الا هوة كعدني..كالي ريماا كومي..اجيبلج بطل مي..تشربين وتغسلين وجهج..واصحصحين..اليوم مو مال نوم..نزل من السيارة جابلي بطل مي وعصير برتقال وقطعة كيكة جاهزة..اخذت المي شربت شوية وغسلت وجهي..حتى اصحصح مثل مكال..مشينة نحجي لحد ما وصلنة الصالون..نزلت ..ونزلت سمر وراي من سيارة انور..سلمت عليهم..وطبينة.. على اساس محمد يحجي وياي..ويطمن علي..من دخلت..نسيت كلشي..لزمني امهات الصالون..من فوك ليجوة..حفافة وزواكة وشسوار وكصن شعري..وشيرة..هههه شكد توجع..وميش ورميل ..ورموش.. وعدسات..سمر طلعت راحت جابت ريوك..مشة وكت الصبح..واني وحدة تكملني وادزني ع الخ..ومحمد كل خمس دقايق يحاجيني..كملت لو لا..حتى انور يرجعني..مثل ما اتفقنة...كملت وطلعت..جان الكاه واكفلي بالباب..هوة ديتانيني..كتلة انته مو كلت عندي شغل راح يجيكم انور..غمزلي وجاوبني..واني اكدر اخلي واحد..غيري ياخذ مرتي..
اني اوصلج..وبعدهه ارجع ارتب اموري ..وصلنة سمر لباب بيتهم..
ومحمد مشة وداني لبيته.نزل من السيارة وكام يمشي يريد يروح للبيت..اني خزرتلة بعيوني ..باوعلي كالي شبيج..اريد اشوفج بيتج..وجهازج والاثاث..يلة امشي..ولا تخافين..نزلت واني ضايجة..ومن ورة خشمي..اخاف من نكعد وحدنة لان دائما الشيطان يحضرنة..لزمني من ايدي..يطمن بيه..صعدنة الدرج..ع الطابق الثاني..اخذ المفتاح وفتح باب الغرفة..اول ما اجت عيني ع الكنتور ..جان تحفة ابيض ومزركش بذهبي..والجرباية..وميز التواليت..غرفة فد شي..ولا بالاحلام..تلفزيون بلازماا..الصالة هم كلش حلوة ميز كلش جبير من الصاج عليه شدة ورد..الاثاث مال البيت كلش حلو ومنسق..رجعني لغرفة النوم..فتح الكنتور..واااااووو ملابس تهبل..روب نوم ابيض ستان..مورد..ملابس داخلية..وملابس طلعة وسهرة..مكياجات من كل الانواع..مالية الميز..عطور اشكال..سحبني محمد من ايدي وحضني كدام المراية..وشاورني..باجر..لا ليش باجر اليوم..زفتنة..راح اشعلج العشرة شمع وافرشلج الطريق ورود..راح نوكف هنا يم هاذا الميز راح اخليلج شموع او ورد..واسويلج سهرة..ولا بالف ليلة وليلة..وكتهه انتي مرتي وام بيتي..احجيلج..احلة كلام..واحضنج..واملة..روحي بريحتج..اني كمت ابلع بريجي بالكوة..وهوة وراي حط اديه..على صفاحي.. الشال..تسرسح من فوك راسي..وخرت من يمة وبصوت مبحوح..كالي ..ريما الله عليج..انزعي شالج احب اشوف شعرج شلون طلع بالتسريح..والميش..اني انصدمت وتبسمرت ..كالي لا تخافين..احب امتع عيوني..بجمال مرتي..كتلة مو هسة..بالليل..
كالي بروح امي ريمة..اني ادية ترعش..وكلبي ..مقبوض احس راح يصير شي من ورة هل رومانسية..فتحت الشال..هوة سحبة..وكع شعري..على كتافي..بالميش مالته..هوة عيونة لمعت..لمعة مو اعتيادية..وايدة سرحت بشعري..كام
يلعب بيه و يشتمة..كالي شعرج..خبلني..من يومهه..احلى شي بيج..عيوني ما تشوف غيرج..
هههههه اني دائما افسد الامور..بهبلي..كتلة اريد احبك..بس شحب بيك؟؟؟
كالي.. اسكتي خليني..اكلج..اني اعشكج..فر جسمي عليه..خلاني كبالة..كالي اني اعشك عيونج..العسل..عاشك.. خدودج..الموردة..عاشك شفايفج..الكرز..جان يحجي واصبعة..يمشي على تفاصيل وجهي..رعشة لزمتني..وشي رف..بيه..احساس بلذة وفرحة..وخوف احساس مخربط..وهوة يقرب وجهه حتى يبوسني..درت وجهي..وختلت بصدرة..اسمع دكات كلبة..كتلة محمد اصبر ترة اني اخاف..لفلفني باديه..كالي لا تخافين..واني وياج..احبج تكونين مرتاحة وياي..واستعدي لا حلة ايام عمرج..يالة خل نمشي..ما بقة وكت..اني مشيت..كالي اوكفي كبل ما نروح عندي هدية الج..مد ايدة بجيبة وطلع كلادة ذهب..مشرشبة تهبل..رفع شعري ولبسهه الي..كالي ان شاء الله اكدر اسعدج..وافرحج طول العمر..مديت ايدي عليهه وهوة كال..بالعافية حبيبتي..لايكتلج هواي..ماكو بوسة..لحبيبج..
لزمته من ايده كلتلة..ماضل وكت امشي خل نروح..ابتسم..ومشة كدامي..كالي..يالة..امشي غطي راسج..لبست الشال..وهوة يباوعلي..سبقتة الباب البيت وكبل ما افتحة صاحني لحضة ريمااا درتلة راسي..حضني كل قوته..حسيته شلون جاي يودع بيه..باسني من كصتي..وطلعنة..احساسي..يكلي هاي فرحة مؤقتة..رجعني والطريق كلة اني سرحانة..احس اكو شي راح يصير وراح يخربط كلشي..#ليوثي