وجع الماضي

الحلقة ٢١

#وجع الماضي
#ليوثي المياحي
الجزء ٢١

محمد يحجي..
جنت احضر للزفة..كلت اسويهه ليلة ولا بالاحلام..صدقاني اجوي كلهم من وكت سوينة جو..فرايحي..كلت ودعت العزوبية..ركصت وغنيت ودبجت وية اليدبجون..صدقاني شالوني ..على الاجتاف..خابرتهه..كالت اريد انام..دوختني..هل مرة..
من هيج ما قبلت تجي يمنه واكول كالتلي..هية ليهسة تكرهني..تندمت خابرتهه..ردتني وضوجتني..رجعت ابرد بروحي..واني اتخيل حياتي وياهه..بين صد ورفض ..كلبي يعصرني كل ما اتخيل حياتي بدونهه..صعععععب.ورة شوية وتلفوني دك..فرحت كلت اكيد هاي رسالة من ريما..بلكي اتطيب خاطري..وتفرحني بجم كلمة..حلوة رسالة عجيبة..نغزت كلبي..واني اقرة بيهه..وضلت ترن بعقلي..شنو ما راح تكون الاول..عقلي كام يودي ويجيب..شنو قصدهه..لبست وطلعت طاير..امشي بسرعة..مثل المخابيل..اسوق واخابر عليهه..تلفونهه يدك ومحد يشيلة..الجنون ركبني..شنو معناهه..؟؟وشنو تقصد..وليش ما ترد..دكيت على عمتي..كالتلي..وليدي شفتهه طلعت..وما ادري وين راحت..بدون ما تكلي..بس تلفونهه هياتة موجود..ما اعرف شلون اختصرت الطريق من نص المنطقة..ولا شلون وصلت..نزلت..لبيت عمتي..اركض كلت بلكي رجعت..بس لا شتميت ريحتهه ولا شفتهه..كبل شغلت السيارة..ومشيت لبيت جديتي ريمة..وعمتي تركض وراي..وتهدي بيه..فتحت الباب..ودخلت..كبل لغرفة النوم دخلت وياريتني ما دخلت..شفت منظر..صدمة عمري..شفت مرتي نايمة..وهية شبه عريانة..وحسام نايم فوكاهه ويبوس..تمنيت لحضتهه اغمض..عيوني وافتحهه الكاه حلم..اوكذبة..بقة عندي امل ان تكون فاقدة الوعي..بس اباوع عيونهه مفتوحة..عمتي صرخت..يا ربي لك هاي شنو ..يا كلب يا ابن الكلب..مشت من وراي..تركض عليه..اني شي قوي حركني..من غيرما اوعة على روحي..شي قوي..ذكرني بعمي وردت فعلة..من شاف منظر مرته..وية واحد ثاني.. التاريخ ديعيد نفسة..دمي احترك..وقهر وحقد..تهد جبال..جسمي كلة يرجف..والدنية اضلمت بعيني..ركضت كدام عمتي حتى اكتل حسام..وكعتة وكمت اضرب بيه بوكسات وجلاليق..لحد ما طلعت دمة..وهوة يضحك ويباوع علية بنضرة شامت ..كالي اخذتهه كبلك وعين تضحك وعين تبجي ..كلتلة ياكلب انته مو رجال ..تتعدى على عرضي ..انعل ابو تربايتك ..حجيي متوتر وكمت اسب واشتم وحجيت حجي ما اعرف شلون طلع من حلكي..بس توليته ضرب ودفرات...بس ما شبعت غليلي ..رحت اركض للمطبخ ادور اي شي حتى اضربة بيه فتحت مجر الكونتر لكيت سجينة اخذتهه ورحت اركض لازم اخذ ثاري منه هاي شغلة شرف وعرض ..جانت قوة خفية تحرك بية..وما كدرت اتمالك روحي رجعت اركض عليه عمتي كامت تصرخ وتلطم خدودهه ..كالتلي لا يوليدي لا تتهور ..وكفت كبالي ومنعتني من اوصل الة حسام تمالك روحة وكام يريد ينهزم اني عتيت عمتي ولحكته وضربتة بالسجينة اجتي بجتفة..وردت عمتي لزمتني ..جنت اريد الحكة واخلص علية بس عمتي سدت الباب علية وارتجت عليه وهية تبجي..يا وليدي انجوينة مرة كافي ..اني مو عمتك ..اسمع كلامي..واني اوخر بيهه والهث اريدهه بس توخر من يم الباب..وخري عمة ابوس ايدج..خليني اكتلة وابرد نار كلبي..كالتلي بروح العزاز عوفة وليدي..كافي مثل المرة انهزم ..عوفة حرامات تدخل السجن من ورة واحد كلب مايسوة ..مشدوه وماا مصدك...مرتي ؟؟مرتي؟؟شرفي ....بليلة عرسي؟؟انهزم مني وما اخذت ثاري ؟؟اني مو رجال ؟؟ما عرفت ادافع على شرفي اللي انداس كدام عيني..منو ياخذ حقي بعد منوووو؟؟انهزم الجبان كلبي يوجعني؟؟ كمت اضرب على كلبي بجمع ايدي واصرخ..لييييشششش؟؟ليييشششش؟؟وعمتي لازمتني ما تخليني اتحرك التفتت لريمااا ..امددة على السرير وتنهج شعرهه مفلول وراهه خصل خصل ..جسمهه ابيض مبين من جوة اليتك ..صدرهه نازل صاعد بفعل الجبان اللي جان جاثم عليهه..رجليهه عريانة جسمهه اللي جانت مغطيتة علية وحارمتني منه ..انتهك..احس كلبي يريد يوكف عميت والّصمت هذي اللي تتعزز علية ..هاي اللي ع اساس كتلت روحهه ..علمود شرفهه..تبتعد علية وجسمي ماتريدة يطخ جسمهه ؟؟بس لواحد ثاني تسلم جسمهه وكلبهه..الحقد عماني وكام يكبر بداخلي.. ومن غير ما اشعر ضربت ايدي بالحايط وتقربت عليهه اباوعلهه وكلبي يوجعني..عفت عمتي اللي جانت مجلبة بايدي..خليت عيني بعينهه..ومن غير لا سلام ولا كلام ولا تحركت ولا حاولت ادافع ولا تلم روحهه وتستر جسمهه اللي جانت حارمتني منه كدامي ملوح..وعريان تعدت عليه ايد غيري ..كمت ارجف سديت اصابع ايدي بكل قوتي ..دنكت عليهه وحطيت ايدي على ركبتهه ..اخنكهه اكتلهه وارتاح ..عسى نار كلبي تبرد..ضغطت بايدي بكل قوة ما كدرت اكتلة..اكتلهه هية وارتاح..كمت اخنك بيهه وحسبالك جاي اخنك بروحي ..انفاسي بالكوة تطلع ..جسمهه جواي اشتعل بنار كام يجوي..كمت اكرهه حيل..زيدت قبضة ادية .جسمهه اللي يتاني فراشي تنام عليه تدنس..ليييششش واني اللي عشكتهه ..كرهتهه وحقدت عليهه..ازيد بالضغط والخنك..وعمتي تسحب بية  من بنطروني ..ريماا وجهه ازرك ونفسهه ثكل ..وبيني وبينهه والموت لحظات ..اني حسبت روحي باعداد الموتى من شفتهه روحي فاركتني ..فقدت الرغبة في انو اني اعيش فرحتي ضاعت مني..ااااه يا كلبي ؟؟؟نااااار مشتعلة بيه ..وكل شوية ازيد بالضغط على ركبتهه وعمتي تبجي وصوت عياطهه صار عالي ..وريمااا دتموت بين ادية ..حتى موتهه ما يشفي غليلي والنار المشتعلة بكلبي... #توقعاتكم
#ليوثي