وجع الماضي

الحلقة ٢٤

#وجع الماضي
#ليوثي المياحي

عمتي سليمة..كالت العمي ابو محمد..شلون خوية شراح نسوي..وين اخذهه..من الصبح..ياخوفي لا يكتلهه..ابنك صعب..ومعصب انوب ..ربي يستر..الله واعلم وين هسة..انوب حتى مكان الشغل مالته مانعرف وين وبيا محافظة..
اي هية هاي سواية اسويهه بنتج ابٌنت خالتهه..
كالتلة..هذا عقلهه .. بعدهه طفلة وماتعرف الصح من الخطأ..هيج فكرت ع اساس تكسب محمد..وترة ابوهه لزمهه كتلهه وكسرهه تكسر حتى شعرهه زينة..وبطلهه من الدراسة وكعدهه بالبيت..
اي احسن خلي يربيهه..لان هاي السالفة ما ينسكت عليهه....خلي انشوف شلون راح نتصرف..لازم نلكهه مكانهم..أي والله اخوية استعجل ودبر روحك ليروح يسوي بيهه شي .. غير نصير علج بحلوك الناس ..عمي محمد اخذ السيارة وطلع يدور على محمد وعروستة .. عمتي سليمة رجعت لبيتهه حتى تشوف بنتهه امل وخلت اخوهه يتصرف وتدعي من كل كلبهه..ربي ينجي ريما..من ادين محمد..
هناك بالمشروع..محمد على اعصابة..لا يكدر يشتغل..ولا الة واهس بشي..المفروض هوة عريس..وبشهر العسل..بس..ما يستحمل يبقة وياهه بالبيت..جان يمني نفسة..انو يكون ابيت يلمة هوة وياهه..لا كاع اتشيلهم..ولا السمة سايعتهم ..بسام جان يحس بيه..بس ما مفتهم شنو الموضوع..يحاول يستدرجة بالحجي..ومحمد ما تطلع ولا كلمة..وخصوصا علية..جان يتهرب من اسئلة بسام..ويعوفة ويروح لموقع الشغل..كام يروح لاقرب سوك موجود بالمنطقة حتى يكضي احتياجاتة واحتياجاتي..وقرر يرجع يشرب..حتى ينسة..مصيبته..ويكدر يستحملني بالايام اللي باقي بيهه وياي..مخنوك..بس مايحجي..مجان عندة حل ثاني غير انو يصبر علية..كم يوم مثل ميكول هوة..ويطلكني..تسوك كل الغراض من المخضر والملابس..وكلشي احتاجة بالبيت..اجة ورمة الغراض بالبيت من غير ما يحجي او يباوع عليه..وحتى ما باوع على البيت اللي خليته يبرج من النظافة..طلع برة البيت طلعت اوصلة واسد الباب وراه..جان يصيح بيه..ابقي بمكانج ولا تطلعين وراي..اني كتلج لا اريد اشوفج ولا اسمعلج كلمة..انتي كل اللي عليج تسويه..تنظفين وتغسلين وتطبخين حالج حال الخدامة..لحد ما يكضي كم يوم..وكل واحد يروح بطريقة..رجعت ليورة..طلع وسد الباب وراه واني تنهدت..وتمنيت اغمض وافتح والكة هاي الايام مشت..لان مليت من هل كعدة بين هاي الاربع جدران..وادعي من ربي يفك حبسي بهل بيت اليشبه الزنزانة..سلمت امري لربي وكمت ركبت وحضرت الاكل..وخليتلهياه.على الميز..دخلت لغرفتي..تمددت..ومالي واهس لا بتلفزيون..ولا متابعة شي..جنت افتقد اي حس او مشاعر..
جان منهزم مني ومن البيت..رجع بنص الليل..واني جنت بسابع نومة..جان اسمع دك ع الباب..كمت اركض اشوف منو بالباب..لكيت محمد..يشيل بمواعين الاكل ويشمرهه بالحايط..وهوة يصرخ ويسب..الظاهر جان شارب ومطوخ حيل..يرمي بالصحون وين مجان..ويحجي..يا خاينة..ليش بدلتيني..ههههه اجة ابالي اغنية..ثاري طلعت عتب ولوم..ونوب حاطتلي العشة..؟؟ههه ترديني اكل من ايدج سم..هاذ اكلج..يشيل بالصحون ويرمي الاكل اللي بيهن وين ما تجي ايدة..ويصيح بصوت متكطع..وركيك..يا خاينة.. ليش بدلتيني..
كمت ابجي..وهوة هم يبجي..ومايدري اني موجودة ..كام يمشي ويلطخ ..ويضرب بايدة على الحايط..لحد ما وكع..احيت اركض..حتى اعاونه..يوكف..دفع ايدي..كالي..انتي لا..لا..ما احبج تتقربيلي..كافي اللي شفته منج.. جازيتيني..بالغدر..والخيانة..اتمنى كلبي..ينشلع من عروجة..واشمرة بعيد..كرهتج..يحجي ويضرب..بايدة ع الكاع..ابتعدت منه..ودموعي..ما سكتت..كوم روحة وحدة..وكام يمشي ويتعثر ويطوطح..راح للغرفة الثانية..ورمة روحة ع الفراش..بملابسة..وحذاءة..وهوة يدردم ياخاينة..ليش بدلتيني..شوية واخذته النومة..اجيت عليه..نزعتلة رباطة..وحاولت اعدل نومته..برغم ثكل جسمة..غطيته..وسديت الباب..ورجعت..الملم بالهوسة اللي سواهه بالبيت..الملم بالاكل وبالكزاز مال الصحون..واني الملم بيهن جرحتني كزازة..بايدي..ما طلعتهه الة كلبي انسل..كامت توجعني بجيت..على حضي واللهم اللي اني بيه..ليش؟؟؟شجابني لهل دنية..استغفر ربي..مسحت..الدم من على ايدي..ونظفتهه..بس ما انكطع الدم..لفيتهه..بوصلة شكيتهه من ملابسي القديمة..لان ما عندي لا ديتول ولا لفاف حتى اعقمهه واشدهه..عيوني احسهه مضبضبة..من هلكد ما بجيت..هديت روحي..ورحت تمددت على فراشي..والجرح ما بطل ينزف..شلت الوصلة لان انملت بالدم ..وخليت وصله ثانية..لفيتهه..وضغطت عليهه حتى يوكف النزف..حسيت بوجع..الضاهر اكو كسرة مالت كزيز باقية ما طالعة
هسة اني شراح اسوي بهل ليل يا ربي..منو اللي يداويني..لا رجال يحن علية..ولا ام ولا ابو..زاد همي..ابجي..ودموعي..تجري وية دمي..سلمت امري لله..يارب اموت وارتاح ..يا رب ارأف بحالي..والله اريد اموت..صحيح الروح عزيزة..والدنية هم عزيزة..بس اني ما عندي شي عزيز علية ابقى علمودة..بلكي النزيف ياخذني اموت وارتاح..شوية ..شوية.. لحد ما غمضت عيوني..وثكلت..وعيت على نفسي و اني بحضن..يهز بية..ما كدرت افتح عيوني..وايد تضرب خدي..اكعدي..اكعدي..شنو هاذ الدم....شبيهه ايدج؟؟ما كدرت افتح عيوني..ادين شالتني..دفو صدرة وريحته..الي ادمنت عليهه..وانعشت ذاكرتي..دكات كلبة..ادك ..باذني..يركض..ع السيارة..مافتحت عيني..الا والمغذي مشكل بايدي..والايد الثانية..ملفلفة..بشاش ..رفعت جفوني بالكوة..شفت خيالة..مشوش..كبالي..باوعتلة..بالكوة اجت العين بالعين..دنج راسة وي دخول الدكتورة..كالت الف الحمد لله ع السلامة..كتلهه شنو الصاير ..وشجابني هنا؟؟ لكينة قطعة جبيرة مالت كزاز..والجرح غميج..واصل للوريد..وفقدت هواي دم.. شكل عندج فقر دم..ولان ماتاكلين صايرلج هبوط حاد ديري بالج على روحج..بنيتي..والتفتت لمحمد كالتلة دير بالك على مرتك..داريهه شوية..طلعت وخلتنه..ساكتين..ورة شوية محمد طلع..وخلة الجو كآبة ومخنوك..انفاسي ثكيلة.. الجو مكدر..شوية وشلت المغذي..وطلعت راجعة للبيت...محمد يحجي..
فتحت عيوني بالموت..راسي يوجعني..من اللسم اللي طفحته..كمت..دايخ..نسيت اللي صار..لكيت روحي نايم بالفراش..مغطي..وحذائي منزوع..والرباط مشيول..تنهدت عرفتهه.. ريماا..كمت اريد اروح اغسل..واصحصح..شوية..لكيت دم بالكاع..اتبعة لكيته طالع من غرفة ريما..انصدمت..وكلت بس لا كتلت روحهه..ركضت فتحت الباب..لكيتهه نايمة وايدهه ملفلفة والدم يجري منهه..تذكرت اني كسرت..المواعين..وسبيت ولمت..حاولت اكعدهه..ما كعدت..خفت كلشي ولا تموت..ما عرفت شاسوي..شلتهه وركضت بيهه لاقرب مستشفى..بالسيارة..كلبي يدك..والخوف عليهه..مسيطر علية..دخلتهه للمستشفى وعالجوهه وخيطولهه الجرح..وهي مخدرة..دمهه يسيل..كلبي يوجعني عليهه.. بس ما كو بايدي حيلة..لا اكدر..اتقربلهه واسامحهه..ولا اكدر اعوفهه وابتعد عنهه..العذاب مكدر علية كدار..رجعنة وركبت السيارة..حتى نروح نسويلهه تحاليل..اسوق واني احاول اهدي اعصابي..احجي من غير ما اباوع عليهه..
يا بنت الناس..لاتخليني اشيل خطيتج..لا تحسبين حسابي..لا بالاكل..ولا بغير شي..احسبيني خطار..اطلع الصبح..وارجع بتالي الليل..ارتاحي..ما دام..اني مو بالبيت..احفضي عرضي..لحد ما تفوت كم يوم ..ما اريد منج..شي..لا ضوجيني..ولا اضوجج..وما اريد وجهي يكابل وجهج..هية سكتت وما جاوبت..طلعت من طوري..وضربت الستيرن بايدي..وكمت اصيح..سمعتيني لو لا..جاوبي..لا تستحقريني..ترة اجرم بيج..
لبدت..وختلت بمكانهه..وبصوت ضعيف حجت..اني وجعني ضعفهه وانكسارهه..كلبي يكلي ارحم ضعفهه وعقلي يكلي..خل تولي خانتك..لا ترحمهه..طلعت حركتي بالسياقة..مشيت بسرعة..وطلعت ظيم كلبي..طاير اريد بس اموت..بحركتي..ليش بعد هذا الحب..هيج يصير..اني عشكتهه بجنون..الدمعه ما احب اشوفهه بعيونهه..كلبي يوجعني..شكد تأذيت بالغدر..وعذرتهه..نزلتهه واخذتهه للبيت..ورجعت حتى اشرب واسكر..لازم اخدر روحي كل يوم..حتى اكدر اصبر روحي..واموت بالحياة.. اني..اباوعلهه وهية ابيتي..وما اكدر احاجيهه او امسهه..
ريما...تحجي..من وكتهه رجعت للبيت