وجع الماضي

الحلقة ٣٥

دخلته عليه صدمتني..راد يبررلي اللي سواه..دخل وسد الباب وراه..وكعد..كبالي..حك لحيته..وكام يحضر بروحة..حتى يحجي ..خلة كوع اديه على ركبه..وشبك اديه..وكام يحجي..من غير ما يباوع..بعيوني..
اعرف انو الدنية ضلمتج..هواي وانتي ما عندج اي ذنب..تنهد واعرف انوب اني زودت وظلمتج وقهرتج بكلا مي اللي كلته.. وكسرت صورة الابو اللي جنتي راسمتهه ابالج..اعرف وحاس بيج وكلبي يوجعني..
ريمااا.. حسي بيه..حاولي تفهميني..حطي نفسج بمكاني..صوتة تلجلج..وبيه شهكة..مال واحد لازمته البجيه..وكوة موكفهه..باعي على شيباتي..وافهمي هل رجال شكد عانة..خلصت عمري..متغرب لا اهل ولا بيت ولا اصحاب..متشرد من مكان لمكان..ضيعت حياتي  بذكراهه..لو انتي بمكاني وشفتيهه بالوضع اللي اني شفتهه بيه..راح تأمنين بشي بعد..اتمنى تطلعين بنتي..من صدك..من صلبي..ع الاقل..خلتلي شي حلو..بحياتي..وراهه اكدر اكلج بنتي..واشيلج واحضنج..واضمج الصدري بقوة..اريد اكلج بنيتي من كل كلبي..اريد تمدين ايدج وتمسحين على شيباتي..وتشيليني..وتحضنيني..من دون شك.. وحيرة..اعرف هذا كلامي يضوجج..ولو تقتنعين بيه لو لا..بس اني هذا اللي عندي..
كام طلع من الغرفة..وخلة دموعي تجري..حسيت بوجعه..وحسيت بخوفة..وحتى اني ضكَت المر لحد ما شبعت..اجتني الممرضة..اجيك الضغط والسكر..لكتهن عالكات..وصاعدات عندي..اجة الطبيب والممرضات ومحمد ركض..واني ما اشوف غير ..طيفة والحجي مالتة..والحزن والوجع..اللي حسيته اني..وجربته وعشته بايامة ولياليه..
اخخخخخ ريمااا كثرن  الصدمات..والصدمة الماتوكعج تقويج..
فات كم يوم..الناس كلهه اجتني حتى جدي وجديتي جميلة..وخوالي..وحتى كرار..كعد يمي..شوية..من محمد يكون ما موجود..حجيتلة وفرغت كل اللي بكلبي..بقيت ايام بالمستشفى..نايمة ما صدكت من كالو راح اطلعين من المستشفى..احس بروحي صرت زينة..واكدر ارجع ..ردت اروح اعيش ابيت جديتي..بس محمد ما قبل..كاعد يمي..حتى شغله..عافة..رجعنة للبيت..الروتين يكتل كتل..ومحمد فاهمني وعاذرني..وما حاول يفرض نفسة علي..او يغصبني على شي اني مرايدته..محمد اخذني..وداني على مختبر التحليل..وهناك لكيته كدامي..كملنة الاجراءات وسحبو مني دم..بانتظار النتيجة تطلع..ورة اسبوع..
مرت ايام صعبة..والانتضار يكتل..اصلي..وادعي وابجي..والاحتمالات كتلتني..او اطلع مو بنته شراح يصير بيه..شحجي..شأكول؟؟؟
محمد قسم ايامة..بيني وبين شغلة..لا يكدر يعوفني..ولا يكدر  يعوف شغلة..قنعته يروح يوم او يومين ويبقة يمي يوم..يجيني يكلي اشتاقيتلج بحب وحنية..واني باقية على اعصابي.. واللي هوة ابوية ما حاول يجيني او يتصل بيه بس كلامة بقة يرن باذني..
اليوم تطلع النتيجة..راح يستلمهه وياه محمد..اني كمت..تعبانة وجسمي منمل..وما اكر اسيطر على روحي..ومحمد يطمن بيه..
لا تخافين..حبيبتي..وراسج انتي بنت عمي واني متأكد من النتيجة..هسة تشوفين..
بلة محمد اترجاك لا تزيد عليه.. البيه مكفيني..يلة روح ما بقة وكت..ومن تطلع النتيجة خابرني..اذا طلعت ايجابيه او سلبيه..
باسني من كصتي..وطلع....صحتلة محمد..التفتلي..وهوة مبهوت..اول مرة اصيحلة..بحنية..عود ارجعلي؟؟؟؟
رجع عليه وحضني..وابتسم ابتسامة عريضة..وعصرني ابين اديه..كطع نفسي..
احبج ريمااا احبج يا احلة شي بحياتي..
دموعي نزلت..وكمت ابجي بكد الحسرات اللي جنت حابستهن بعيوني..
كالي شبيج تبجين..حبيبتي..
خنكتني..وعصرتني حيل مو على شي ابجي..
ضحك وطلع..واني حضرت غراضي.وراه..
محمد من طلعت من يمهه واني اتصل بيهه وماترد..كلبي خايف عليهه..وخاصة بعد ما طلبت مني احضنهه..مو من عوايدهه..اتاني عمي يجي حتى نروح اني وياه..اتاخر عليه..اني صبري خلص خابرته..كتلة نتلاكة..يم المختبر بالمستشفى..ورجعت للبيت طاير..فتحت الباب..البيت هادي وما بيه ولا حس..صيحت..ريمااا ريماا..ومحد يرد دورت عليهه بكل الغرفةماكو جانت صدمتي..من دخلت غرفة النوم لكيت الكنتور مفتوح وملابسهه ما موجودة..
محمد طلع منا واني حضرت روحي..منا..حتى اطلع..و اروح اشوف النتيجة..لا خايفة ولا جبانة.. حتى انهزم..محمد جان رافض اروح اشوفهه..بالرغم من انو اني حاولت وياه..بس ما قبل..اتفقت وية عمي..يجي من الجماعة يرحون..وياخذني..لان لو محمد يشوفني ..يرزلني ويعتبر كسرت كلامة..واحنة تربينه نحترم الرجال..ونخليلة هيبة..وكلمته ماشية على عائلته وبيته..مو اني اللي انهزم..منه بعد وكفته وياي..مهما كانت النتيجة..اني مستعدة الهه..واللي يريد يصير وراهه خل يصير الله يتكفل بيه..استخاريت..ولا خير الا فيما اختاره الله..حضرت روحي واتاني الباب تندك..شوية والباب اندكت..ركضت وفتحت الباب..جنت محسبة عمي يجيني..طلع كرار..انصدمت..وكلبي..خاف من جيته لوحدة..
كرار؟؟؟هاا خير .خما اكو شي..جنت وحدي بالبيت ..مدري شطلع من جيبة..ورشهه بوجهي..هاي اخر شي اتذكرة...راسي ثكيل..ويوجعني..ردت بس افتح عيوني..وما اكدر..اسمع صوت كرار..وهوة يتقشمر عليه..
الحمد لله على سلامتج..طولتي..مع العلم البخاخ وكته كصير..
ايدي على راسي..واريد افتهم شنو اللي صارلي.. وليش..واني بيا مكان..
انتي ابيتج..عزيزتي..
يا بيت..درت عيوني يمنه يسرة..اركز بالمكان ما اعرف هذا البيت..ولا المكان..هذا مو بيتي..
بلة هذا بيتج..جبتج هنا وجبتلج ملابسج..وشكم حاجة.. وياهن..
وعليش ..جايبهن..شنو اللي صار..
اخذتج..كلت اخاف  تطلعين مو بنتهم..اني استر عليج..
ومنين اجتك هل حنية فجأة..
بنت عمتي والاضفر عمرة ما يطلع من اللحم..
اذا لحم او شحم..ليش جايبني..هنا..وشتريد مني..
اريد اكلج على ورثج..اللي ما تعرفينة..وما ردت اكلج عليه..انتي باسمج اكبر شركة عدنة..واغلة ورث بين الورثة..وشرط لازم تتسلميهه انتي..ومن سوء حضي اجيتينة مزوجة..فما خليتيلي اي مجال او فرصة..
يعني جنت تحاول تخليني اتنازلك..من وقعت هذيج الاوراق..
اي..ادري مو سهلة..لان جدي وجديتي نطوني الثقة..جان ابالهم راح اتزوجج ..واخذ كلشي..بس انتي سبقتيني..وتزوجتي
اي وهسة عليش جايبني هنا..وبهل طريقة تتصور راح اتنازلك..
ههههههههه جبتج لهنا وجبت ملابسج..اريد رجلج..يعتقد انو انتي انهزمتي ويشك بيج..اريدة يتصورج حالج حال امج..وبوكتهه كلشي راح يصير اليه بكل سهولة..
من صدمتي..انقهرت..واني اعرف محمد كل الزين..وعشت وياه تجربة..حسام..اكيد راح يفتهم غلط ويفسر الموظوع على كيفة..وهم نرجع من جدة وجديد نصلح الامور..اووووف شنو هل هم والمصايب..ليش اني الدنية..تلوبح بيه..وتجرحني من اقرب الناس اليه..
لازم الكة حل لهل مصيبه..من غير ما ااذي احد..
اذا محمد عرف شراح يفكر ..بيش راح يتهمني ..ورجعت دخت وانجطلت..
محمد يحجي..
افتريت بالبيت كلة لا اشتميت ريحة المرة..وزادت صدمتي..من لكيت الكنتور مفتوح وملابسهه ماكو...شنو السالفة..مرتي وين راحت..ابوية اجة..لكة الباب  مفتوح..دخل تفاجأة بيه..باباااا..
انته شسوي  هناااا..
مو المفروض وي عمك..هسة..
وانته يابة ليش جيت تريد تعرف انو اني مو هنااا...
ضربني على جتفي..
اي شتريدني استأذن منك ابو الشباب..اني جاي على بنتي..وينهه ريمااا.يا ريماأ...
ما لكيتهه..بابا تلفونهه.. مقفول..ونوب حتى ملابسهه ماكو..
صدك تحجي..جنة متفاهمين..اجي اخذهه ونجي عليكم ..جانت تحب تكون حاضرة من تطلع النتيجة وانته ما قبلت تروح وياكم .. رجعنة وندور بالغرفة اللي جانت نايمة بيهه وابوية وياي.. لكيت ورقة واكعة بالكاع من لهفتي وخوفي ما انتبهت الهه .. شلتهه وقريتهه.. وهنا جانت صدمتي ..
مرتك عندي؟؟ تحبني وانهزمت عليه ....انصحك طلكهه كبل ما اطلكك...
عيوني صارن بكصتي وعقلي انشل ما افتهمت ولا ردت افهم ...مرارة حسيتهه وضكتهه واني ابلع بريجي..ابوية يسأل بيه وما اعرف شاجاوبة
محمد ابني شكو ؟؟؟شمكتوب بهل ورقة؟؟ عقجتهه ومكدرت اجاوبة  ؟؟ اخذهه من ايدي وفتحهه وعدلهه ..قراهه.. ورجع عقجهه وكال شنو هل اجفص هذا ..ريمااا مو مال هيج شي ..ريمة مترباية احسن تربيه..كتلة أي اعرف بابا واني متأكد من مرتي.. مو مرة واثنين اكثر من مرة ثبتتلي شنو هية.. بس منو هذا اللي اخذهه او خطفهه هية وملابسهه..
محمد مرتك مخطوفه ومسويلهه ملعوب.. هية ما تفتح الباب الا لواحد من العائلة .. ماعدهه مكان تروحلة وين راحت.. أي شوف جماعة امهه خاف راحت يمهم او اجة احد  من خوالهه جدودهه واخذهه..