وجع الماضي

الحلقة ١٤

#وجع الماضي

#ليوثي المياحي

حسيت انظربت على راسي..اتبسمرت ابمكاني..وما كدرت اتحرك..ربع متر..محمد عيونة تلمع..من بعيد..لمعة مليانة خطر..عاجد حواجبة..مال واحد جاي يحضر روحة..لاتهام خطير..وعركة..و حسام.. باقي يتوسل ويترجة..ريما..الله عليج اوكفي واسمعيني..عندي حجي اريد اكولة الج..واروح..اني جمدت بمكاني لا حجيت ولا التفتت..محمد من يمة جاوبة..شعندك حجي وياهه..كول..اني اسمعك واجاوبك..واللي عندة حجي اوشغلة مو يجي..للمزرعة مثل الحرامي..ويحجي..وانتن..حسابجن بعدين..امل خافت وخلت ايدهه ع حلكهه..اني جنت مكيفة..ع المصيبة..امل كامت تبجي..ودموعهه سابقتهه..والله ما سوينة شي..هوة اجة..وحدة..لا شايفينة كبل ولا نعرفة..اشرلهه باصبعة..كاللهه اسكتي..خطية بلعت لسانهه..وسكتت..حسام كال..وانته شدخلك بالموظوع..اني وخطيبتي..انته شيخصك..محمد فتح عيونة..وهوة مصدوم من حجي حسام..عيونة احمرن..وسودن..من الغضب والغيرة..كالة..هاااااا هوة انته ؟؟؟كالي ريما انتو روحو هسة..اني عرفت ان الوضع توتر وصار صعب..كلت خلي نهديه ومشينة بدون مانحجي ولا كلمة.. اني كمت اخاف ليروح يتعاركون ما رحت بعيد جان الفضول كاتلني اريد اعرف شراح يصير بيناتهم.. وكفت شوية بعيد عليهم واباوعلهم وهمة يتحاجون ورة شوية زاد الصياح وصارت عركة بيناتهم محمد دماه للولد.. امل خايفة وتجرجر بية .. حليت ايدي من عدهه وكمت امشي قبلهه .. اسمع محمد يصيح علية.. ريماااا..اوكفي ..اوكفي...امل انتي روحي امشي كدامنه.. اني جريتهه ماخليتهه تروح كتلهه ابقي وياي ..بقت وجان يخنزر عليهه كاللهه اني شكلتلج ترحين لو تردين ادفنج هناا..سحب ايدهه من ايدي وهية ما صدكت راحت تركض كدامنة.. تاناهه تروح بعيد ..خلة عينة بعيني ..جانت النار مشتعلة بكلبي وبكلبة..كالي شجابج عليه..وشعندج وياه حتى تتواعدون بالمزرعة..كتلة شنو انته جاي تحقق وياي.. اشدخلك انته..كز على سنونة وعض شفتة الا طلع دم منهه.. كال الله يلعنك يلشيطان .. يعني شتردين اكول واني شايف بنت عمي جاية للمزرعة ومتواعدة وي واحد جان يريد يخطبهه وانهزم..كتلة لا ما انهزم بس ضروفة جانت صعبة وما نعرف بيهه..وما عندي شي وياه ولا مواعدته ..طلعنة اني وامل شوية نغير جو ونتمشى بالمزرعة.. وبعدين انته شعليك.. وشنو اللي يهمك..الله خوش ادسترين.. وتبرريله ضروفة وقابلة بكل اللي سواه بيج..لا والله عفية عليج.. اللي تركج وعافج وانهزم منج بليلة خطوبتج تركضين وراه..واللي يركض وراج ما عاجبج..شنو اللي بيه ومابية اني.. هوة رجال واني كخة..ااااااي هوة اللي جابهه الروحة لكيت نفسي اقارن بينهم من غير قصد حبيت اجرحة واذلة..كتلة هوة رجال وجان كلش صريح وياي وكالي بالحقيقة ..حبني رغم معرفتة بكل الماضي ماتي قبلني مثل ما اني ..اما انتة وين الرجولة اللي تكول عليهه.. وكت ما تعديت علية ؟؟وكت ما هنتني؟؟ وكت ما اربعة وعشرين ساعة تعايرني بامي؟؟ يار جولة هاي اللي تحجي بيهه؟؟ وجاي تقارن روحك بيه..اشجاب لجاب؟؟؟ دست على الوتر اللي كل رجال يضوج منه بدون قصد طبعا؟؟بينتلة اعجابي بحسام وهوة ما يسوة قمري بحياتي؟؟شعلت نار ثانية بسبب لا مبالاتي وغبائي وحقدي عليه ..نار ما عرفت وكتهه  شراح يكون من وراهه ..جان يمد اديه الاثنين ولزم وجهي بيهم وبنضرة حزينة وذابلة وقوية ..نار حمرة حارة تجوي طالعة من شفايفة ..نار الغيرة والكره.. لحضات او وجهي بين راحات اديه الحارة ..ما كدرت استحضر قوتي و اقاوم واتعارك سحبني عليه ..لزك جسمي بجسمة نار اشتعلت بيناتنه خلة شفايفة على شفايفي بكل قوة وعصبية وحنان ورقة.. مزيج غريب ومتناقض حسيت انفاسي اسيرة انفاسة حسيت بلذة وطعم مغاير للي حسيتة من تعدة علية ..بعد ما جنت مستسلمة وهادية وبنص الحلم.. تذكرت لحظات كرهي اله تلملمت اوخر بيه.بس زاد بسحب جسمي اله..وما خلاني اتململ ولا ابتعد من يمة..وشفايفة كامت اتبوس اكثر من الاول..اني قويت جسمي حتى ادفعة ..كتلة عوفني..باوع علية بنظرة بيهه لمعة امل وفرح.. وشاورني كالي انتي الي وحدي ..مكتوبة الي اني اول واحد واخر واحد من يخلي ايدة عليج واللي يتقربلج امحيه من هل دنية؟؟؟كلام حب رومانسي بحرارة اللحظات ..بس اني عقلي وية لحظات مؤلمة باقية محصورة بعقلي وبكلبي..كلما يتقرب مني ..لحضات من حاول يتعدى علية ..رفعت ايدي حتى اضربه راشدي لزمهه من المعصم كبل متوصل وجهه..وضغط عليهه يمكن سمعت اطكطك عضامهه..بجف ايدة..كال ماكو مرة بنت اصل وفصل ترفع ايدهه على رجلهه..باوعتلة باستغراب؟؟اني مرتك ... انته شتكول ؟؟بعد اللي صار نجوم السمة اقربلك مني ؟؟هوة ابتسم براحة واستهزاء ..كال وراس جديتي العزيزة ما صيرين مرة لغيري والايام بيناتنه..اني اهز بروحي حتى يعوف ايدي ..عافهه وخلاني امشي واني ادردم وي روحي والعن واسب بيه..وبالزمن الاغبر.. كتلة اني انجرح واتعذب وانته تقبض الثمن لا..لا.. ساعتهه اخر يوم بعمري ..اسمع ضحكته مجلجلة وصداهه يتردد بنص المزرعة..كرهته بالزايد امشي واصيح اكرررررررهك..اكررررررررهك بكد دم سنوني..وهوة يجاوبني من بعيد..وااااااني احبج... اعشششششقج.. والة اجويج بنار حبي ..تاكدي ريمااااا من هل شي؟؟كتلة اشوفك محترك وارتاح منك بجاه العالي الفتاح..هههههههه يضحك والفرحة مالية وجهه وما احس الا صوت رجليه تمشي وراي..ويدردم ولج مجوي بيج وما احب اشوفج لغيري ..اريدج بس الية وبس..كتلة اول رجال يجيني اقبل بيه مهما يكون حتى اشمت بيك واذلك كال ابقي على كلامج وشوفي..كتلة اي عند كلمتي بس انته وخر من يمي.. رجعت للبيت واني ضايجة وعلى اعصابي..ريحتة بقت بملابسي..ضايجة على روحي..اخرتهه انباس بالمزارع..وين راحت عفة روحي..اللي جنت حافظتهه..صار مرتين يسويهه..كمت اكرهه كره اعمة..حسبالي اضربه راشدي..حتى ابرد نار كلبي..وخاصة من باسني..انوب اني طاوعتة بالبوسة ورخيت رغم كرهي اله ولو لحظات .. من شوكت صار كلبج يدك ريمااا هيج نسيتي كل اللي سواه بيج... اوووف نار مشتعلة بروحي..طلعت من مصيبة وكعت بالاكبر منهه..عركة بداخلي اكلتلي كلبي اكل.. ونوب فوك الضيم امل زادت ضيمي لكيتهه واصلة كبلي للبيت وتاني بية اني دخلت لكيتهه  كالتلي هلا بالشريفة اجيتي؟؟باوعتلهه بقلق اي اجيت ليش شكو؟؟عمتي جانت واكفة على التنور تخبز..سمعتنة كالت شبيجن يبنات اشو طلعتن حبايب وهاديات ورجعتن وجوهجن تتكاتل..شكو شصاير؟؟امل كالت وبكل وقاحة ابد متصورتهه هيج.. اخر شي جنت متوقعتة منهه..كالت هاي بنت اخوج جان يبوس بيهه ابن اخوج بالمزرعة..واني واكفة بصفهه ما التفتتلي ولو بطرف عينهه فتحت عيوني واني ما مصدكة؟؟ لو اني شايفتهه بهل وضع جان تسترت عليهه وما فضحتهه..بس هية فضحتني بدون ما تعرف الاسباب وليش هيج سوة..ثاري البنية مخلية عينهه على محمد ونار الغيرة ماكلتهه اكل..اووووووف يا ربي اني وين ما اروح الكة مصيبة وراي..اني ما مصدكة جنت حلمانة وكعدني الراشدي اللي انطبع على خدهه من عمتي..وهية عيونهه حمرت ..كالتلهه انعل ابو ربايتج يا سافلة انتي شدخلج بين خطيب وخطيبته..انتي شمفهمج..ردتلهه امل وايدهه على خدهه..ومن غير ماتطلع ولا دمعه من عينهه..مو خطيبته ليش شوكت خطبهه؟؟عمتي رادت تنطيهه راشدي اللاخ لو ما الزم ايدهه..كالت خطبهه عمهه وهذا الحجي ما نسمعة بعد منج ترة لو ابوج سمع الا يكتلج .. يلة امشي ولي من كدامي..هية راحت وعمتي جرتني وراهه ودتني يم التنور حتى تاخذ راحتهه بالحجي..كالتلي ريمااااا..بنيتي محمد لساع ديسويلج مشاكل كوليلي حتى اني ارميه بالتنور وخليه يجوة..لا تكولين انتي وحدج .. اني من سمعت كلامهه ارتاحيت ورميت روحي بحضنهه ..شكد اشتاقيت لحضن امي ريمة..جنت كل ما اضوج او انقهر انام بحضنهه يروح كل اللهم مني..كتلهه لا تخافين علية عمتي.. ما يكدر يسوي شي..جان اسمع صوته وراي..ولو اني قبل ما اسمع صوتة حسيت بيه..من الريحة اللي صارت لازكة بيه..وما كدرت انساهه ولا اشيلهه من بالي.. كال لعمتي ..اريد اخطب ريماا..اني فزيت من حضن عمتي وكلتله..انته..لا..لا..انتة شنو ما تفتهم..دا اكلك ما اريدك..خلي عندك شوية غيرة..خلي عندك عزة نفس انته شنو؟؟؟عمتي جرتني من ايدي..وضغطت عليهه شوية حتى اسكت..كالت وهية لازمة المحراث مال التنور ..وليدي اللي سويته بيهه يخوف اي مرية..هوة يتحاجة وي عمتي وعيونة علية مخنزرة تريد تاكلني..ولا مستحة و خوف.. كال عمتي اني ندمان واريدهه اتسامحني الشيطان حضر بلحضتهه.. الله يلعنه..ويخزيه اريد اصلح غلطتي اريد اتقرب منهه احجيلي وياهه وعقليهه..اريد اجيب ابوية حتى يخطبهه الي..اني من يمي لبزت ما خليت عمتي تجاوبه..وصحت بيه..ما اخذك اذا متصير رجال؟؟عمتي صاحت علي.. ريماااا مو هيج النسوان تحجي وية الرياجيل..عيب؟؟ وانته محمد خلي الموضوع فترة خليهه تستراح واطيب من جرحهه..اللي جرحته الهه ترة مو شوية اللي سويته بيهه.. والله يقدم اللي بيه الخير.. اني انتهزت الفرصة وكمت اغمزلة غمزات مال شماته.. كتلة روح العب ليغاد حباب.. عفتهم ورحت اركض للغرفة.. جان انصدم بامل لازمة ملابسي واشكك بيهن.. ودموعهه تكول نهر على خدودهه..كتلهه ليش هيج امل اني شمسويتلج..صحت لعمتي حتى تجي اشوف..وهية لزمت المكص وشهرته بوجهي..كالتلي احبة طول عمري؟؟من جنت زغيرة واني احبة واموت عليه؟؟تجين انتي ..وتاخذيه مني ليششششش؟؟؟؟ليش اني انتضر العمر كلة وانتي علحاضر تجين وتاخذيه؟؟دخلت بحالة هستيرية وكامت تصيح بصوت عالي.. اطلعي من بيتنه.. اطلعي من حياتنه..اخذتي حب عمري؟؟وحب امي..واخذتي حب وحنان جديتي ريمة..كلشي الج؟؟ليش؟؟ليش..شنو اللي بيج احسن مني؟؟اشو كلج عيوب...من بداية اصلج؟؟اني تبسمرت بمكاني هاي حياتي كلهه صدمات من صدمة للخ ..وحدة تكبس او وحدة ترد.. لا من بعيد ولا من قريب وين اروح يا ربي..وشعندي صوج وشنو ذنبي اني..اجتي عمتي تركض ومحمد وياهه.. سمعو كل كلمة كالتهه امل..عمتي جرت بنيتهه ..واني منو يمسح دمعاتي ونو يخفف وجعي ما كدرت ابجي الدموع تحجرن بعيوني..كل صدمة اكبر من اللي كبلهه عمتي اتسكت ب امل وتهدي بيهه واني ادين محمد اطبطب على اجتافي اصبر بيه..رجعت خطوات ليورة ..لازم اطلع من البيت..مشيت وعمتي كالت ريمااا لا تطلعين بنيتي..انتو خوات..والمصارين تتعارك بالبطن كتلهه اعرف عمتي بس خليني ارجع لبيت امي ريمة حتى ترتاح امل ..فاهمتهه وعاذرتهه..امل جاوبت بحقد وكره..لا اعرف كلشي ماكو حاجة تفهميني..او تعذريني..روحي لبيت جديتي..حتى يشبع بيج هناك..محمد مشة خطوة راد يرد عليهه..لزمته من ايدة..وعمتي انوب زادت الطين بله..من ضربتهه براشدي..دارت وجهه..الوضع مشحون..خلة الدموع تجري من عيوني..وارجعة..ما احب ابجي..كدام واحد..كتلهه عمة لا تزيدين عليهه البيهه مكفيهه..خليهه تهدة..كبل ما يجي عمي واني طالعه رايحة لبيت امي ريمة..لا تخافين عليه..ما جاوبتني..جانت حايرة بهم بنتهه وهمي..منو يحير بيه...#ليوثي