وجع الماضي

الحلقة ٢٦

#وجع الماضي
#ليوثي المياحي

ابوية افتهم انو الجو متكهرب ومشحون..التفت لريما..وكاللهه..بنيتي ريما ادخلي لغرفتج..خليني اتفاهم وياه..اخذت براية..وكامت دخلت لغرفتهه..ابوية ضل حاير شيسوي .. يقسة على ابنه..وياخذ ريماا منه ويرجعهه وياه..لان عذبهه..لو يحاول يصالحهم..وخصوصا..ابنه..رافظ اي واحد يحجي عليهه..حتى كدام ابوه..يريد صورتهه تبقة نضيفة ..وكأنو ما صاير شي..حرب مشتعلة بين هية تريد تعوفة..وهوة رافض..يخليهه تطلع من البيت..اخذت ابوية وسحبته وديته للكابينة مالت الشغل..وصيت جماعتي محد يدخل علينة..كعدت كدام ابوية ..كالي..شبيك وليدي استهدي بالله.. واصحى على روحك..ترة ما صار شي من اللي ابالك..
كتلة يابة..حجيك ..غير اللي اني شفته..بعيوني..اني شفت شي وانتو تحجون شي ثاني..
زين راح اجي وياك..اذا انته مقتنع باللي شفته..عوفهه..عوفهه..خلي اخذهه وياي..
بركت على ركبي وحطيت راسي بين ادية..ما اكدر...يا ريت جنت اكدر..شي اقوى مني..يا بابا..كلبي يرجف..بحبهه..حتى من ضربتهه وجرحتهه..ودميتهه..ما كدرت اخليهه..بعيدة على عيني..
ابوية ضاج وتنرفز من الحجي..وكف صاح بوجهي..اامنك..على بنت اخوية..تكوم تضربهه وتظلمهه..كلة من ورة الوساويس اللي بعقلك..راح اخذهه وياي غصبن على راسك..
جلبت برجلة..والعبرة خنكتني..واني اتوسل وابجي..شوف حالي..يا بابا..وانته تفهم..حس بيه..ترة اني مجرووح..نار تاكل..بجوارحي..مااحب اشوف دموعهه..بس الوجع احس بيه يكطع بكلبي..من جوة..حتى لو اللي حجيته صحيح..بس ما اكدر امحي المشهد من بالي..اعشكهه..وميت بحبهه..لا تاخذهه..ترة هية الهوة اللي اتنفسة..اترجاك بابا انطيني فرصة..
حسيت ابوية كلبة انكسر عليه..وحس بالمي..وقهري..بس جان اكثر خايف على بنت اخوه..
كالي تريد اعوفهه الك حتى تموتهه..
لا ..لا..يابة اني مو مثل عمي..والماضي ما يتكرر بعد..لو رايد اموتهه..جان كتلتهه بلحضتهه..اوعدك مراح يصير شي..وهية ما طالعة من البيت..
كالي ماشي راح اشوفهه لان رأيهه يهمني..
طلعنة من الكابينة..للبيت وبسام يباوعلنة بفضول..دخلنة للبيت..لكينة ريماا..اتانينة..وجنطتهه..محضرتهه..بصفهه..قررت وحزمت امرهه..بدون تردد..عيوني صارن بكصتي واني اباوع ع الجنطة..ابوية كال..ريما..قررتي..بدون ما تترددين..
اي عمي..كافي ذلة ومهانة..
استهدي بالرحمن..بنيتي انطي لرواحكم فرصة..
هزت راسهه..وعينهه بعيني..
مستقوية..بيك بابا..
ابوية كاللهه انطيه فرصة .. ردته وكالت فرصة..المن...انطي فرصة لرجال بليلة عرسي..موتي ضرب..كامت تبجي وتتذكر ..شككلي..بدلة عرسي..وكل فراشي..وملابسي..رجال بليلة عرسي..خلة جسمي ازرك..وليهسة اثاره فوك جسمي..رجال معيشني وياه..مثل الجلبة..ويكلي حالج حال الخدامة..رجال..منهزم..من اهلة ومكضيهه شرب..واربعة وعشرين ساعة يصيح ويصرخ ويكسر..شنو عيشتي وياه ..وليش باقية يمة..ذليلة لا اكدر احجي..ولا اعبر عن مشاعري..اني ميته  بالحية..ميته.. عرفت عمي.؟؟ميته بالحية..خليني اجي وياك..كافي لان تعبت..ومابيه حيل بعد..اريد ارجع.. اسرح بنعجاتي..والزرع..وبيتي..ما اريد شي اكثر من هذا..
بكد ما كلامهه..يوجع..تبجي..وتشهك..وتحجي..بكدما جننتني..
كتلهه وين ترحين..وين.. وين تلكين  رجال يفهمج ويقدرج..وين..
نست ابوية واكف ويانة...ورفعت اصبعهه بوجهي..كالت..اي رجال..غيرك..يفهم ويقدر..
نزلي اصبعج..لا اكسرة الج..واحجي مثل الاوادم..لو تموتين ما اخليج ترحين..انسي هاي السالفة...
لا رايحة..عمي موجود..يحميني منك..عبالك وحدي ومكسورة جناح..راح يوكفك عد حدك..التفتت الابوية..وكالتله يلة عمي..امشي..
لازمته من ايدة وتجرجر بجنطتهه..وسحبت ايدة..حتى يمشي..مشت كدامة وهوة كام يمشي وراهه..ركضت على الباب..وقفلته بالمفتاح..والتفتت عليهم..
هية عيونهه بالباب.. ومستغربة؟؟
ما كو واحد يطلع من البيت لو على جثتي..
ضربت رجلهه بالكاع..شلون الجهال..من يردون شي وما يحصلونة..
ابوية كالي..محمد وليدي..استهدي بالرحمن..وانتي ريماا شوية صبر..
كالتلة عمي نفذ صبري..والله صبرت..لحد ما بقة عندي صبر..
مشيت اخذت الجنطة من ايدهه..كتلهه..جيبيهه..هوة اريد اشوف شلون ترحين بدونهه..
كالتلي اخذهه شايف خيرهه يلة عمي افتح الباب..
مطنكرة..ولا مهتمة باي شي..ولا مهتمة بالنار المشتعلة بيه..
اذكرت..ذيج المرة شلون ضربت روحهه بالسجينة..وما سلمت روحهه..ركضت..والمفتاح بايدي..دورت لكيت سجينة..اخذتهه..بعصبية..المواعين الوياهه..وكعن وتكسرن..الجني ركبني..رجعت..واني شايل السجينة والوبح بيهه..وصلت لحد الباب..هية لازمة يدة الباب وتعتعت بيهه..تريد تفتحه..كمت اصيح عليهه..كتلهه والله اذا تقدمتي خطوة بعد..اضرب السجينة بكلبي..حتى اموت وارتاح..عيوني مفتوحة ومفجوعة..سجينتي..بايدي..ورافعهه لفوك ..من جهة كلبي..ولو اني لو هية..ومن الحب ما قتل..مثل ميكولون..ترن باذاني..اموت علمود حب ريماا..
وريما..ولا يمهه السالفة..ولا مهتمة..
اباوع واني ما مصدكة..محمد واكف..والسجينة بايدة..وعيونة تجدح نار..يهدد ويتوعد..عمي يرجف..وهوة يشوف ابنة يهدد بالموت..مهما الكلب قاسي بس هم يحن..ويلين..
كالة..وليدي..صلي على النبي..واستهدي بالرحمن..خل نتفاهم..احنة ما نتعارك..ليش السجينة..
ريماا ما تطلع..من بيتي..وين ما اكعد مرتي وياي..وحجايتي.. ما تردهه..
ما افتهمته..هذا شنو استبداد..سيطرة..لو شنو.؟؟من يمي ما تتحرك..وهوة ما لافي دقيقة بالبيت..اريد افتهم..شيريد مني؟؟
محمد خليني..اروح اشوف دربي..انته لا طايقني..ولا طايق..اتشوف شكولاتي..عوفني..وشوف حياتك..طلكني..محمد..
عيونة ضاكت..وبين الزعل بوجهه..كال نوب تحجي زايد..ابقي يم الباب هاج هذا المفتاح..افتحيه واطلعي وشوفي شراح اسوي..
ما اهتميت..ولا خفت..كلت هذا روحة عزيزة ويجذب ما يسويهه..اخذت المفتاح..ويا دوب خليته بالباب..وعمي صاح..بنيتي على كيفج..لا تستعجلين..اني اجابني .. كلتلة جابك الحق..الحقيقة الي تلمع..وهوة ما يريد يصدكهه..ولا رايد يصدك بأحد..ما يصدك بس باللي شافته عيونة..
استهدو بالله بنيتي..صلوا على النبي..
عمي يحجي وعيونه على محمد..
ما بين مصحي روحة ومابين يترنح..عيونه..تغفى..وبالكوة يفتحهه..ايدة اللي جان..لازم بيهه السجينة..ورافعهه ليفوك ارتخت..وبدت تنزل..لحضات..وجان يطيح..على طولة بالكاع..ومن حسن حضه السجينة..وكعت من ايدة بعيد عنه..قبل مايطيح..ركضت من غير وعي ..خفت عليه من الطيحة..شي اقوة مني..خليت رجليه فوك راسي..اركض واصرخ..محمد..محمد..
وعمي ركض..كعد بصفي لزم راس محمد ..وكام يضرب خدودة راشديات خفيفة..حتى يكعدة..وهوة لابد ومغمى عليه..خفت عليه هواي..وجهه كام يذب نار..من شنو ما اعرف..جسمة احمر..اني كلت هاي مو شغلة سكر وشرب..وخاصة اليوم بطل العرك..ما اخذه وياه خلاه بالبيت..عمي خايف عليه..لازم راسة بين حضنه ويحجي وياه..محمد..محمد..وليدي تسمعني..
كتلة عمي لا تخاف ..هاي اعراض ضربة الشمس..لان يشتغل طول الوكت جوة الشمس..اتمرض..
كالي ابنيتي..اروح اجيب طبيب من المدينة واجي ..وانتي ديري بالج عليه لما ارجع..كتلة ما يحتاج عمي ..اني اكلك هاي ضربة شمس..وهسة  يكوم..لا بنيتي لا كلبي يبقة ما مطمن ..انتي سوي اللي تعرفينة علما اروح اجيب الطبيب واجي..طلع ..وحتى ما خلاني اجاوبة...اني نزعت ملابسة واخذت سطلة مي بارد وخاولي بللتة زين وكمت اكمد بيه ..جانت امي ريمة الله يرحمهه من اصخن..اتبلل الخاولي بمي بارد..وتخليه نوبة على كصتي ونوبة جوة باطي..وعلى رجلية وادية..وتروح الصخونة..حاولت اوديه اسبحة ..بس جان كلش ثكيل وما اكدر اسحبه..جبت ثلج وخليتة بجيس نايلون وكمت امشيه على جسمة..مهمة صعبة ..نزعت اللباس مالته..حتى امرر جيس الثلج على مناطق..لخ...اي هوة اللي ابالكم..ههههه ترة اني جاي احجيلكم على رجلي..يعني مو عيب..ههه المهم ما علينة  نزعتلة..البتاع..حطيتله جيس الثلج بذيج المناطق..جبت لحفان..وغطيته بيهن..وجبت سطلة المي  وخاولي..ابلله واعصره..واخليه على كصته..يبس وارجع اعيد العملية مرة ثانية..ريحة قوري الجاي فاحت واحترك هماتين..عفت الخاولي وكمت اركض..على الطباخ..طفيته وهلكد ما مخبوصة شلت القوري بدون موكاية وايدي احتركت..كمت اصرخ واسب..بحضي..رحت ركض فتحت الشباك حتى اهوي المكان..وراهه خليت ايدي بنص صطلة المي البارد..باوعتلة كام يرجف..ودكات كلبة سريعة..وجسمه متشنج..بللت المنشفة..ومسحت اديه ورجليه..ورجعت خليتهه على كصته..جان يشتعل نار وهوة يهذري بالحجي..شفتهه..شفتهه بين اديه..عوف لا تلزم مرتي..يبوس بيهه وهي جواه..خانتني..غدارة..حسام..
حجي مال واحد غايب عن الوعي..يستحضر اللي يجي ابالة..كلبي وخزني..شكد ظالم..هلرجال..بلعت ريكي بالكوة..ورجعت اكمد بيه..وهوة مرة يهذري..ومرة يرد من راسة..الظاهر ضربة الشمس..اللي اثرت عليه وخلته يهذري بكيفة..مرة افتهمة ومرة لا..مشت ساعة..وهوة على حالته..ما تغير شي..وعمي تاخر واني كمت اخاف يصير بي شي..محمد كام يرجف..والعرك يتصبب منه..والثلج ماع والحرارة ما نزلت منه..ولا فتح عيونه..رجعت كسرت ثلج وخليته بالجيس..مرة الخ..حاولت اسعفة..وبداخلي اسئلة هواي..ليش ريما هيج تخاف عليه..ليش مهتمة بيه..لو منهزمة مو احسلج.. ليش مهتمة انو يعرف الحقيقة ..يعرف او ما يعرف انتي شيهمج..اذا ما يعنيلج شي..ضايجة على حالتة ليش..وجان يجي عمي..وجايب وياه الطبيب..كمت وخرت من يمة  حتى الطبيب يشوفة..سألني على شبيه وشسويتيلة..واعراضه..حجيتلة كلشي سويته
فحصة زين..واني كلبي يدك..من الخوف..حتى احسة فضحني ..كتبلة دوة..وكالي..اللي سويتيه..كلة  صحيح..بنيتي..عندة ضربت شمس..فعلا ..توترت ردت بس يكعد ..بس ما تحرك وبقة ساكن ..وما يتحرك..يراد ياخذ الدوة حتى تنزل حرارتة..ويرادلة مضادات حيوية..وفترة تلث تيام يرجع لحالتة الطبيعية شوية شوية ..طلع الدكتور ابرة من جنطته..وضربه حتى ينشطة ويكعدة..عمي اخذ الوصفة مال الدوة..وطلع وية الدكتور..يوصلة وبطريقة يشتري الدوة..واني رجعت لمحمد..اضرب بيه على خدودة..حتى يكعد..وهوة يون ويحجي..فتح عيونة..بالكوة..
محمد شلونك..ساعدني حتى اكومك..اوديك اسبحك..
ريمااا...خاينه..
وجهي احمر واني احاول وياه..مرة..يفتح عيونة ..ومرة يسدهن..ويرجع يدوخ..كعدته وحطيت.ايدة على جتفي..ولزمته من خصرة باالايد الخ..وسحبته..بس اريد اساعدة يوكف ..هاي وحدة من مساوئ اللي تاخذ رجال ضخم..امشي بيه والهث..الثكل كلة طايخ عليه..وهوة يجرجر برجليه اجرجر..وصلت للحمام..كعدته..وكمت اصب مي بارد على جسمه..كام يرجف ويصيح..اششششششح..راد يكوم ما خليته..شوية وخليت المي يجري فوك جسمه..يفتح عيونة..بالكوة صايرة حمرة دم..ابتسم ويغني وعيونة مقفلة..وكام يهذري..ريماااا يا ريماااايااا ريمااا..وينج شن هل غيبة..ههههههه تحية..للي قراهه تلحين..يا خاينة..ليش بدلتيني..اهز براسي ...غني بابا غني..واني اعاني حسيته برد شوية من المي اخذت المنشفة..حتى الفلفة بيهه..فتح عيونة..وكالي..لا تلزميني..اني انشف روحي..اطلعي..
ما حجيت خليت وطلعت..احسن ما ابقة وانذل مرة الخ..بقيت اتاني برة الحمام حتى يطلع..واذا تاخر افتح عليه الباب خاف يدوخ ويوكع..فتح الباب بكل قوتة..وطلع يترنح.مرة يلزم المنشفة..ومرة توكع منه يمشي كدامي وجسمة يكطر مي..لكيت نفسي كاعدة تغني..انجويت..وما كلت احااه..لزمت الجمرة بايدي اواااه ..شفتة راح يوكع..ركضت بخطواتي عليه..الزمة ..اوووف شكد كلبي رخيص ..شكد سوة شغلات بيه..واني خايفة عليه..ليش..كلبي رهيف..اخاف على اللي ضربني وعذبني..على اللي ذلني ومرمرني..فيقي يا ريمة..فيقي قبل..لا توكع الفاس بالراس..#ليوثي