اغتيال براءة

البارت الاول

الكاتبة الاسدية
آمل آمل اموله يمة وينج وين راحت هاي البنية والله موتتني مادري بيها وين تروح
اسماء الأخت الجبيرة يمة هسة سبحتها ومشطت شعرها وطلعت تلعب وية الجهال ستوها

الأم يمة ليش اتسبحيها وتمشطيلها جان عفتيها يايمة مو تدرين اخاف عليها اتجيبيلها العين

اسماء يمة رحمة الاهلج شنو نعوفها وصخة هي جاهلة حالها حال الجهال تلعب مو هذن البنات يلعبن بالشارع

الأم ولج يمة كلبي يلجمني عليها اختج حلوه وخاف عليها من أولاد الحرام خلي اروح اشوفها وين ولت ولج آمل تعالي طبي جوه وين طالعة

آمل اهووو هم كالت طبي جوه ماطب أريد العب وية صديقاتي
الأم هسة يجي سالم واكلة آمل طلعت بالشارع يكطعج تكطع
آمل لا طبيت عفية لتكولين السالم يكتلني يمة عفية
الأم يلا طبي وماكول السالم عليج

آمل بعد ما طبيت للغرفة الي كلنا عايشين بيها يمة انتي مو تكولين هذا البيت مالتنا
الأم أي يمة بيتنا الحمد لله من الله انطانة بيت ساتر علينا احسن من الايجار

آمل يمة لعد بيت عمو محمد ليش عايشين ويانا وفوكاها هاي النحسة بتة اميرة متخليني اطب جوه يمهم

الأم يمة ميخالف مو تعرفين ابوج كاعد بلا شغل وفلوس ماعدنا اجرنالهم البيت الجوه الهم حتى ينطونة فلوس
آمل يمة زين ابوية ليش ميشتغل مثل عمو محمد ويجيب فلوس
الأم يمة ابوج مريض واخوج سالم وعلي وسلام يدرسون مايكدرون يشتغلون هسة

آمل يمة زين بعدني ما مكملة حجي صاحت علية اختي بيداء
بيداء لج كافي اشكد تسآلين بطول النعال ولسانج شطولة اسكتي أريد اقرا
آمل وآني اطلعلها لساني انتي اتغارين مني لان احلى منج ياسويده تفسة
بيداء اصبريلي إذا ما اجي املخ شعرج تملخ ماتسمة بيداء
الأم ولجن يمة كافي دوختني اني مالي خلك مريضة
بيداء يمة متشوفيها تعيب علية وانتي مدللتها عود لان حلوه ومكيفة سميتيها آمل عبالج تغير حالنا جابت الفكر كلة وياها تالي كعدتي بيت محمد الوسخ نزل يمنا وحصرتينا كلنا بهاي الغرفة
امل يمة شوفيها تحجي علية الزركة وتكول فكر
الأم لا يمة فدوه اروحلج لتضوجين اتغار منج لان احلى منها وج يمة امولة بعد لتخلين اسماء اتسبحج وتمشطلج خلي شعرج مكفش وجهج وسخ ماريد الناس اتباوع عليج
اسماء يمة صدك جذب هو هيج تعلميها وانتي عدج اهم شي النظافة شو تعالي اموله كدري هذا النفنوف عليج هسة خيطتة الج

آمل ركضت اكدر النفنوف الي خيطتة اختي اشكد حلو هي اختي الجبيرة خياطة ودوم اتخيطلي نفانيف اتجنن لان كولش اتحبني وهي الي مربيتني لان امي من جابت اخوية الازغر مني اتمرضت ومابيها حيل
الأم ولج يمة اسماء مادري ليش اخاف على اموله كلبي لاعبني عليها شوفيها طالعة على بيبيتها شكرة والبياض كلش نسخة من امي
اسماء يمة هي مو بس آمل تشبه بيبي حتى أنتي هم ماخذة من بيبي حلوه