اغتيال براءة

البااارت الاخييير

الكاتبة الاسدية

السلام عليكم

اليوم وصلنا الى البارت الاخير من قصة اغتيال براءة

عشنا وياها على مدى شهرين بكل تفاصيلها

بكل حزنها ومشاعر الحب ومشاعر الكره والحقد والنفوس الضعيفة

كل بارت ينزل ياخذ مني وقت وجهد ليس جهد جسدي بقدر ان هو جهد نفسي

اتعايشت وية القصة كانها قصتي حتى اكدر اوصلها الكم وتحسوها وتعيشوها

اشكر تفاعلكم واشكر مشاعركم الراقية

واشكر كل من ترك بصمة بهذا العمل

لم اندم يوم ان كملت القصة على الوات باد حسب رغبتكم

ولم اجعلها قصة ورقية ارجو ان اكون ماقصرت وياكم

واعتذر اذا يوم مانزلت بارت وخليتكم تنتظرون .... تحياتي الكم

💖💖💖💖💖💖💖💖💖💖
دخلنا البيت بعيد بالاطراف ونزلوني يجرون بية جر

كلشي ميهمني مثل همي اريد اعرف كرار عدل لو ميت

طببوني بغرفة زغيرة جانت كولش تعبانة حتى بنكة مابيها وخنكة

الريحة مال العفن خنكتني اريد اجر النفس ماكدر

حسيت شي كتم على صدري

شكد جنت مواقف تصير وياية ومشاكل بس مثل الواقع الي صار ماتخيلت

حتى بجي ماكدر ابجي

لان ماتخيل حياتي بدون كرار معقوله كتلو اني السبب كل الي صار بي

اريد اصرخ اريد اطلع الحركة الي بكلبي ماكدر

يا الهي اريد اتنفس يا الهي اريد هوه

يمكن ساعة او اكثر واني حتى جسمي كله نمل

شفت الباب انفتحت ودخل ميثم عليه

ميثم ها ايات اتزوجتي مو ماصبرتي اني اتزوجج هيج عاجبج الرجال

جان كلتي اني موجود

ايات حتى ماعندي القدرة ارد على كلامة

جان اسلوبة بالكلام كولش حقير ومنحط

ميثم هسة عبالج بعدني اريد اتزوجج اني ماتزوج وحده مستخدمة

يمكن افكر اقضيلي ساعة ساعتين وياج واشمرج مثل الجلب

حسيت اتقرب مني وهو يحاول يتلمس جسمي

شفت بعيونه حقارة ودنائة نفس ولا كان اني بت عمة

من الخوف والحاله الي جنت بيها حسيت نفسي كولش ضاق وبديت افقد الوعي

ضليت اردد يا الله دخيلك كلشي ولا يدنسي هذا الحقير

وماعرف شلون صحت ياعلي مدد ياعلي اني دخيلتك