اغتيال براءة

البارت الثلاثون

الكاتبة الاسدية

حيدر اجاني فراس كلي على خبر فرحني بي

فراس حيدر عندي الك بشارة

حيدر يا الله كول فرحني

فراس الريس انطة عفو عام

حيدر شنو يعني

فراس يعني انطة عفو راح يطلعون المساجين والي عليهم قضايا

بس الي متهمين بقتل والسياسيين ضد الدوله مامشمولين

حيدر يعني امل راح تطلع

فراس اي راح تطلع لان هي اصلا ماكو قضية عدها

واني كملت اجراءات اطلاق سراحها هي وزوجها بس هي اسرع تطلع

حيدر انت تحجي صدك لو تشاقة

زين خاف اني احلم فدوه خاف حلم واصحة منه

فراس لا والله هاي حقيقة واليوم لو باجر اروح اجيبها واجي

حيدر هذا الخبر خلاني اسعد واحد بالدنيا كلها

رحت على سلام وعلي بشرتهم ورحت على عمة امل بشرتها

خطية جانت منهارة على امل اكثر من ابنها ومنا الجهال بس يبجون على امهم حالتها تكسر الخاطر

حضرت الذبايح وضليت انتضر طلعتها بالسلامة

عميد طة من سمعت بالعفو العام والي مشمولين بي كلت راح تروح مني امل

لازم اسوي حل واتصرف قبل لا ينعرف موضوع العفو دزيت على امل

اريد ابلغج بموضوع مهم يا امل

امل استاذ ماكو شي مهم بعد بالنسبه الي

عميد طه لا اكو اشياء مهمة اكو اخبار حلوه واخبار مو حلوه شنو اكلج بالاول الحلو لو مو حلو

امل مو مهم اي شي عادي

عميد طه خلي اكلج الي مو حلو ولو هو بالنسبه الي احلى من الحلو

التقيت بهذا العار رجلج وطلبت منه يطلكج مقابل حريتة وهو وافق وطلكج

امل بالعكس هذا بالنسبة الي احلى خبر

وكلشي اتوقع من مازن مو بس يطلكني في سبيل يطلع منها لا حتى يتهمني اني الي ابيع الحبوب مو هو

عميد طه والخبر الثاني نكدر هسة نعقد اني وياج يم شيخ

ونتزوج واخذج واروح هسة للبيت اذا تردين

امل ومنو كلك اني اوافق

عميد طه اكلج تطلعين منا مقابل هذا الزواج اتكولين ماموافقة

وهسة ادزلج واحد يجيبلج جهالج وتنجمعين بيهم بعد شتردين

والمهر الي يعجبج خلي بالعقد وكلشي تحلمين بي احققلج اياه