اغتيال براءة

البارت الرابع والعشرون

الكاتبة الاسدية

حبيت اشكر كل حبايبي الي اتفاعلو وية البارت السابق ربي ميحرمني منكم احبكم هواي

طبو علينا الشرطة والحزب والمختار وجتفو مازن وضلو يصيحون

فتشو البيت انبشو نبش لتخلون شي متدوروه

وهم انتشرو بالبيت كلبو كلاب لاخلو حرمة للبيت او للنساء واحد منهم بقة مخلي البندقية براس مازن

محمد وايات ضلو بس يبجون ويصارخون

عمتي راسا وكعت وتخربطت واني احتاريت بين الجهال وبين عمتي وبين مازن الي شفته بهذا المنضر

شوي واسمعهم يصيحون على مازن وين مفتاح العياده هو يصيح شمسوي اني ليش هيج تسوون بية

ضربو على راسة وصاحو عليه وين مفتاح العياده ماعرف شجاوب كتلهم عنده المفتاح

فتشو جيوبة طلعو المفتاح كسرو العياده تكسر طلعو بايدهم علاكة ماعرف اشبيها وطلعو كارتون بيها ادوية

وضلو يغلطون ويسبون بمازن ولزمو سكطو

بهاي الاثناء نزلو بيت اخوه من فوك وضل اخوه يدافع وياهم ويكللهم شمسوي اخوية

ليش هيج تسوون بينة

المختار كله اسكت اخوك يشتغل بالحبوب المخدره ويتاجر بالادوية المسروقة من المستشفيات

ثائر جذب اخوية ميسويها هاي اكيد تهمة كيدية لازم تتاكدون

احد الضباط اسكت لا اجي ادوس راسك بالقندرة صار اكثر من شهر مراقبين كلشي يسوي
ولزمنة العصابة كلها

اخذو مازن وراحو واني ضليت ابجي على حال جهالي وعلى حالي

شريد اكللهم اكوللهم ابوكم يتاجر بالمخدرات والادوية المسروقة زين شنو مصيرهم وشنو مستقبلهم

رجعت على عمتي جانت زينب تفرك الها ومحتارة متدري شسوي

اجيت غسلت وجها ونطيتها حبايتها تحت الللسان شوي صارت احسن

اشوف ثائر مخبوص وميعرف شيسوي سمعته خابر على ماهر وصياحهم وعياطهم كلشي مافهم منه

عمتي ضلت ادك وتلطم

ام مازن ولك هي هاي تاليتك يمازن ولك يمة شكد نصحناك وشكد كلنالك بطل سوالف المكسرة

مافكرت بروحك جان فكرت بامك وجهالك ومرتك

يمة منو الهم وشنكللهم

امل ضليت بس ابجي مو على مازن ابجي على حالنا والي راح يصير بينا

زينب هو هذا مال الحرام قابل يدوم فرحت اموله من لبست الذهب

ام مازن ولج زنيبة اسكتي لا اكص السانج والسان الخلفوج