الكاتبة الاسدية
الدكتور مبلغ علي ان مازن يعتبر متوفي طبيا وان حالته ميؤوس منها
واخوانه ميقبلون ان اي كلمه تتسرب لا الى الصحافة ولا الى اي من زواره
وان هو صار اسبوع ينازع بالموت
خابرت على حيدر وحجيت كلشي وشلون اخوان مازن مكتمين على الموضوع
حيدر امل هذا السكوت اكيد وراه شي يفكرون بمصيبة
امل وهسة شلون شكدر اسوي
حيدر الي تكدرين تسوي انتي روحي وية معصومة بحجة تردون تطمنون عليه لان صار اسبوع متعرفون اي شي عنه
امل اذا اكول المعصومة نروح المازن الا تروح تخنكة بايدها لان هو اخذ اخوها الكربلاء
حيدر واذا رحتي وحدج احتمال يمنعوج
امل اكيد زين عندي خطة
حيدر شنو
راح اخابر مثل كل يوم بس هاي المره اصر على ان احجي وياه لو اجي اطمن عليه
وهنا راح يضطرون يكولون الحقيقة لو اروح اني اشوف شكو
حيدر اي زين تسوين ورديلي خبر
امل ماشي
سديت التليفون من حيدر واتصلت على ماهر
الو ها ابو هيثم بشر شلونة اليوم مازن
ماهر هلا امل لا زين اليوم احسن بهواي
امل زين ماكال اريد اشوف امل لو معصومة لو الجهال
ماهر اي خطية يكول مشتاقلكم بس احنا نكله باجر بعد باجر تطلع وتشوفهم
امل وليش منجي حتى يشوفنا واحنا نطمن عليه
ماهر لا وين تجين الناس اهنا مخبوصة علية والحزب والشخصيات ميصير تجين عيب شيكولون علينا
امل زين انطي التليفون احجي وياه حتى اطمن
ماهر ها مو اني هسة بعيد على غرفته
امل مابيها شي اتمشة واني انتضر الى ان توصل
ماهر لا اني طلعت خارج المستشفى
امل ماهر كلبي مامطمن ليش متخلونا نحجي وياه اكيد مازن بي شي هذا الحجي بصياح وعصبية اني هسة جاية الكربلاء اني ومعصومة
ماهر لا وين تجين
امل والله لو مهما يكون متمنعوني هسة راح اجيب السايق ونجي
ماهر امل بلا رعونية ولا كلام زايد اني جاي البغداد شغله ساعة ونص واني يمكم ونتفاهم واخذكم وياية زين
امل انتضر منا الساعتين اذا ما اجيت لو خليتني احجي وية مازن تلكيني يمك بكربلاء
ماهر ميخالف جاي اني جاي
