اغتيال براءة

البارت الثاني والخمسون

الكاتبة الاسدية

انتظروني مع البارت الاخير من اغتيال براءة
اريد اشوف التفاعل والتصويتات حتى تشجعوني اختمها بسرعة

شفت الفرحة الي بعيون كرار يمكن سعادة الدنيا كلها بعيونة

اشوف لهفته وحبة الايات تذكرني بحب حيدر ولهفته الي

وبيوم الزفاف حدثت المفاجأة الي ابد ماجنت حاسبه حسابها

حيدر بعد تعب عشرين سنة وحرماني من امل كل هاي المده

قررت والاول مرة اتقدم الامل بصورة رسمية

شفت احسن وقت اتقدم بي هو يوم زواج ايات وكرار

لان عائلتنا كلها مجموعة وتصير الخطوبة كدام الكل

كافي بعد تاجيل وماكو اي مانع ايات وتزوجت ومحمد كمل ١٨ سنه يعني محد يكدر يجبره ان يترك امه

اتجرئت وتقدمت على الستيج وجنت مشتري خاتم زواج تركي كلش حلو

وتقدمت من امل الي جانت سعاده الدنيا كلها بوجهة

حيدر سكتت الموسيقى جنت متفق وية منسقة الحفله

صار الهدوء والاضواء كلها توجهت الي والامل

حيدر امل ممكن تنتبهيلي دقيقة

امل التفتت الصوت حيدر من طلب مني انتبهل اله دقيقة

شفت حيدر شايل باقة ورد ابيض وبيها وردة حمره بالوسط وتقدم مني

حيدر امل بهاي المناسبه الي فرحتنا كلنا وكدام الناس الي موجوده

امل اني احبج واريدج تشاركيني حياتي الجاية للابد نكون سوه

امل تتزوجيني وقدمتلها المحبس

امل حسيت روحي مراهقة وتحقق حلمها بالزواج من فارس احلامها

حسيت بفرح يملاء الكون وحسيت بخجل بنية بريئة تخجل من هيج مواقف

ولا عبالك اني امل المرأة الي مرت عليه مشاكل وهموم تهد جبال

ولا كأني المرأة الي اتذكرت ان اليوم عيد ميلادي الاربعين

امل الي بتها كاعده عروس في الكوشة
بكل فرح ولهفة وحب

وبدون اي تفكير وافقت على الارتباط بحيدر

حب عمري وحلم حياتي

حيدر بعد موافقة امل من ارتباطهة بيه
اتقدمت منها وبستها من راسها

كرار وسجاد ضلو يصوفرون ويصفكون

ايات كامت حظنت امها وباركتلها

كل الي بالحفله صارت فرحتهم بخطوبتي اني وامل اكبر من فرحتهم بزواج ايات وكرار

امل حسيت الدنيا راح تتوقف على هاي اللحظة وتستمر بهاي السعاده