اغتيال براءة

البارت الاربعون

الكاتبة الاسدية
الاميرة ارجوان

السلام عليكم القراء الاعزاء

حبيت اسالكم اني مقصؤة وية اي احد بيكم

يمكن اني الكاتبة الوحيده الي تتواصل وية قراءها وترد عليهم سواء بالخاص او العام

وهذا الشي يسعدني لان لولا محبتكم الي متتواصلون وياية

بس هذا مينطي الحق للبعض فرض شروطة علية

يعني لو تهديلنا اغنية لو نزعل وبعد منعلق او منصوت

لو يطلبون مني اغنية او قصيدة معينة متتلائم وية البارت وجدا بعيده وتعالي ضيفيها للبارت لو نزعل

هيج اشخاص اكللهم القصة متتوقف على تصويتكم او تعليقكم

اكو هواي متابعين دينطون حق القصة او اكثر من حقها

حبيت اشكرهم وربي مامقصرين وياية

واني انتضر تواصلكم وياية على العام او الخاص راح تلكوني متواجده دوما وابدا
احبكم هواي

اختكم الكاتبة الاميرة ارجوان

💖💖💖💖💖💖💖

رد علية حيدر ان اذا بلغ الامريكان عن المخدرات هذا مازن ناقص احتمال مخليهن بجنطتي اني والجهال

واني اروح بيها كال خلي نفكر بخطة ثانية على الجايات

رجعت للبيت واني بعدني حالتي النفسية والجسدية كولش تعبانة

بعد وصولي بيومين اجتي خالتي سهام حتى تطمن علية

سهام امل هاي شبيج منو مسوي هيج بيج هذا رجلج الناقص

امل لا خالة اني وكعت من الدرج

سهام هاي مو وكعة درج شنو منفتهم احنا هذا اثار ضرب

امل خالة فدوه لتكولين الاحد خاف يسمعون اخوتي ومابينا حيل مشاكل واول تالي احنا الخسرانين

سهام سوده علية ياخالة مادري وين حظج نايم من دون خواتج

امل شسوي ياخالة قسمتي بعد

بعد ما راحت خالتي اتصل بية حيدر وهاي اول مره يسويها

حيدر امل كليلي هذا النذل ماد ايده عليج

امل وشنو الجديد بالموضوع

حيدر الجديد هاي المرة ماذيج اكثر من كل مره

الجديد ماكدرتي للوعد تنفذي ما الومج ولا اعتب عليج

ادري انتي مو كد هذا النذل بس اني اعرف اتصرف وياه

امل حيدر بداعتي ماريد مشاكل

حيدر لو يكولولي نريد روحك ويحلفوني بداعتج انطيها واني الممنون