اغتيال براءة

البارت واحد واربعون

الكاتبة الاسدية
مازن ما الج رجعة للبيت بدون الامانه وهذا اخر كلام عندي

اخذ معصومة وراح

ضليت وحدي بالمستشفى حتى حيل مابية اكوم وكلشي ماعندي لا تليفون ولا فلوس

اجتي الممرضة كالت الدكتورة كتبتلج خروج

طلبت منها تليفون اتصل باهلي

الممرضة هي يا الله تطلب من الحافي نعال منين اجيب تليفون

امل اسفة بس احتاج تليفون اتصل باهلي حتى يجون عليه

الممرضة هسة اشوفلج منو عنده تليفون وخابريهم

راحت الممرضة شغله ربع ساعة جابتلي تليفون اتصل اني ماحافظة بس رقم حيدر

اتصلت بي وطلبت منه يبلغ اي واحد من اخواني يجون عليه

اتشكرت من الممرضة على التليفون
ضليت انتظر واني موتني القهر والالم

شفت علي اخوية هو وسحر جايين عليه

ضلو يسالون شبيج وشصاير وليش وحدج

كتلهم مو وكت الحجي خلي اطلع منا الاول

بين ما وصلنا للبيت شوي وطب علينا حيدر

سولفتلهم كل الي صار من اجاني حيدر وضرب مازن الى لحظة الي تركني بيها مازن بالمستشفى

بس مكلت ليش رجعت المازن علمود انقذ حياة حيدر

حيدر يعني كدرتي تنهزمين من مازن انتي وجهالج ورجعتي برجليج

امل مضطرة ارجع ماعندي غير حل

حيدر انتي غبية لج امل انتي راح تموتيني

شلون رجعتي صار اكثر من سنة منتضرين الفرصة تجي

حتى تخلصين من مازن ومن تجي اتظيعيها

امل كتلك مظطرة ارجع جان يهددني

حيدر خلي يهدد شيكدر يسوي اذا انتي ماكو وين يلكاج

امل لحد يسالني ليش رجعت المازن

حيدر لا نسال من حقنا نعرف حتى لنضل حاركين اعصابنا

امل ماجاوبت

حيدر من اكلج حلتلج الكعده ابيت مازن عيشة حلوه وسهله وكلشي متوفر اكيد ترجعين

امل انت بالذات لتحجي على العيشة الحلوه وية مازن

انت اول انسان باعني واتخلى عني

اذكرك حيدر جنت طفله وعيت على عالم كله وحوش تريد تفترسني

وفجأة ضهرت انت الملاك الحارس الي كلت راح يخلصني من هاي الوحوش

اجيتك وكتلك حيدر اني احبك اول مشاعر حلوه حسيت بيها وياك

انت شسويت كتلي لا ابقي بعالمج مالي شغل بيج