اغتيال براءة

البارت الثالث عشر

الكاتبة الاسدية
سحر اكلج امل شغلة سالم وايمان ابد مو خالية

امل ادري لان مستحيل سالم يحجي على ايمان بهيج طريقة ويصير ويانا وانتي منتبهتي شلون غمزلها

سحر امولة حبيبتي دير بالج منهم

امل الله موجود هو يلطف بحالي

سوينا زواج سلام واميرة بسرعة هي حبابة جانت مقتتعة بكلشي وتعرف ظروف سلام

ام سالم امولة يمة تعالي عندي سالفة وياج

امل اجيتج ياغالية كولي اسمعج

ام سالم يمة اني اطمنت على الكل وبقيتي بس انتي اريد اشوفج ابيت رجال يحبج ويصونج يايمة اريد اموت واني مرتاحة

امل يمة عمرج طويل وعسى يومي قبل يومج يا امي كل واحد وقسمتة واني بعد ماجاية قسمتي

ام سالم يمة قسمتج موجوده يمة فراس يحبج ويريدج وشوفي عمرة فوك الثلاثين وبعده مامستقر

امل يمة بروح ابوية لتجيبين طاري فراس تدرين بية اتخبل منه

ام سالم يمة بعد ماجيب طارية بس اريد استشيرج بشغيلة

امل اي يمة كولي

ام سالم يمة انتي تدرين بية ماضم عليج شي اني كلشي ما املك من الدنيا غير هذا البيت مال ابوكم سالم اخذ حصتة واخوتج الوكت ذبهم لادراسة ولا وظيفة ولا بيت

وانتي وخواتج هم كلشي ماكو راح اسوي البيت نص باسم اخوتج ونص باسمج لان اعرف انتي طيبة كلب ومتضيعين حق خواتج ابد خاف يذبهن الزمن

امل امي كافي لتحجين هيج لتحركين كلبي عمرج طويل وانتي الي تلمينا

ام سالم يمة هاي الدنيا موت وفوت اني عندي جم فلس مال دفنتي حتى لتحيرون

امل بقيت ابجي وابوس بامي يمة فدوه لتخلين بالي يمج فكري بية منو الي

ام سالم يمة الله موجود وميعيف عبده احن مني عليج

ويايمة اخذي نصيحتي اذا اجتج قسمة زينة روحي بفالج لا تضلين جوه الايدين عظم بنادم ثكيل ويملوه بسرعة

امل يمة ارتاحي والله كريم

عفت امي ورحت الغرفتي ضليت افكر بحجيها اذا امي صار بيها شي منو الي اخوتي محتارين بعيشتهم وضيمهم

وخواتي المن اروح الماجد لو مخلص الي اثنينهم مارحموني واني زغيرة يرحموني واني جبيرة

احسن شي خلي اخابر حيدر اذا فتح موضوع الزواج خير على خير واذا ضل ساكت شسوي اني هم اسكت

خابرت على حيدر مرتين ماموجود انطيت خبر الخالتي اتكولة يخابرني محتاجتة بموضوع يخص الدراسة هي هاي جانت الحجة الوحيده