اغتيال براءة

البارت الثالث والثلاثون

الكاتبة الاسدية
الاميرة ارجوان

امل ابو رياض يكولون اليوم الحجي يرجع من السفر متعرف شوكت

ابو رياض جا عمو هذا ياهو الكدامج

امل انصدمت ماتوقعت هو هذا الحجي الي يحجون بي

كمت ماعرف شكول من الخجل كتله
اسفة استاذ الحجي

الحجي هههههههه هاي جديدة استاذ الحجي

امل بخجل اعذرني ماعرفتك اني جديده اهنا مصار اسبوع

الحجي لاتعتذرين عادي خابروني علمودج وكالو انتي شاطره

كتلهم عينوها بس من قريت ملاحظاتج شفتج كلش شاطره

امل اشكرك استاذ اتمنة اكون شاطره وعند حسن ضنك

الحجي انتي شتصيرين من حيدر النجفي

امل ابن خالتي

الحجي هاي هية اكيد شاطرة على ابن خالتج

امل اشكرك

وسكتنا اثنينة

الحجي ممكن اوراق المشروع وياهن ملاحظاتج

امل اتفضل استاذ

بدا الموظفين يحظرون للدوام واجا استاذ عمار مدير المكتب استقبل الحجي بالسلام الحلو وفتح مكتبة ومكتب الحجي

الحجي اكول عمار هاي سمر يومية تتاخر ماتغيرت

استاذ عمار حجي تدري بيها بيتهم بعيد من غير ظروفها العائلية

الحجي هو شكاسر ضهرنا غير ظروفها العائلية نسكت والله كريم

اكول امل تعالي وراية

امل اجيت استاذ

رحت وراه واني شايله اوراق المشروع والملاحظات وبيدي اجنده لان كالو لازم تشيليها من تدخلين للحجي

حتى تسجلين كلشي يطلبة منج
كعد بمكانة ولبس السترة والرباط هسة بين علية مدير المشروع

اني جنت اتوقع من يكولون الحجي اشوف واحد لابس دشداشة  وعكال مو هيج شخص

الحجي اريد اسوي اجتماع وية مدراء المواقع كلهم

وقبل هذا الاجتماع اريد مدير مشروع البصرة قبل الاجتماع بساعة

امل اريد تكملين دراسة المشروع وتضيفين ملاحظات اضافية على ملاحظاتج

واريد بعض الاقتراحات لحلول هاي الملاحظات بس اريدهن محد يعرف بيهن وتجيبيهن على مكتبي قبل نهاية الدوام

امل حاضر استاذ

زين استاذ شوكت تريد الاجتماع  ية مدراء المواقع

الحجي من تجي ست سمر وتشوف مواعيدي شوكت عندي مجال

امل تامر شي ثاني استاذ