اغتيال براءة

البارت الثاني

الكاتبة الاسدية
مرت علية ايام لا اكل ولا شرب ولا نوم واذا انام من التعب افز واصرخ وابجي أريد اسماء ابوية ابتلة بية يشيلني على ركبتة ويفتر بية نص ليل وجه الفجر بس حتى اسكت

ومرات ياخذني يوصلني على بيت ماجد قريب يخليني اشوفها وارجع علية لان يكولون عيب تبقين يمهم اشكد كرهت ماجد لان اخذ مني اسماء

وراها اتعودت على غيابها لان امي بدت تهتم بية وراها ارتاحين من بدت اسماء تجي يمنا للبيت من يروح ماجد للجبهة تبقة يمنا هواي

خطية رجعت اتخيط من جديد لان اخذو زوجها عسكري للجبهة بحرب ايران صار عمري سبع سنوات ضهر بحياتي شخص جديد صديق سالم فراس كان يطب البيتنا هواي وية سالم لو يقرون لو يكعدون يلعبون دومنة كل مايجي يمنا يكلي انتي اخذج تصيرين زوجتي وسويلج عرس اشكد كمت اكرهة لان خفت ياخذني من اهلي مثل اسماء

بيوم ندك الباب جانت امي نايمة واخواني بالشغل وسالم طالع بيداء كالت كومي فتحي الباب اني جنت العب كتلها ما ماطلع عاطت بية اني خفت طلعت اركض شفت فراس سالني على سالم كتلة طالع كال وامج كتلة نايمة

جان يلزمني ويخلي حلكي بحلكة ومصني حيل ماعرفت شنو ديسوي لعبت نفسي من حركتة وعفتة ورحت للحمام اغسل بحلكي اتكررت حركتة وياية اكثر من مرة بس يسوي هيج من ماكو احد لو سالم يروح للحمام لو من يروح يبدل ملابسة حتى يطلعون

واهلي جانو يحسبو واحد من عدنة بيوم كاعدين بالليل طالع فلم عربي شفت اثنين يسوون مثل فراس كلت الاسماء عيع هذا يتفل بحلكها مثل فراس من يتفل بحلكي وآني تلعب نفسي واروح اغسل اسماء خلت ايدها على حلكي وسكتتني جان تجرني للغرفة وبقت تسآلني شيسويلي فراس وشلون وشوكت هم سوالج شي

وآني كمت ابجي كتلة والله هو يكلي انتي تزوجيني وآني اكرهة لان يريد ياخذني من بيتنا ماحبة خطية بقت شابكتني وتحجي وياية وتكلي خلي يولي فراس بعد لتروحين يمة ومن يجيب انهزمي روحي يم امي لو يم بيداء ولتبقين وحدج وياه ومو بس فراس أي واحد يريد يلزمج لو يسويلج شي يريد ينزع ملابسج لو يكلج تعالي كعدي بحظني بسرعة انهزمي منهم ديري بالج على نفسج وبقت اختي اشكد تحجي وياية وآني كلة أي أي بس ماعرف شنو وليش

ثاني يوم الصبح كعدت على صوت امي عالي وتتعارك وية اسماء وتكللها اليوم الا اجويها حتى اتوب واسماء اتكللها يمة متفتهم هي شنو ذنبها انتي خلي عينج عليها وآمي جرتني من شعري من شافتني فتحت عيوني وضرب على وجهي وعلى ضهري كوه خلصتني منها اسماء كالتلها بعد مابقيها يمكم اخذها وياية موتوها شنو ذنبها هاي امانة رب العالمين يمكم  وانتو ماحافظتو على الامانة وآمي تحجي علية وتكلي الفاهية شوكت تفتهمين وديرين بالج على نفسج بقيت بس ابجي ليش بكلشي راجعين علية وهذا الكتل الي احصلة

جنت كولش حبابة وفقيرة بيوم اجانا فراس يسال على سالم امي طلعتله واستلمتة رزايل وتكلة لك هاي طفلة هاي اختك احنا حاسبيك مثل ابنا وتطب وتطلع ابيتنا واحنا مامنين بيك ليش هيج تسوي بيها هو بقة مدنك راسة ويكللها خالة بس تكبر شوية اني اتزوجها وامي اتكلة بعد مالك طبة البيتنة وينك وين الزواج وهاي الطفلة تلعب عليها وطردتة وامي من جديد رجعت علية كتل