اغتيال براءة

البارت الثامن والثلاثون

الكاتبة الاسدية

ايات بصياح وبجي بعد لتجين للمدرسة اني اكرهج

امل شنو تكرهيني ايات ماما اني امج تكولين تكرهيني

ايات رجعت على امها ورمت نفسها بحظنها وهي تبجي بقوة

انتي مو امي البنات يكولون هاي مو امج هاي لاكيتج بالشارع ومربيتج

امل شلون انتي مو بنتي انتي بنتي وحبيبتي وكلبي هذن حقيرات البنات لتسمعين كلامهن

ايات اذا اني بنتج ليش ماطالعة عليج ليش اني مو حلوه وانتي حلوه

اني ما اشبهج ابد حتى محمد طالع حلو وابيض مثلج واني لا

امل ماما الله خلق البشر اشكال والوان مختلفة ميصير كلنا نتشابه

وبعدين انتي كولش حلوه اكو هواي ناس اتحب الي بشرتهم مثلج حنطاوي

واكو يحبون السمره واني احبج واحب كلشي بيج ماما مو مهم الشكل

المهم الجوهر المهم الاخلاق والكلب الطيب

شنو نسيتي الحديث النبوي الي يكول : (إن الله لا ينظر إلى صوركم ولا إلى أموالكم ولكن إلى قلوبكم...) صدق رسول الله صل الله علية واله وسلم

ايات ماما كلما تجين للمدرسة يبقن البنات يعيبن علية ويكولون انتي موحلوه مثل امج

امل هسة احنا شكلنا انتي تعرفيني كلبي طيب وحنينة واحب كل الناس لو لا

ايات اي انتي احن واطيب ام بالدنيا

امل زين وانتي كلبج طيب وحنينة وتحبين الناس لو لا

ايات اي احب كل الناس

امل اذا ياماما اني وياج نتشابه

ايات وهي تبوس امها اسفة ماما اني احبج واحب حمودي واحب بابا

امل وتحبين زينب ورقية خواتج

ايات لا ماحبهن ميعرفن يحجن مثلنا

امل انتي اختهن الجبيرة وتعلميهن وتلعبين وياهن

تذكرين من جنت احجيلج على خاله اسماء شلون جانت هي تعتني بية

وتمشطلي وتحبني اريدج مثل خاله اسماء زين ماما

ايات زين

معصومة شنو شبيها ايات

امل فهمتها شنو الموضوع طبعا اني بسرعة اتعلمت من معصومة بس هي لا شوي شوي تتعلم

عرفت معصومة طيبة والي بيها ان هي تريد زوجها بس الها وهذا حقها

عرفتها اني ما احب مازن واليوم قبل باجر اريد اطلك منه

ضليت افكر بموضوع ايات ماريد اسببلها عقده وتبتعد عني