اغتيال براءة

البارت العاشر

للكاتبة الاسدية

حبايب كلبي ادري انتو متفاعلين وية القصة بس لتنسون امل والي اتعرضت اله من هي زغيرة
يعني مو لان فراس حبها خلص لازم هي تستسلم للامر الواقع وتوافق عليه

لتنسون لكل فعل رده فعل وام فراس لو تعرف بابنها والي سواه وية امل اكيد ماراح تدعي على امل يمكن اول وحده راح تعذرها
اما بالنسبة الحيدر وحبها اله لان اول مرة تصادف انسان ماطامع بيها حبيت اوضح هاي الصورة بطلب من صاحبة القصة حتى لتحكمون عليها بان هي ضالمة فراس وامة

نكمل قصتنا
حيدر اخذت وعد من امل متفتح موضوع الحب وياية واني اعرف هي كد كلمتها

خلي اعرفكم بنفسي اكثر

اني حيدر الابن الوحيد الاهلي عندي خوات ٣ اصير ابن خالة بيداء وامل

جنت دائما من زغير اروح البيت خالتي وية امي

اني اكبر من بيداء بسنة ومن امل ست سنوات من اجتي امل للدنيا جانت زغيرة عبالك لعابة وابد متستغرب

دائما اشيلها والعبها واخذها اشتريلها

جنت طفل وخجول امي اتكلي شوف اذا ماكبرت امل وتزوجها هلكد اتحبها

اني اخجل وابقة ابجي اكللها لو تموتون ما اتزوج امل

وراها بفترة اتحولنا المحافظة النجف قريب على عمامي وبيت جدي

وهناك والدي سوه مشروع والحمد لله نجح مشروعة واستقرينا بالنجف

وكل فترة من يجون بيت خالتي يمنا وابقة العب امل لو اخاف عليها من الشارع يتكرر نفس الكلام من امي

واني ابقة على عنادي وياهم واكللهم الايام تثبتلكم اني ماتزوج امل

مرت الايام وصارت روحاتنا البغداد قليله وجيات بيت خالتي النا بدون امل

انقبلت كلية ادارة واقتصاد ادارة اعمال جامعة بغداد التخصص اني اختاريتة حتى اطور شغل ابوية

امي وخالتي ماقبلو ادخل قسم داخلي واستقر ابيت خالتي اكمل الكلية

رحت البيت خالتي شفت امل صايرة سبحان الخالق شنو من جمال وصايرة مره
بس بقت حجاية امي ادك براسي قنعت نفسي ان امل بعدها طفلة وحسبت اختي

اما بيداء جانت امرأة بمعنى الكلمة شكل واخلاق اضافة هي مقاربة العمري

وكليتها قريبة على كليتي بديت اتردد عليها للكلية وحبيتها حسيتها قريبة مني والكل حس بحبي الها حتى هي لكن القسمة والنصيب لعبت دورها

بيداء ماحبتني ولا شاركتني المشاعر

وحسيت بامل شكد اتحبني وهنا بقيت بين نارين هم يدرون احب بيداء
شلون اكللهم غيرت رائيي وحبيت امل