اغتيال براءة

البارت الثاني عشر

الكاتبة الاسدية
السلام عليكم حبايب من نزلت توضيح بطلب من صاحبة القصة عن الي يتهجمون عليها بالتعليقات

ماجنت اتمنة احد يزعل مني بالعكس جنت اوضح اساب خاصة عن رفضها الفراس او حبها الحيدر

فحبايب ماريد احد يزعل مني اني يعز علية زعلكم

ونقلتها للمصداقية بتوصيل الاراء بين صاحبة القصة وبين القراء

تقبلو تحياتي الكاتبة الاسدية وبطله القصة امل

💖💖💖💖💖💖💖💖💖💖

بعد ما كملت امي جلسات العلاج الطبيعي شوي صار اكو تحسن امي تكدر تكوم وتمشي بس قليل وتستند على عكاز

ومازن ماشفت منه اي شي مامقبول

حتى من يحجي وياية يكلي ست امل

بس بقت حالتها يوم زينة ويوم لا

والدكتور كال اذا حسيتو وضعها مو تمام هاي ابر خلوها احتياط من تحتاجها

مرت الايام عادية بين دوام الكلية وبين البيت وامي

بالكلية اسمعهم يسموني اما المغرورة او المعقدة

والبنات يسموني معذبة القلوب

بس كل الي يعرفني وقريب علية يعرف اشكد بسيطة واحب الكل هاي القوى مجرد درع احمي بي نفسي

بيوم راجعة من الكلية اول ما دخلت للبيت

امل السلام عليكم هلو سحورة

سحر هلو امولة زين جيتي

امل ها شكو اصار

سحر والله عمتي اليوم مو زينة حتى ماكعدت ولا اكلت شي

امل ياستار خاف بيها شي ورحت ركض على امي

ها يمة شلونج شبيج شتحسين حبيبتي

ام سالم مابية يمة

امل شتحسين ضغطج شنو

ام سالم مادري يمة احس راسي ثكيل علية وماكدر اكوم

امل سحر جان جبتي المضمد ينطيها ابره

سحر متشوفين بطني شكبرها وكوه امشي وماكدر اعوفها وحدها

امل خلي اشوف هاي القابلة ام حيدر تجي تضربها الابرة هسة اجي

رحت على ام حيدر كالو طالعة يم بتها بقيت محتارة اتذكرت مازن كلت خلي اروح علية ماعندي غير حل

رحت على بيت مازن طلعتلي امه

امل مساء الخير شلونج خالة

ام مازن مساء النور صل على محمد وال محمد خالة انتي ياهو

امل خالة اني امي متخربطة وجيت على مازن بلكت يضربها ابرة

ام مازن انتي شسمج وين بيتكم