اغتيال براءة

البارت السابع

الكاتبة الاسدية
احب اوضح القصة حقيقية وصاحبة القصة اتابع كل تعليقاتكم وتعاطفكم وياها

ابوي اشكد حنون ايفيض وجدان وابوي اصحابه تتباها ابصفاتــــه
كريم ايجود حتى ابلگمة اعشاه وقف للناس ناذر كل حياتــــــــــه
اذا يسمع طفل فد يوم جوعان توگف لگمته ابطارف لهاتـــــــه
من يوگف يصلي اتفيضه الدموع اوتصير ادموعه سجادة صلاتـه
وابوي الغيره عنده اجروف نهران منها اصحابه تغرف والشماتـــــه
سمح يلگه العذر لليخطي وياه عفه اوحلمه چرچوبة سماتــــه
ماسد باب جوده ابشحة الجود عنوان الكرم كل ذكرياتــــــه كل شبه
ابمظيفه اعدال ديوان غاص امن الزلم حتى ابمماته وابوي الخير بيده
اشيكرم ايزود مثل حري العراق اومي فراته

امل رجعنا من الاربعين مال ابوية امي جان وضعها كولش تعبان طلبت من ايمان تستلم البيت لان هي بالعده ومتكدر تطلع للسوك وتسوك
اكيد ايمان تفرح بهيج قرار لان البيت كله راح يصير بايدها وهي تتحكم حتى باكلنا وشربنا
اني وبيداء اتحولنا يم امي انام وياها لان نخاف عليها وخطية اخواني جانو متبهذلين لان ماخذين غرفتهم اني وبيداء

اشهر العده خلصت بطلعان الروح وسالم كل يوم مسويلنا مشكله حتى امي تطلع تحول التقاعد باسمها وامي اتكله ماطلع ويومية ايمان مسوية مشكله المصروف خلص واني منين اجيب اوكلكم

اخوية علي لبس عسكري ويعني المصروف راح يقل لان راتب الجندي كولش قليل ميكفي

مشاكل ايمان وياية ماحجيلكم عليها كاعدة وتتامر علية واذا ماسوي شي تريده احسب احساب كتلة زينة من سالم

ايمان لج امل تعالي شوفي زينب وسخت روحها اخذيها سبحيها ونضفي الغرفة

امل تعبانة متشوفيني بطني توجعني وماكدر اكوم سبحيها انتي مو امها متدرين بتج شبعانة جوعانة شوكت اديرين بالج عليها

ايمان وانتي شنو شغلج اهنا بس اكل ونوم غصبن عليج تشتغلين بلكمتج

امل واني بس ابجي اني ماماكله ابيت ابوج حتى هيج اتكليلي

ايمان وهي تعيط وتبجي سالم تعال الحكلي اختك تريد اتموت الجاهل ابطني تعال الحك علية

سالم هاي شكو اشبيكم صوتكم واصل وين شكو

ايمان وهي تبجي وتعيط غير من ورا اختك اكللها بطني توجعني اتكلي كومي نضفي انتي تشتغلين بلكمتج وسبتني وسبت ابوية 😭😭😭

سالم ولج امل انتي اشعدج شاده وية مرتي ليش تكرهيها فوك ماشايلتكم شيل هيج اتجازيها

امل والله جذابة والله ماكتلها هيج هي

ايمان انتي جذابة وعيارة وتكليلي الا اهجج من البيت اريد اخذ راحتي وية خطيبي من يجي

سالم اطيح حظج وحظ خطببج ياساقطة وهو جرني من شعري ويضرب اليوم الا اربيج ياكلبه

ام سالم وهي كوه تجر امل من ايد اخوها يمة اشبيك وية اختك هسة جانت نايمة يمي مريضة حرام عليك هاي اختك ويتيمة بدال متصيرلها ابو