الكاتبة الاسدية
بس لعيون الغالين على قلبي الي ماعافوني من اول القصة وهم يشجعوني ويصوتون ويعلقون راح اكمل القصة
اما الاصنام الي تقرأ وتروح اتمنة تعجبكم القصة
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه بــ بير يوسف وياهو الي يطلعه
صبح خشبه الكَلب يتونس عالنار
حركَ هندام روحي وياهو الي يصلحه
العميد هههههه كلها تكول اني بريء زين والحبوب المخدرة والفلوس الي لزموهن بايدج
امل والله استاذ مو مالتي
العميد اني كتلج كل زوجات تجار المخدرات والمجرمين لازم زوجاتهم مثلهم
بس حرامات صدكت انتي تختلفين وثبتيلي العكس
امل استاذ والله اني مو هيج هاي الفلوس لكيتهم بالعياده
ردت افرغ العياده حتى ااجرها ماعندي احد حتى يساعدنا
واني صاحبة اطفال
العميد كلها حجج كلها مبررات بس انتي انلزمتي والدليل بايدج
امل استاذ ابوس ايدك والله بريئة فدوه اروحلك
خليني اروح الجهالي مادري وين صفة بيهم الوكت
العميد عجل من سويتي هيج انتي ورجلج مافكرتي بجهالج
ماكلتي شنو مصيرهم لو جنتي ناوية تمشيهم على دربج
امل الله العالم اني مالي اي ذنب ولا ادري بمازن شنو جان يشتغل
عندي ثقة برب العالمين لان يعرف اني شنو وماعندي اعتراض على حكم ربي
العميد الي مثلكم يعرف رب العالمين من ادمرون مستقبل شباب بعمر الورد
من اتخلوهم يدمنون حتى تملون بطونكم بفلوس الحرام
امل ضليت ساكته لان ماعرف شحجي وشكول
العميد كام من مكانه والتف من ضهر امل وهو اتلمس شعرها وهي تحاول تبتعد
يعني مو حرامات هذا الجمال يروح اعدام مو حرامات هيج شكل دافنته يم واحد ميسوه قندره
يولو انتي جوهرة وحرامات خاليج بيد واحد فحام ميميز بين الماس والفحم
امل جنت استمع الكلامه احاول افهمة وافسره كتله شنو تقصد
العميد تدرين انتي مصيرج اعدام وية رجلج
امل الاعمار بيد الله
