اغتيال براءة

البارت الرابع والثلاثون

الكاتبة الاسدية

بارت مفاجأة لعيونكم حبايبي

بعد ما نشرت الطلب وشفت اني وامل وابو ضحى التعليقات

امل ضلت مصرة على موقفها بالرفض واكيد انتو تعرفون ليش

وتكول ادعولي ربي ينورلي طريقي ويزيل كل العراقيل الي بدربي

ودعولي ربي يحفظ حيدر ويريح قلبة لان صبر عليه هواي

وتعتذر من ابو ضحى بصورة مهذبة مثل اخلاقها الراقية

وتتمنالة الحياة السعيده والزوجة الصالحة

وطبعا اني ماتدخلت بالتعليقات ولا بالردود لان ماردت ااثر على قرارات القراء

بعد لقاء سمر وفراس وموافقتهم على بعض حسيت براحة غريبة

وبالاخص من شفت موافقة من فراس على سمر يعني ماكان مجبور عليها

وعرفت فراس راح يحافظ عليها

والحمد لله كان اعتقادي بمحله

بعد زواج سمر صارت مسؤولية الشغل اكثرها عليه

الحجي امل بعد ما بطلت سمر اتمنة تتحمليني راح اضغط عليج بالشغل

  هذا راح يكون مقابل زياده بالراتب

امل اشكرك استاذ مو مهم الزياده بالراتب بكد ماعندي مهم رضاك على مستوى شغلي

الحجي من ناحية رضاية اني تقريبا اكثر واحد شايف بيج كل الطموح والنجاح

بس حياتج الخاصة احسها ماثرة عليج

امل والله استاذ مادري شكول الله يعدي هاي الازمة على خير

الحجي انتي زوجج وين

امل هاا

الحجي اسالج على زوجج وين

امل ضليت محتارة بين اجاوب الحقيقة او لا بس كلت حبل الجذب قصير

كتلة استاذ تريد الحقيقة كون متاثر على موقفك مني

الحجي لا اني اهم شي عندي شغلج شنو

امل استاذ اني زوجي هارب الى ايران صار ست اشهر

الحجي شنو يعني هارب

امل والله استاذ مادري شحجي وشكول راح اسولفلك كلشي من البداية

سولفت للحجي شلون اعتقلو مازن الى هذا اليوم

الحجي وهسة شسويتي وية الامن بعدهم يدزون عليج

امل بين فترة وفترة يدزون ويضلون يحققون بس ماعندي شي غير الي كلته بكل مره

الحجي زين اخوان زوجج وين

امل بعدهم معتقليهم

الحجي شوفي امل اني راح اسوي نفسي ماعرفت شي بس اي شي يصير اني ماعرفج