اغتيال براءة

البارت الثامن عشر

الكاتبه الاسدية
من شفت حيدر هيج وضعة ماعجبني من رجع من بغداد مادري ليش كلبي انقبض

حسيت اكو شي مو طبيعي مضوجة شنو هو الله يستر

اريد اعرف اشصار خلي انتضر اكيد من يكعد من النوم راح اعرف شكو

حيدر رجعت من بغداد اول ماشافتني امل حست اكو شي صاير

كتلها تعبان اريد انام ومن اكعد احجيلج بس وين يجيني النوم

وشلون اغمض عيني واني راح اذبها بيدي بالنار

اخ امل اشسويتي بروحج وشسويتي بية ليش هيج راسج يابسة

اني هم غلطان ماجان اخليها تنطي وعد خلاني خسرتها وهي خسرت حياتها وراحتها وحبها

لازم اسوي شي حتى لو جزء بسيط اساعدها ماريد تخسر كلشي فد مره

ضليت افكر شنو نوع المساعده الي راح اقدمها اجتي ابالي فكره

امل خاله حيدر ماكلج شي

سهام لا والله خاله كلشي ماكال بس حيدر بي شي مو طبيعي

امل الله يستر كلبي صار نار
راح اخابر سحر اسالها

حيدر امل لتخابرين سحر خلي نكعد نسولف

امل اي والله حيدر متدري شلون كلبي نار

حيدر امل انتي عندج ثقة بية لو لا

امل اكيد هسة انت الوحيد الي اثق بي
حيدر امل اريد باجر تروحين تسويلي وكاله عامة

امل ماشي اسويلك بس ليش الوكاله

حيدر لان سالتي ليش ماريد الوكاله لان متثقين بية

امل حيدر مجرد سؤال تدري طول عمري اثق بيك انت الوحيد الي جنت اامن على روحي يمه

حيدر واني واعدتج طول عمرج راح اكون سندج وماتخلى عنج لو مهما يصير وهذا وعد

امل ادري وربي يخليك الي والاهلك

سهام ها يمة حيدر شنو الي صار من رحت البغداد

حيدر ماكو شي يمة بس رحنا اني وسلام كتلنا مازن كتله كسرنا تكسر

سهام يا عزة ليش يمة خاف يشتكي عليكم

حيدر اذا هو رجال خلي يشتكي

امل زين وسالم شسويتو وياه

حيدر امل سالم انسي لتحسبي اخوج لو حسبي جان عندج اخو ومات

امل لا حيدر اسم الله عليه مهما يكون هذا اخوي الجبير

حيدر امل كافي انتي هيج طيبة كافي تبقين الناس اتكفخ عليج من وره طيبتج فكري وعرفي مو كل الناس ملائكة اكثرهم شياطين

امل هسة شنو الي صاير غير اعرف

حيدر تردين تعرفين اخبار مازن تردين تطمنين عليه لتخافين عايش حياته مامات على فراكج وبدل الوحده عنده الف