اغتيال براءة

البارت الثالث والعشرون

الكاتبة الاسدية

حبايبي بعد هذا الانقطاع والرجوع القوي اشوف التفاعل قليل وية القصة

وربي حتى واهس ماضل عندي اكملها
حرامات هيج قصة يكون التفاعل وياها بهذا المستوى

لو ادري تاركة النشر ومسويتها قصة ورقية وتاخذ مكانتها

😢😢😢😢😢

سمعت صوت مو غريب عليه ويصيح امل ولج امل الحكي عليه

طلعت عمتي تفتح الباب استغربت من شافت ايمان واكفة بالشارع وياها بناتها صايرات خمس بنات عدها

ام مازن هلا بايمان شعجب شجابج علينا

ايمان شلونج خالة تبوس بام مازن وتكول دخيلج اريد امل

طبت للبيت واني اتفاجات من شفت ايمان جايتني كتلها ها ايمان اليوم شعندج جايتني

ايمان اموله فدوه جايتج دخيله يمج اريدكم تنصفوني ماعندي غيركم اروح الهم

امل ياستار شكو شصاير وبعدين من شوكت ماعندج غيرنا

ايمان اخوج دك بية الناقصة وطلكني وتزوج عليه وين انطي وجهي اني وبناتي خمسه

امل استغفر الله وليش هيج طلكج مافكر ابناته ومافكر بيج

ايمان لا هاي وحده وياه بالدوام فرت عقله فر وموت روحة عليها وتزوجها

امل هسة اتزوج ميخالف زين ليش يطلكج ميخاف من الله ميكول هذن بناتي وين يرحن

ايمان خية ماقبلت تزوجه لو يطلكني ويتزوجها لو ماترضة بي

ام مازن الله ميطك بحجار هاي تالي الي كلبه مو نضيف

ايمان امل فدوه اغديلج ماندل بيت علي وسلام اريد اروح اشكيلهم من سالم

امل ليش هو شوكت سالم معترف باخو لو اخت لو قرابه

ايمان وين انطي وجهي واني عندي خمس بنات وهذا رعد مرته ماتقبل تلفينا وتكول شعليه اني واتحملهم

امل استغفر الله هسة تعالي ارتاحي وتغدي ويانة وشوف مازن ياخذنا البيت علي لو ميقبل

ايمان خية اني وجهي اسود منج سامحيني خاف اذيتج قبل

امل لتحجين هيج مهما يكون احنا اهل ومانقبل واحد ياذيج والخاطر بناتج وين يرحن بهذا الوقت الموزين

ايمان خية ماريد شي بس ليطلكني اقبل بكلشي شنو ذنبي الله مانطاني ولد خلي يتزوج ويجيب الولد اني راضية بس ليشمرني هاي الشمره اني وبناته

رحت للمطبخ اسوي الغده خطية انقهرت على وضع ايمان جان تجي عمتي وراية للمطبخ

ام مازن ها ياغبره يافطيرة بسرعة نسيتي الي سوته وياج