الكاتبة الاسدية
جنت كولش حذره من حيدر ماتواجد باي مكان هو بي وحتى لو صدفة بسرعة انهزم
المهم عندي ما ابقة وياه سوه بس الى هاي اللحظة ماشفت منه شي موزين
حتى هو يستغرب تصرفاتي ومن يسال بيداء علية يكللها اشبيها آمل
ليش تنهزم مني ليش متحجي وياية اتكلة عوفها خلي تولي شايفة روحها فد شي
بس آني جنت كولش اخاف على بيداء من حيدر لان اشوف شلون يباوع عليها
نضراتة تاكلها اكل بقيت اراقبهم بدون ميدرون ماشفت أتصرف شي موحلو وياها
وهذا الشي طمني بعدين عرفت حيدر يحب بيداء
ام سالم آمل يمة خابرني ماجد يكول اسماء كلش مريضة والجهال محد الهم واختج اتكول خلي تجي آمل يمي لان خميس وباجر جمعة
آمل يمة ماروح لو تموتوني عندي امتحان أريد اقرا
ام سالم ولج هاي اختج اشكد تعبت عليج هيج اتجازيها
آمل يمة كتلج ماروح وليش ما هي تجي يمنا اهنا ندير بالنا عليها هي وجهالها
ليش اني اروح وعندي امتحان مالحك اقرا من جهالها وكحين
ام سالم لا اشوف الا تروحين وهسة يجي رجل اختج ياخذج
آمل بقيت ابجي وادعي على ماجد الي الله بلانة بي
شوي واجاني ماجد ياخذني رحت وياه وآني بيني وبين نفسي إذا سوه شي الا اندمه
وصلت للبيت لكيت سوده علية اسماء كولش صايرة تعبانة نضفت البيت
وسبحت سيف وفاطمة بس يوسف لا زغير ماعرف اسبحة
غسلت ملابس وسويت اكل لان امي واسماء كلشي علموني اسوي
صار الليل كلت الاسماء أريد اروح البيتنا أريد اقرا عندي امتحان ماقبلت
اسماء دنيا ليل باجر الصبح روحي شكو كاعده على نار شو مو مثل قبل تبقين يمنا
آمل لا ماكو شي بس عندي امتحان أريد اروح المهم بقيت بايتة يمهم
رحت للمطبخ اغسل مواعين شوية حسيت ماجد وراية لازك بية ويطخ بجسمة علية
التفتت دفعتة كتلة شتسوي اهنا
ماجد أريد أشرب مي يعني شسوي
آمل شوف وحق الحق إذا اتقربت من يمي هسة اصيح والم العالم عليك
خاف عبالك بعدني آمل الزغيرة الي تخاف وتسكت لا شوف كبرت وبعد ماخاف من أي واحد
ماجد على كيفج لتسمعج اسماء بعد معلية بيج
آمل أي خليك هيج احسن لتخليني افضحك كدام الناس
