اغتيال براءة

البارت الواحد والعشرون

الكاتبة الاسدية

رجعتلكم بعد توقف ادري بيكم اشتاقيتولي واشتاقيتو الامل خلال هاي الفترة

اريد اشوف مدى حبكم الي والامل من خلال التصويتات والتعليقات حتى ارجع بحماس وقوه

واذا شفت تعليقات وتصويتات قليله يعني مامشتاقيلي 😭😭😭😭

اشكر كل المتابعين الي تواصلو وياية خلال فترة الانقطاع

ربي ميحرمني منكم وربي يقدرني على اسعادكم دائما

اختكم وصديقتكم الاسدية

💖💖💖💖💖💖💖💖

ثاني يوم رجعت اني ومازن البغداد حتى اروح للمستشفى اسوي عمليه قيصرية

اول مرة اشوف مازن يخاف عليه

عمتي بحث اخر بس ضلت تصلي وتقرا قران وتدعيلي اكوم بالسلامة

تصرفاتهم هاي دخلت الخوف بكلبي اتوقعت اذا دخلت للعمليه بعد ماطلع منها

جنت ادعي ربي اذا راد ياخذ امانته بس اشوف اطفالي وابوسهم وبعدها اموت

وصيت عمتي على الاطفال

قبل دخولي للعمليه دخلوني فحص تخطيط للقلب والضغط الدكتور كال تتاجل العمليه لان حالتها صعبة والعمليه بيها خطورة

ضليت تقريا تسع ساعات علاج ومغذيات وابر اخر شي الدكتور كال سوولها العمليه

الطبيب كالي كلمة بعدج بعز شبابج وانتي هلكد تعبانة الله يساعدج

ميدري الي شفته بهذا عمري لو بجبل جان انهد وتفطر

دخلت للعمليات اجاني طبيب التخدير سألني انتي زوجة مازن

كتلي اي كال استغفر الله الي عنده هيج زوجة شيريد من رب العالمين

خلالي هيج مثل الجهاز الاسود كلي اتنفسي مرة والثانية
سالني انتي شسمج

امل

شكد عندج اطفال

ولا واحد

بعدها ماحسيت غير بالم قوي ابطني من الوجع اريد اصرخ ماكدر

عندي احساس باصوات يمي وصوت يكلي امل تسمعيني افتحي عيونج

اني كلشي ماكدر اسوي حتى اريد ابجي من الوجع ماكدر

ماعرف المده الي بقيت بيها على هذا الوضع اشكد

حسيت على الم موتني بقيت بس اصرخ من الوجع

سمعت صوت مازن وعمتي يحجون وياية

مازن على كيفج عمري هسة اخليهم يضربوج ابره اتحملي شويه

امل ماريد ابره اريد جهالي اني شجبت