اغتيال براءة

البارت الخمسون

الكاتبة الاسدية

السلام عليكم

احب انوه ان القصة وصلت الى البارتات الاخيرة

وان البارت الاخير راح ينزل قبل العيد
انتضروني

لتنسوني بالتصويتات اذا عجبتكم القصة

بيداء وليش البجي هو يحبج وانتي اتحبي شكو بيها وانتي هسة انسانه حره

امل لا اني مو حره

لان اهل محمد وايات اخذو كلام رياجيل اذا اتزوجت ياخذون جهالي

واني علمودهم ضحيت بحيدر

بيداء الله كريم باجر يكبرون جهالج  بعد مو من حق اي واحد ياخذهم منج

وبذيج الساعة تزوجين انتي وحيدر وتنسعدين وتعوضين كل السنين الراحن

امل الله كريم

حيدر يمة ليش هيج سويتي وية امل ليش متستاهل هيج تحجين عليها

سهام يمة صار سنين اشكي وابجي واكللهة ابني ميقبل يتزوج وهي طلعت السبب مافكرت يوم تعوفك وتخليك تشوف دربك

حيدر يمة امل عمرها مامنعتني من الزواج الحد ماطبيتي علينا للمطبخ جانت تقنع بية اتزوج

ليش يمة تظلميها فوك ماهي مظلومه

سهام يمة اريدك تزوج لو تنسة عندك ام واغضب عليك دنيا واخره

حيدر يمة ابوس ايدج كلشي تردين اسوي حتى ارضيج بس مال اتزوج غير امل ماكدر اموت يمة

يمة هاي حلم الطفوله يمة هاي حلم العمر ولج يمة هاي الروح الي تسكن بجسم يمة هاي النفس اذا انكطع اموت

سهام زين ليش ماتزوجتها ليش خطبت اختها ورفضتك

حيدر لان غبي غبي ومافتهم شي ضيعتها من ايدي

سهام احنا بيها اتزوجها

حيدر متكدر تزوج هسة ياخذون جهالها منها اذا اتزوجت

سهام يمة لعد اتزوج وشوف دربك يمة اريدلك ولد يشيل اسمك واسم ابوك

حيدر يمة يعني انتي اتخيريني بين امل وبين الموت شوفي انتي شتختارين

سهام يمة اختارك الك

ثاني يوم العرس ماحضرو لا خالتي ولا حيدر

حتى ماعرف شنو الي صار

كاعدين واتصل بية سلام بلغني ان الفندق صار بي حريق والاطفاء متكدر تطفي النار

جنت متاكده ان الي حرق الفندق ابو سرمد

خابرت على كريم وكتله اريد اروح الكربلاء لان الفندق احترك

شوي اشوف كريم وياه حيدر وكرار جايين حتى يرحون وياية

وصلنا كربلاء اتلكانه سلام وهو خطية حالته حاله