اغتيال براءة

البارت واحد وخمسون

الكاتبة الاسدية

شنو مصير ايات معقوله اذبها بالنار بايدي معقوله راح يتركوها عمامها
لو راح يسكتون

زين محمد راح يقتنع بالشي الي نريد نسوي لو يوكف وية عمامه مادري

كل هاي التسائلات ضلت ادور براسي سببتي ارق وتعب نفسي

ايات احس بيها مو ذيج ايات قبل علامات حزن وخوف وترقب واضحة عليها

زينب ورقية علمتهم يصيحولي ماما وبديت احجي وياهم عراقي

رقية بعدها زغيرة كدرت تنسة بسرعة من شافت تصرفاتي وياها وحبي الها وتوفير كلشي يحتاجة الطفل

اما زينب لا كانت اكو تسائل بداخلها ليش امها متريدها وشمرتها

عمري ما استغليت هاي النقطه الصالحي
جنت دائما الكي المبررات التصرفات معصومة كدام بتها واحببهة بامها

دخلتهم مدارس وجبتلهم مدرسات حتى يكدرون يفتهمون المواد واللغة الجديده عليهم

محمد ماما اني قررت شي

امل اي ماما شنو قررت

محمد اني من اكمل هاي السنه ماروح قانون

امل ليش ماما متروح قانون مو هذا حلمك من انت وزغير

محمد عمي ماهر يكول روح ادارة واقتصاد حتى تتعلم شلون ادير فلوسك وشلون اطورهن

امل زين وانت تمشي برئي عمك ماهر لو تحقق ذاتك انت

محمد اني شفت كلام عمي صحيح احسن ما اخوتج لازمين فلوسنا ومستغليهن اني اكدر اتصرف بدون مساعدتهم

امل محمد كلمة اخوتج هاي بعد لتكولها كول خوالي الي تعبو عليك وتعبو وياك

ودارولك فلوسك من الكل شمرونا بالشارع ومحد سأل علينا وطوروهن

محمد هو منو شمرنا بالشارع انتي اخذتينا ونهزمتي بينا حتى تحرمين عمامنا منا

امل محمد لتخلي عمامك يغسلون دماغك ضدنا

مكتب السيارات الي بدا بي خالك علي ب ٦ سيارات صارو هسة فوك ٣٠ سيارة وكلهة احدث موديل

والفندق الي جان يبوك بي ابو سرمد هسة بادارة خالك سلام جايب بيتين بكربلاء للايجار ويجيبون وارد

محمد ميخالف اني اريد اروح ادارة واقتصاد ومو هنا بالنجف

امل وين يمة تدرس

محمد اروح ادرس بغداد اريد تبدليلي هاي سيارتي من انجح تدرين كليه وبغداد

واريد تشتريلي بيت قريب على بيت عمي ماهر وانتي بعد بكيفج اذا تردين تعيشين وياية بغداد لان اني مليت من النجف

امل واذا ماقبلت اعيش بغداد

محمد انتي حرة لتعيشين المهم تشتريلي بيت بغداد وقريب على بيت عمي ماهر