اغتيال براءة

البارت الثامن

الكاتبة الاسدية

اجتي بيداء كالتلي على محمد معجب بية ويريد يتعرف علية حتى يخطبني اني مامقتنعة بموضوع الزواج وبعدين حيدر محتل كل تفكيري ومشاعري

بيداء لج امل هذا محمد البنات الي بالكلية كلهن اموتات روحهن عليه شفتي شكل وشخصية وحالتة المادية زينة واهلة تجار بالشورجة وفوك كل هذا هو اموت روحة عليج لو تسمعين شيكول وشيحجي عنج

امل بيداء عفية ماريد عوفي الموضوع مافكر اتزوج

اشكد صارت بيداء قريبة علية بس ماكدر اكللها على حبي الحيدر اخاف بيوم اتغير رئيهة وترتبط بي

بيداء زين هو باجر عازمنة على الغده تعالي وياية للكلية بس يريد يحجي وياج شوفي انطي فرصة يجوز تقتنعين

امل ماشي اروح وياج

ثاني يوم رحت وية بيداء شفت محمد وياه صديقة جاسم بقة محمد وياية حتى محاضرات مادخل لان ميقبل ابقة وحدي اخر شي كال عازمكم على غده

رحنا على مطعم قريب من الكلية ضل يحجيلي عن نفسة وعن اعجابة بية وشلون محاجي اهلة علية وكايللهم اريدها كل هذا واني مانطقت ولا كلمة

جنت ادرس هاي الشخصية بس بحذر كل حركة كل تصرف افكر ليش هيج اتصرف بس بعدني ما مقتنعة ان محمد يحبني لان ماكو حب يجي بسرعة وبدون تبادل مشاعر راح
جاسم يغسل وبيداء هم كامت للحمامات حتى ينطونة فرصة نكون وحدنا حسيت بي غير مكانة واتقرب يمي لزم ايدي

محمد امل احبج جمالج موتني

جريت ايدي منة بسرعة كتلة محمد انت متحبني انت معجب بشكلي واني هذا اكثر شي اكرهة بحياتي اعذرني

طلبت من بيداء نرجع للبيت وتنهي موضوع محمد

مرت علية الايام واني صرت متفوقة بدراستي وما انسة الفضل كله الحيدر بسببة حبيت الدروس وجنت اتمنة اصير مثلة

جنان لج امل شوفي منو واكف يم المدرسة

امل واني شعلية منو واكف

جنان لج امل هذا فراس

امل من سمعت اسم فراس احس كلبي وكف كتلها شنو يعني جاي يتباهة برتبتة كدام البنات

مريت من يمة وعيني مارفعتها سمعتة كال امل حياتي احبج الاخر يوم بعمري مشيت سريع اتذكرت من جان يغنيلي امل حياتي ياحب غالي ماينتهيش انقهرت علية بس لحد يلومني ماكدر انسة الماضي

جنان ولج والله حرام عليج اكو وحده تلكي واحد يحبها مثل فراس وتعوفة شنو من كلب عليج

امل جنان فدوه سدي الموضوع

اوف لو يدرون شنو بكلبي لو تفتحو بس حيدر موجود اعتبرة الحب المستحيل

خلصت صف الرابع وصلت للخامس رحت فرع ادبي الكل ماسانوني كالو انتي شاطرة وذكية حرامات اكيد اطلعين كلية زينة بس اني جنت مصرة على الادبي حتى اروح ادارة واقتصاد ادارة اعمال مثل حيدر