اغتيال براءة

البارت الثاني والثلاثون

الكاتبة الاسدية
الاميرة ارجوان

اليوم البارت طويل لعيونكم

نطاني الرساله وراح فتحتها شفت الصدمة الي ماتوقعتها

نص الرسالة
بسم الله الرحمن الرحيم

السلام عليكم ورحمة الله وبركاتة

امي العزيزة عندما تصلك هذه الرسالة اكون قد غادرت العراق بلا رجعة ارجو منك يا امي ان تسامحيني لما سببتة لك من حزن والم دعواتك لي ياغالية ولا تنسي امانتي لديك محمد وايات

اخواني ماهر وثائر اعرف ان ما حصل لكم بسببي لكن لن انسا لكم انكم تركتموني اواجه مصيري وحدي ولا اي شخص منكم حاول مساعدتي لذلك رديت لكم الضربة بالي راح تكسركم اكثر لان من توصلكم رسالتي راح اكون وصلت الى ايران هارب من العراق بلا عوده

امل زوجتي وستبقين زوجتي الى ان يحين موتي او موتك

اعرف انك تتمنين ان تتخلصي مني اليوم قبل الغد لكن هذا مستحيل ستبقين على ذمتي

اشكري حيدر العاشق لان النقود عانتني كثيرا في موضوع السفر

اعتني بنفسك جيدا واعتني باطفالك وعيشي حياتك بعيد عني لكن لن تتخلصي مني

في الختام السلام عليكم ورحمة الله وبركاتة

مازن
١/١٢/١٩٩٨

امل احس الصدمة شلتني شل يعني حقارتك وين توصل بعد يامازن لو بس اعرف شنو الي سويتة وياك حتى هيج انت تجازيني

طبيت الغرفة عمتي جانت نايمة كسرت خاطري فد مرة

شريد انسة من وكفاتها وياية وحتى عركاتها وية ولدها الخاطري

زين اني اطلع قليلة اصل واعوفها بمحنتها

زين شلون راح اكللها خبر هروب مازن وشراح يسويلنا من مشاكل

لان كل من يلجأ الى ايران يعتبر خاين وحزب دعوه

من غير المشاكل الي راح نعاني منها من الحزب والامن الي ماراح تخلص

ثاني يوم الصبح دكيت الباب على ثائر انطيتة الرسالة مال مازن وهو اتخبل

ضل يغلط ويسب وماخلا كلام ماكاله وحتى عليه كام يسبني ويغلط عليه

عفتة ورجعت للبيت عمتي سالتني اشبي ثائر كتلها متعرفين ابنج وسوالفة ميصدك يحجي علية

طب علينا ثائر وهو عصبي ويصيح

ثائر شفتي ابنج ماكافي تجارة المخدرات انوب راح يبلينا ويعدمنا كلنا

ام مازن وهي تحجي بصعوبة منو ابني وشسوه

امل ثائر الله يخليك عمتي مريضة مو مال قهر

ثائر شنو انتي احرص عليها من عدنا كافي تتلوكين