الكاتبة الاسدية
@AlameraArjoan
مرت علية الايام والسنين وصارو اطفالي بالمدرسة والفرحة ماواسعتني عبالك داخلين للكلية
اخذت اجازة من الشغل اسبوع حتى اخذهم يومية وارجعهم للمدرسة الى ان يتعودون على الدوام
ايات اتاقلمت بسرعة مع معلماتها والطالبات الي وياها
اما محمد تعبني لان ميقبل اتركة لحظة وحده رغم ان اثنينهم بنفس الصف
جنت احس ارتباط محمد بية اكثر من ايات
وهنا ضهرت عندي مشكله جديده وهي اطفالي ودوامي
لازم يلتزمون بالدوام وماعندي احد يمهم يضل من يرجعون من وقت
ضليت بهذا الصراع بين اترك شغلي او يضيع مستقبل اطفالي بدون مدرسة
واذا تركت الشغل راح ينقطع مصدر الرزق الوحيد الي عندي
اتكررت اجازاتي في سبيل اولادي
لكن كنت اخذ الشغل للبيت وياية حتى اكمله وماخلي اي تقصير رغم هذا الحجي ماعجبة الوضع
الحجي امل اجازاتج كثرت وتدرين احنا قطاع خاص يعني غايتنا الربح وانتي تاخذين اكثر مما تقدمين
امل استاذ تعرف ظروفي اطفالي ماعدهم احد وبدا دوام مدارسهم يعني ماكدر اعوفهم وحدهم
الحجي امل انتي اشصار على موضوع طلاقج من زوجج
امل والله استاذ ماسويت شي لان اذا اتطلكت راح يطردوني من البيت يعني اصفه اني واطفالي بالشارع
وحتى الموضوع مال ابوهم مامحسوم المده القانونية مالته
الحجي انتي اطلكي والف من يتمناج ويشيلج بعيونة انتي واطفالج
امل استاذ اني شحصلت من زواجي الاول حتى احصل من الثاني
اني هسة حسيت نفسي انسانة وعشت حياة بلا عنف بلا تحقير بلا مشاكل
ارجع اخلي نفسي بالمشاكل من جديد
الحجي مو كل رجال مثل رجلج اكو هواي شاريج ويردون يدللوج
امل فهمت من خلال كلامة ان يلمح عن نفسة
وادري بي هو متزوج ٣ وعنده هواي اولاد وبنات
كتله هو الي يجرب الموت مره ميفكر يجرب من جديد
الحجي زين امل انتي بعد رتبي امورج لان اجازاتج كثرت واني ماقبل على هيج وضع
امل ان شاء الله استاذ
عرفت من خلال كلامة ان هو بعد ميريدني بالشركة
كتبت استقالتي وقدمتها للحجي وهو بالبداية رفضها وكال حاولي تلكين حل للدوام بس جان ماعندي حل
أنت تقرأ
اغتيال براءة
Ficción Generalتتحدث عن فتاة جميلة تعتبر جمالها لعنة بسب تعرضها للتحرش وهي صغيره
