اغتيال براءة

البارت السابع والعشرون

الكاتبة الاسدية

بعد كلامي وية فراس صار السكوت هو سيد الموقف

فراس ماعرف وين اخذتة افكارة وراح بعيد يمكن رجع للماضي يمكن راح للمستقبل الله العالم

واني ضليت بافكاري صحيح راح التقي بمازن زين اذا التقيت بي شنو اكلة

ادعي عليه بوجهة على كل الي سواه بية

لو على مستقبل اولاده الي دمره لو على بهذلتي واحتياجي لليسوه والي ميسوه

قطع سلسله افكاري صوت فراس

فراس امل اموله وصلنا وين صفنتي

امل ها لا هيج ماصافنه

فراس امل احنا وصلنا انتي متاكده تردين تشوفين مازن

امل اي متاكده

فراس امل فكري زين اني لو منج لو عندي سلطة عليج امنعج تدخلين الهيج مكان ابد مو الج هاي الدخله

امل ماكو شي بعد اخسره اكثر من الي خسرته

فراس تعالي وياية اوصلج للشخص الي ياخذج المازن بس هناك حدي وياج

امل ليش وانت متجي وياي

فراس لا ماكدر اهنا كل واحد اله حد ميكدر يتجاوزه لو مهما تكون سلطته

امل مشيت وية فراس اول ما دخلنا البوابة الرئيسية بالسيارة وكل الي موجودين يادون التحية الفراس

اخر شي وكفنا بكراج نزلنا واني امشي وياه مثل الطفل الي يخاف يضيع من امه

وكل شوب يسألني متاكده من قرارج

اكله اي بس شنو الخوف كاتلني

دخلوني على تفتيش للنساء فتشوني بصورة مقززه طلعت من التفتيش لكيت فراس منتضرني

كل شوي نطب من مكان ونطلع من مكان وكل مكان التفتيش يكون اسوء وبقله احترام

اخر شي وصلت القاعة جانت كولش حلوه ومرتبة

كال فراس حدي وياج لهنا تحتاجين شي

كتله لا شكرا ودعيت ربي يوفقه بس لو بيدي اضل متمسكة بايده وماعوفة على الخوف الي بكلبي

جان اكو واحد كاعد ورا الميز جانت رتبته مقدم سلم عليه فراس ومادري شحجو سوه

اخر شي فراس سلم وراح

المقدم اشرلي على تخم موجود بالقاعة بمعنى اكعد

كعدت واني الخوف كاتلني

المقدم انتظري هنا الى ان يامر العميد بموضوعج

امل شكرا

كعدت اكثر من نص ساعة واني حتى النفس احسبله حساب

اكو غرفة بابها داخل القاعة جان بابها مسدود

كل شوية واحد يجي على هذا المقدم يروح يدك الباب ويدخل شوي ويطلع اما يدخل الشخص الي جاي او يطلع المقدم يحجي وياه ويروح