ممكن تكون متغرب عشان دراستك او شغلك , و بتمر بأسوء الظروف والايام , والدنيا ترميك في ظروف انت مكنتش متصور انك ممكن تعيشها , بس يا ترى الظروف دي هتكون مسحوبة بنتيجة ايجابية ؟؟ ولا سلبية؟! ..
الساعة 3 العصر في 2015 كانت الكلية بتاعتي ف اسوان و كنت راكب قطر ومتجه الى اسوان , اتعرفت على واحد ف القطر اكتشفت انه زميل ليا ف نفس الكلية وحكينا مع بعض , المهم عرفت انه لسة اول سنة واخدت رقم موبايله ونزلنا المحطة , وهو كان في ناس مستنياه , هو مشي وانا مشيت روحت لاصحابي كانوا مجهزين ليا سكن روحت ارتحت , اكتشفت انهم عاوزين يخلوا السرير بتاعتي ف الصالة , كل الرايح واللي جاي يعدي عليا , اللي يدخل المطبخ واللي يدخل الحمام , المهم مارتحتش روحت متصل بـ صاحبي دا اسمه "اشرف" ..
-الوووو ازيك يا اشرف !
=ازيك يا فاروق عامل ايه ؟
-تمام والله بخير , بقولك ايه !
=عيوني !!
-تسلملي , انا حصل معايا كذا كذا اللي هو لاقيته ف السكن.
=ولا يهمك انا قاعد ف بيت لوحدي تعالي نسكن مع بعض.
قفلت المكالمة معاه وقولت لأصحابي عن اذنكم انا همشي , زعلوا مني طبعاً وحصلت مشادات بيني وبينهم انهم دفعولي فلوس السكن وكدا , قولتلهم طيب انا اسكن ف اي اوضة وحد غيري يسكن ف الصالة , رفضوا تماماً روحت سبتهم ومشيت ..
في نفس اليوم مشيت واتجهت لسكن اشرف , وفعلاً روحت لاقيت بيت مكون من دور واحد فقط , كبير جدا على مساحة ٢٠٠ متر على هيئة متسطيل , الشباك قد الباب وعليه حديد , مدخل البيت باب ندخلوا نطلع درجتين سلم نلاقي اوضة على اليمين , بعد كدا باب حديد تاني بيدخل على الشقة , المهم اتفرجت على البيت مفرقش معايا التجهيزات المهم اني انام وبعد كدا نتكلم ف التفاصيل , نمت نوم عميق سفر ١٢ ساعة وارهاق وشنط , صحيت من النوم على صوت اشرف بيقول "قوم يلا الاكل جاهز" , في نفس اللحظة لاقينا الباب خبط , فتحنا لاقينا ناس شايلة شنط , قالولنا احنا تبع عم احمد صاحب السكن , وجايين نسكن , قولنالهم منين يا جماعة انتوا , قالوا احنا من قنا , رحبنا بيهم وخدوا الاوضة اللي ف اول البيت بين البابين الحديد , انا اتفرجت على باقي البيت او المستطيل , هو عبارة عن ٣ اوض , اوضة منفصلة اول ما تدخل البيت , و اوضتين جنب بعض , انا واشرف قاعدين في اوضة منهم , و اوضة للشباب , و اوضة جنبي محطوط عليها قفل كبير , والصالة كبيرة ممتدة لنهاية البيت اللي فيه حمام ومطبخ قبال بعض , وبينهم مفيش سقف , مكشوف للسما وكل ركن من البيت او زاوية فيه ورقه مكتوبة بكلام غريب زي مثلاً نجمة اسرائيل على حروف وارقام وجداول , والباب الحديد عليه ورقة كاملة , ماهتمتش بصراحة ولا جه ف بالي الكلام دا ف الوقت اللي بصيت فيه على الحاجة دي , المهم صاحب البيت جه اول مرة اشوفه , عرفناه بنفسنا ومن بلدنا وكدا ودخلنا ف التفاصيل بتاعة الفلوس والسكن , قالنا السرير الواحد بـ75 جنيه ف الشهر , والكهربا والميه عليكم , وقتها كانت الدنيا مرتاحة كان احسن سكن بـ50 جنيه , انا قولت مش مشكلة انا واشرف , انما الشباب بتوع قنا رفضوا وقالوا اصلا البيت مش مريح احنا ماشيين ومش هنسكن , المفروض الكهربا على صاحب البيت , مشيوا وخلاص وانا دخلت مع اشرف اوضتنا اكلت ولبست ونزلت لواحد صاحبي قعدت معاه ف اسوان نفسها , المهم رجعت السكن لاقيت اشرف قاعد بردان مع اننا كنا ف الصيف وف اسوان , وبيقولي لاقيت ناحية المطبخ كراكيب واصوات غريبة , قولتله نام يا اشرف انت تعبان ومنمتش واديلك يوم سفر بحاله منمتش , نام ماتخفش , انا نمت شوية وقاعد حبة مع نفسي , قلعت هدومي وعاوز اخد دش محترم وارجع انام تاني , بالفعل قلعت هدومي فضلت بالش
أنت تقرأ
مجموعه قصص رعب(عالم أحمد طارق)
Horrorكل خميس من كل إسبوع الساعه 12 بعد منتصف الليل في قصه جديده💛🌼 قصص رعب يتضمنها الواقع☠ الأكونت الشخصي للكاتب💛 https://www.facebook.com/profile.php?id=100005698563137
