مجموعه قصص رعب(عالم أحمد طارق)

" لَبث الشكل و لكن! "

بالرغم من ان كان عندى 13 سنة وقتها ، إلا وكنت شجاع جدا ومفيش حاجة بتخوّفني ، بس بعد ما خالتى جت زيارة لينا بعد ما كانت مسافرة فى الخليج وحكتلى على اللى كان بيحصلهم هناك وانا من ساعتها بخاف من خيالى ..
الساعة 2:30 بالليل كنا قاعدين كلنا ومن ضمنهم خالتى والنور كان قاطع ومفيش اضاءة نهائى ، بعد ما البيت كله نام ومتبقاش حد صاحى غير انا وهى ، ومن كتر ما كانت واحشانى كنت بتأمل تفاصيل وشها كتير ، لحد ما صرخت فجأة وانا باصص ليها ، اتخضت هي بسرعة وبتقولى مالك ايه اللى حصل ؟ قولتلها شوفت ملامح شاب بتظهر على وشك ، و وشك اتغير بقى وش شاب مرعب ، هى وشها حمّر وحاولت تهدينى وقالتلى اهدى بس وهتعرف السبب وانا هحكيلك ، رغم انى كنت مرعوب منها بس فضولى قتلنى انى اعرف ايه اللى حصلها هناك عشان ملامح وشها تتغير لشخص مجهول ، ووسط الظلام اللى كنا فيه والهدوء ركزت معاها وابتدت تحكيلى ..

بحكم اننا عايشين في صحراء في منطقة ف الخليج كنا دايما بنسمع ان المناطق دي مليانة جن وكدا وطبعا مكنتش بصدق وقتها كنت 15 سنة ، وفعلا بدأت حاجات غريبة تحصل معانا زي اصوات حد و أنفاس حواليا وصوابع تمشي على جسمي ف اي وقت وبالأخص ف الحمام ووقت الشاور ، كنت بقول ممكن تخيلات ، ممكن مش نايمة كويس ولا اوهام ، لحد ماحصل موقف اكدلي كل شكوكي انها صح ف الوقت إللى كنت فيه لوحدي والبيت هس ، ومعايا اختي اللى كانت نايمة وماما مسافرة وبابا في الشغل ، كنت بتمشى في حديقة البيت و بكلم زميلتي ف المدرسة وبقولها " والله بجد؟ " تظهرلي قطة من ورا الشجرة اللى جمب باب البيت الحديد القديم وتقولي " والله بجد؟ " بصوت القطة وعيونها حرفيا بتنور ، مكنتش عارفة بجري ازاي ولساني اتخرس حرفيا ، وصلت لباب الشقة وكأني عملت معجزة وبقيت اقفل اي باب ف الشقة ، وزميلتي قالتلي اقرأي معوذاتك واذكارك اكيد بتتخيلي ، وانا قولتلها يمكن بس من جوايا متأكدة اني سمعت القطة ، الموقف عدا على خير وخلاص بس الاصوات زي ماهي والهمس عند ودني والصوابع اللى بتمشي ، وهكذا عدت سنة واتخطبت لشاب نعرفوا وكويس وكدا كنا دايما مشاكل بسبب وبدون سبب ، هو اه طلع مش قد المسؤولية بس بردو هما " الجن " ليهم دور في الموضوع دا واللى حصل وقتها كان بيبقا زيادة ، يعني بروّق المطبخ واحط كل حاجة ف مكانها ارجع البيت الاقيه متبهدل والاطباق والحلل ف الحوض ، وهي نضيفة ، عادي جدا وبقيت اعدي اي موقف وتمام لحد ما الوضع بدأ يتطور وبقا فيه محاولات تحرش منهم وانا نايمة ووانا صاحية ، جت عليا فترة فضلت 14 يوم بدون نوم و أكل لحد ما كنت عضم ، طبعا ف الفترة دي كنت انفصلت انا وخطيبي وكل مابحاول انام يحصل محاولة اعتداء عليا وقررت ماانامش نهائي واتعديت الوقت اللى ربنا سمح بيه ، كنت ميتة حرفيا لحد ماكان اليوم الــ14 دا غريب اوي ، فصلت فيه بجد نمت الساعة 6 الصبح كنت بجهز لمدرستي يعني غفيت دقيقتين بالظبط ، صحيت 6:02 على مسكة ايد مسكاني من رجلي وبتسحبني عشان تنميني وبتفتح رجلي كدا ، انا صحيت مفزوعة وخايفة وجريت على مدرستي من الرعب وبلغت اهلي باللى حصل ، مكانوش مصدقين خالص ، وطبعا فى حاجات غريبة بتحصل تانيه يعني الفلوس بتختفي والاقلام ، دول اكتر حاجة كانت بتختفي دا غير باقي الخوارق ، بعدها بقيت اشتكي كتير من محاولات اعتداء واصحى ألاقي جسمي فيه علامات لونها ازرق وخرابيش وبدون سبب ، و اهلي اخيرا صدقوني واتواصلت مع شيخ راقي بالرقية الشرعية ، يادوب بيبدأ يقرأ لقيت نفسي بتحول حرفيا نار ف جسمي ونار في بطني ، الشيخ قال دا سحر ومس جن عاشق ، و ادالي رقية شرعية وآيات المس والسحر عشان اقرأهم على مياه واشرب منها واغتسل بيها ، ومنعني ألبس قصير وحلو ولا مكياج ولا غيرو ، وكنت ماشية معاه على البرنامج بحذافيره وكان جايب نتيجة الحمدلله لأنه بيضعف الجن اللى بيحبني ، وقتها اتخطبت تاني وبردو مشاكل رغم انه كويس جدا بس للاسف كان هيتأذي معايا وبسببي ، لأنه بدأ يظهرله خلال فترة العلاج شوفته وهو جاي بهيئته اللى ربنا خلقه بيها وعلى فكرة كان من قبيلة القردة والخنازير شكله كان زي الغوريلا ، وجسمه مليان شعر ، وعيونه مرعبة وتخوف ، كان بيجري ورايا في المنام عشان مصمم يعتدي عليا وانا خايفة اوي وبهرب منه ، كان معاه 2 كمان فعلا ماسكيني وربطوا ايدي ونام عليا ، حسيت بكل تقله وكأنه حقيقي بجد مش حلم ، وصحيت بصرخ وصوتي مكتوم ونفسي حد يسمعني ومتكتفة بجد مش قادرة اتحرك وانا صاحية ، بقيت ارمي نفسي من على السرير لحد ما الحالة دي خلصت ، والحمدلله كثفت العلاج بعدها عشان دا دليل انه خايف وبيضعف وعاوز يخوفني ف الفترة دي ..