شتل عنبر

البارت ٣١

السلام عليكم

شتل عنبر

بقلمي Wasan Alsaad

البارت. ٣١

الموت ....

الحقيقه. الوحيده.  بحياة البشر. ..

الشي الوحيد. اللي  مايفرق.  بين.   ابيض. لو اسود.  .. طويل .. لو كصير. .. شاب لو شايب

الموت.  راحة المؤمن.  ... وهلاك. الطاغي

الموت. هو.  العبرة   اللي كل.  ما تطلع شمس وتغيب  نتلمسه. لكن. ما  نتعض الا. لمن
يدركنا ....

واكفين.  امام.   فتحته. الگبر.  وذاري.( ذرات) التراب.   يتطاير. على وجوهم.   المتنكبه. بالشماغ

الملقن يلقن.    وكل. واحد. بيهم. يستذكر
موقف.  من مواقف.  فقيدهم. وياه ( حسن).  الانسان. الطيب. 
الأخ.  الكبير. وابن. العم.  اللي. دائما كان حاظر.  وياهم.  بالشده قبل الفرح

كانت. الدموع. والعبرات. تطفي.  لوعاتهم. على.  فقيدهم. اللي  خطفه الموت. وهو   بعده.   بدايات. الاربعين 
خطفه. من. زوجته   واولاده اللي. لحد الان. بحاجته.    
اكبرهم ظافر. ابو ٢٢سنه. و أصغرهم. خوله. اللي. بعدها ما كملت. السنه
خلف. كان. واكف على حافه.  الكبر. بعد ما   نزلو. جثة  حسن. باللحد   وابنه. اللي. وسده التراب

حال ظافر. ذكره. بنفسه. قبل. سنين   كان. هو. بنفس الموقف.
قرا. الفاتحه.   وطال النظر. كانه. يواعد.  حسن. بهواي  وعود. قطعها. على نفسه

عاين. بالاتجاه. الثاني. شاف. ناصر   ابو.  كلب. الرچيچ(. قلب. رقيق).
متكنبص. بالكاع.  وأيده. اليمنه    تخوط. بالتراب. ودمع. عينه ما بطل.
 
اتكرب منه. خلف. وكومه.
" شبيگ. يا اخوي وحد الله. چا. احنه. جينه. نشد من عزم
  ظافر.  لو. نزيد عليه   ....گوي. روحك.  يا ناصر. هذا حال الدنيا. اليوم حامل. باجر محمول
والدنيا. تمشي ما توكف. عند احد. ... الف رحمه. على روحك. حسن. رويحه حلال. ما خلف
بگلب احد. بس.   الجويدات.  "

كام ناصر. وهو يمسح. بدموعه   بجفيته القماش
" الف. رحمه. على روحه.  تدري خلف.   من كنت. بالسجن. 
كل يوم.   كنت ادعي. على روحي. بالموت. ولا. العيشه. وره. القضبان.
بس.  لا يا خوي.  طلعت. الروح. عزيزه   وبعدنه. شما. عذبتنا الدنيا
مجلبين بيها ... أتصور. روحي. لو. انا. بهل الموقف.  وخويلد.  هو ظافر
شلون. راح.  يصير. بحالهم. ... الله. لا يفجعنا بعزيز
كون روحي. تموت. گبل. أحبابها ...

خلف. اريدك تعاهدني. وهنا واحنه.  يم. دار.  الحگ. وجوار.   مولى.  المومنين
اذا. ربي. اخذ.  امانته. گبلگ. انت.  اللي تنزلني. و تهيل عليه التراب. لا. تخليني
بيد. احد. حتى.  لو جانوا أولادي .. اوعدني.  كول.  وحگ الامير. "

اهتزت. روح خلف من كلام ناصر.  و اراد. يغطي. خوفه. بافتعال. العصبيه
".  اگلگ خوش جايبگ عون.  نريد. نسكت. الصغير. انوب. الجبير. اللي. عليه
العتب كاعد. يثغب     ومحتار. بروحه من يموت "