شتل عنبر

البارت السابع. عشر.

السلام. عليكم

البارت. جدا طويل. ارجو. للي يقرون. بالفيس. يطابقونه ويه الوتباد. لان مرات الفيس ما ينشره كامل

شتل عنبر

بقلمي Wasan Alsaad

البارت السابع عشر

كاعده. بحوش البيت العربي.  المفتوح  وناصبة جدرها على البريمز
طلعت من المطبخ.     لچن الجو. حلو  الدنيه.   مغيمة. غيم خفيف
جنه الغيم والشمس. يلعبون  غميضه.   والبرد. خُف   بس. كضت
عليهم. اخر. ايام. الچله.  وبرد. العجوز.  الحمد. لله السنه. ادفى من كل. سنه
والمطر. هواي نزل.  لو. يمكن. تبدل. الجو. عليهم  اكيد. عند اهلهم. بين الكيعان
والزرع والماي. والهور.  القريب والمناطق. المفتوحه. ماكو هيج. زحمه. بنيان و اوادم   يصير. الجو ابرد  بالشتا و الطف بالصيف. 
هناك. ما عرفوا. شي  اسمه   البنكات. اللي. على الكهرب.  الا لمن. اجو.  للولايه
وانسوا. نومة. السطح والكله. لجن.  خلف مايرضى. يصعدن. حتى. يشرن  هدوم.

هواي. أمور. تبدلت. بس.  حامدين الله. لجن   بالهم. مرتاح. وخلف على رؤوسهن

اليوم. من  ايام. الاسبوع الاول بشهر. شعبان  والوادم  صارلها.  من اول ما هل. هلاله.   تتبادل البيوت.
العصر. مواعين.   حلاوه. والزده   و الجكليت والملبس ( المصقول ) والحامض. حلو.
كل. بيت يوفي نذره.  ويحتفلون. بمواليد .  الأئمة

واليوم هي. ناصبه   جدرها. تسوي. زرده  و زرده بحليب 
الله يجعلها. عاده ما ينكطع من بيتهم.  ويكثر. رزق واليهم.
هاي نذر. عمتها. ام خلف. لابنها.   الكل. يدري. خلف. نولد
بشهر. شعبان.  بس امه ما تذكر.  باي. يوم.
وهي.  طلعت.  عنه صدقه.  خلته من البارحه جوه راسه وهو نايم.   تتفده بيها عمره
من عسه عمره طويل بالعافيه. 
واليوم. ناويه. تنطيها. لهيله. من تطلع.  تروح لمدرسه محو. الأميه  تنطيها. بدربها. لاي فقير

هيله. اللي ما توالمت. ويه العيشه بالولايه. ومن اول شهر. زهكت.  لجن. متعوده على. الحركه
وعلى. الطلعه للنهر  و  الكيعان.  ماحبت. عيشه الولايه
خنكتها.  الحيطان العاليه. وطلبت من. خلف.  يخليها هي
وامها. يردون. لأهلهم. ويظل هو ومرته هنا
بس. خلف ما رضى. وقدر.  ضوجتها. وحاول. يشغل وكتها
من.   كاموا. يفترون.     على. البيوت. والمحلات.  يسجلون. العالم
اللي. لصفوف. محو الأميه. سجلها  وبالبيت. كلب. الهم. جزء  من الحوش. حديقة
جاب. صناديگ خشب.  وسنادين. فخار  وتراب. والبذر. وكلهن. زرعن
وصدك.   زرعن. خضرة.و ورد  وهيله حتى. زرعت.  صكله. تين. وتكي  صغار
وجابت. كصلتين   عنب  وخلت.  سنداتهم.   يم.  المحجر. وهاي. فروعهن من. صيف اللي راح. طكن وكاعدات. يمشن. على. طول. حافة. المحجر.

تعاين.  على. البيت. داير. ما دايرها.   رغم.  هيله. تحسه سجن.
وعمتها هم  متبدل عليها كل شي    لايمها حبايبها.  ولا كرابتها
بس. هم تعودت.  وتعلمت على. الجوارين. وصارن. النسوان الكبار. يجن. يمها. الضحى.  والعصر
زواره وهي بدات. تطلع. للقرايات والواجبات.  شكد
حاولت. ويه خلف. يخلي. نوريه.  تطلع وياها ويه هيله
مارضى   وتحسه.  تحترك روحه من.  يطرون هاي. السالفه
وهو ما يكدر. ينهر. لو.  يعلي صوته على امه