شتل عنبر

البارت ٦٢

السلام  عليكم

شتل عنبر

بقلمي Wasan Alsaad

البارت ٦٢

وجوهكم  أقنعة  بالغة  المرونه

طلاؤها حصافة ، وقعرها رعونة

صفق أبليس لها مندهشاً

وباعكم  فنونه

وقال " اني راحل، ما عاد لي
دور هنا  ، دوري أنا  أنتم  ستلعبونه "

للشاعر  احمد  مطر

.........

الضربة  الغادرة  المفاجئة    تشل   العقل  عن  التفكير    وتعطي  مجال   الشكوك  والتساؤلات  والتخمينات
ان  تلعب  بعقلك   وان  تكبل  عاطفتك  

لا  اتعلَّم   ماهو   الحل  المنطقي    لسبب واحد   لانك  لا تعرف  ماهي  الحقيقه   ،  ماذا  يحاك  خلف الكواليس

لا  تستطيع   ان   تخمن  الى  اي  ضئالة   وصلت   بالنفوس  الخبيثه 
لان  النفس  لا  يزكيها  غير   بارئها

فتبقى   متخبطاً  محتاراً  ما  بين  لماذا  ؟ ولو!

حال خلف  ما كان  يختلف   عن حال  غريق  متشبث  بجذع  خشبه   وهو بوسط   بحر  هائج  متلاطم
بإعصار  مفاجئ   اجتاحه  بعد ما كان  البحر  ساكن   وهادى 

كعد   بمكانه   اخيرا  بعد  ما   قطع  أرض  الوكاله  روحه  رده   وهو  ينتظر  مكالمة  وسط  أنظار  عماله
اللي  متألمين   ومقهورين  لحاله   بعد  هذه   المكالمه  السريعه 
سد  السماعه    وصاح  لواحد من  العمال  االي  يستغلون  بمحل
القماش  ويه منصور  وهو  اللي  اجه  وبلغه  باللي صار

"  رعيد   بويه  تعال  بسرعه "

اجاه   شاب   ما يتجاوز  عمره ١٧ او ١٨  سنه   نحيف  اسمر    يعرج   بمشيته  او  اكثر  دقه    احد  أطرافه  بيها   اعوجاج   بسبب إصابته  بمرض  شلل الاطفال  بطفولته  لكنه مع  ذلك  سريع  الحركه وأكثر مشيه يطفر (  يحجل)

" هااا عمي  امرني "

عاين  خلف  لساعته  وكال وطلع  من جيبه محفظته  وطلع   عمله  نقديه

"  شوف بويه  مر  الوكت   وصار  بلزوم  ابلغ  احد وياي   أيست  من  شغله
ساعات  ويطلعوهم   هاي مر  اربع ساعات  من  خذوهم
وانا  حاير   ما عندي  غير  الانتظار  ،  اسمعني  زين  
تندل  بيت  عمك  ناصر ؟"

جاوبه  رعيد
"  اي عمي  اللي  حطو  كبل   اشهر   اندله  بالجمعيات  "

ناوشه   الفلوس  وجاوبه

"  عفيه  هو  اذا  تندله  مضبوط  ،  اخذ هاي  الفلوس  وأركب  تكسي    تنزل  وتدك  الباب  والتخلي  ابو  التكسي يروح  اذا  طلع اي واحد كلهم  اريد  عمي  ناصر  واذا  هو   تجيبه وتجي  من غير   اي كلمه  زايده
تكله  عمي  يريدك  هسه  تجي وياي  ضروري   وأي  شي   يسألك  كله  ما ادري 
فهمتني وهاك  هاي كروتك"