شتل عنبر

البارت. العشرون

السلام عليكم

شتل. عنبر

بقلمي. Wasan. Alsaad

البارت. العشرون

خفكات ( خفقات)    هدب عيونها الطويلة  المتطابگه   اللي كأنها  رفرفة  جناح فراشه  تشير. الى انها بدات تصحى من نومتها. المتعبه  بعد   ساعات. قضتها. بحضن حسنه وهي ترتعش من خوفها    والبجي. المتواصل. اخذ من حيلها.  بحيث بالاخير.  غفت  وهي. تناشغ

الخوف  صفه. فطريه   عند الانسان. بس.  من يزيد عند حدها. يكون. مرضي
وهي.  من وعت.للدنيا. الخوف. من كل شي مرافقها مالكت. الحنان والامان. الا. من ٣ سنوات
من دخلت هذا البيت ويه عمتها وجدها.  اللي  مالكت  عندهم. هذا الشي
لكته بحضن. نوريه.    شخص نوريه. بالنسبه لهذه الطفلة. اختصر.  الها كل.  الناس

بمرور الايام. خُف. خوفها   من الناس  اللي. عايشين  وياها
أولهم.  خلف.  اللي رغم حنيته . عليها . بس كانت تخاف.  من ملامح.  وجه الجديه.
بدات. تحس. بالعائله.  والانتماء.  الهم.  فانطلقت. بروحها. الطفولية.
وأقبلت. على. الحياة. 

اللي صار. اليوم.   شي. ماله. تفسير.  بعقلها    ليش. شنو الغلط اللي سوته.
ما. تكدر. تفهم. بس.  رغم هذا.  ماكرهته.   والأغرب.  حست. بخوف عليه
ونص بجيها ونحيبها. من شافته  كعد بالكاع. ويضرب. راسها  بالسياج

ما تعرف. ليش  بنفس. الوكت.  تخاف. منه.    وتأمن.  من. تشوفه
يمكن. لانه واحد. من احباب نوريه.   اللي هي. رمز الامان.   بالنسبه الها

لو. لان هو. مرتبط. بذكرى  ما تنساها. ابدا  
تذكرت. من.  اول  اشهر  دخلتهم  لهذا البيت.  بزواج. عمتها من خلف
وفيه. ام ظافر. سوت.  عزيمه. بيتها.   وراحو
ومثل كل الاطفال.   تجمعوا. يلعبون. سويه. 
ورغم. خوفها.   وهي مجلبه بذيال. ثوب نوريه. قنعيها تطلع تلعب. وره البيت.  ويه.   بنات وفيه
جاها السره وصعدوها.  لمرجوحه.  من لحبال.    وخالين. عليه مقعد. 
بالبدايه. كانت. فرحانه. هاي اول مره. تكعد. بمرجوحه.   وتحس. بإحساس.
انها تطير. بالهوا
لكن.   بدات.   الدفعات. للمرجوحه. تزيد. وبسرعه. اكبر. فتحت عيونها.  وشافت
روحها.  تبعد. عّن الكاع اللي. تتأرجح جواها
تبدلت  الضحكه. الى بجيه وهي تتوسل.  بظافر.  ابن وفيه. الكبير. 
اللي كان. يدفعها.  يوكف. وينزلها

لكنه   هو. وخواته. ما قدروا.  حجم الخوف اللي بيها. 

ظلت تبجي.   وهم ما مصدكينها. هلكد. خايفه. 

". الله. يخلي أمك. نزلني. يمه ولچ اخاف.   .. يمه. نوريه لحكيني."

كل ما. يشوفونها. تبجي. يدفعها ظافر اكثر.  وهو. وخواته. يضحكون. عليها

اجاهم.   مسلم.   اللي. جاي.   يسكت. صوت هرجتهم. بعد ما الكبار. الي ما ترك مجلسهم.  طلبوا. منه.
يروح. يسكت.  صوت لعب. الجهال.  اللي زاعجهم