شتل عنبر

البارت السادس عشر

السلام. عليكم.

تهدمت والله اركان. الهدى

الليله.  ما أصعبها. على. اهل البيت. وأولاد فاطمه.    الليله ما أصعبها. على. الأيتام.
الليله ما أصعبها على الموالين
الليله. أشقى الاشقياء. ضرب.  بسيفه. أتقى الأتقياء
الليله. ضرب الايمان كله. وفلقت. هامة ألأسلام
 
السلام عليك.  يامولاي.  يوم ولدت.  ويوم. استشهدت. ساجدا.   مخضب. محراب صلاتك بدمائك الزكيه
لكم. العزاء. بذكرى ضرب هامة الامام. علي ابن ابي طالب

وأسألكم الدعاء. باول ليالي.  القدر. والعشر الاخيرة من رمضان
................::::..............................

شتل عنبر

بقلمي Wasan Alsaad

البارت. السادس عشر

الغربه. مو. بس. بالمكان.  ا صعب انواع. الغربه. هي. غربة الروح. من. تكون. عايش بين. اهلك وخلانگ وتحس
روحك وحيد. رغم. المسافه. اللي بينكم ملغيه   ماديا.
بس. روحياً تفصل. بينكم مسافات. شاسعه. من  الهم. والوجع   والسكوت ...

كان. هذا  اقرب. وصف لحالها    متشتّه.  بين. وحدتها. وبين. حبها.له   للي سبب الها هذا الحال وتركها غريبه وحيده.  رغم وجوده.  وياها. بس موش. هو.  نفسه. ناصر. اللي. لو مهما كانت مشاغله
ما يتركها.   شنهي  اللي الصار.  وليش. تحسه كاعد. يهرب. من. كل شي. بالحياة حتى منها
بانشغاله. بالعمل السياسي.  

كاعده. بحجرتها.بيت ام كوركيس   وعلى  قريولتها متربعه. وبحضنها ابنها. ابو. السته اشهر. تنوم. بيه
تحس  بس هو. السبب اللي. يربطها. بالحياة ومنطيها. قوه
تحرك. إصبعها على. كامل. ملامحه من   هامت راسه.  تلاميح وجه
اللي نسخه مصغره من خاله خلف 

ردت. بذاكرتها. لقبل. اشهر. بالتحديد. من كانت بشهرها الاخير بالحمل  و  ليوم. ولادتها. خصوصا و   والاحداث. اللي صارت بيه . ...

كانت تدور.  بحجرتها. وتلم. بأغريضاتها تتحضر.   للرده لأهلهم حتى تولد يم حبايبها
وهي ثگل الحمل. ماذيها. واليوم بالذات. تحس. بأوجاع   تختلف. عن. باقي الايام اللي مرت. رغم ام كوركيس تگلها هاي. يسموها تشاليع.  مو. اوجاع. طلوك.  وبعدج.  توج اكلتي. اسبوعين من شهرج.  يجوز. تاكلينه كله
بس هي. إحساسها. غير   تحس   عن قريب. راح تخلي.  بحضنها محبوبها الجديد. اللي صارلها اشهر. تنتاه  وتسولف. وياه
بس سكتت وما. علمت ناصر  باحساسها حتى.  ما يبطل من الرده للديره   لو. يصر   ان يخليها يم ام كوركيس. وهو. يروح. وحده يشوف ابوه    المريض 

دخل. عليها ناصر  وكت العصر 

" اها حبيبه  زهبتي. ( تحضرتي).  ترى  كريت ( اجرت)  سياره .   وهسه. واكف. بالباب.
يوصلنه للمحطه "

دارت عليه
" كل شي  جاهز.  .....وهي. تمشي.  بهيده. والوجع مبين على تلاميحها ... بس. البس. عباتي "
كعدها.  من شافها من هالخطوتين. فحطانه 
" ارتاحي.   انه أجيبها"
وصدك. سحبها من الشمعه. وتوجه الها. وهي كاعده  ودنك.طوله. وخله العبايه
على راسها.    رفعت راسها. وصارت. عيونها بعيونه وهو حاوط وجه باثنين ايديه
" تدرين. انتِ شنهي. عندي .. تدرين. انتِ  روحي.   اللي ساكنه بدني  وجعج. وخوفج.  ما يخفى عليه
وانه ما اخذج بهذا الدرب على عمه عيني. بس  حتى. ترتاحين. ... لا تخافين. حبيبه. انا وياج. وگبل. الكل
الله وياج  .... حط اشفايفه. المرتجفة  على كصتها. بوسه. حاول بيها. يطمن نفسه كبل لا يطمنها  وراها. سكن. راسها  بنص صدره.  لكت. دكات. گلبه.  بيه.زايده. وبيها دكة  خوف  وحيرة  "