السلام عليكم
شتل عنبر
بقلمي. Wasan Alsaad
البارت. ٢١
واكف كدام. المرايا اللي بنص. كنتور الخشب. ابو ثلاث طلكات ( أبواب. ).
وهو. يضحك. ويعدل. بصايته وشماغه.
اجت. من. وراه. نوريه. شايله بيدها. شيشه ( قنينه). الكلونيا.
" تفضل. يا ابومنصور .. عساك. دوم. فرحان. وجهك يضحك "
فتح ايده. وهي. تصب من الكلونيا
" بس كافي ... مسح ايديه وحده بالثانيه بعدين. رفعهم. ومسح. وجه. وذقنه ( منطقه اللحيه) اللي. للتو. حالقها. الكحول. اللي بالكلونيا لبك. بشرته ... اش اش ..الله يونسج بالخير. نوريه ..اي والله. فرحان. لزايد
لو تشوفين. فرحته. مثل. فرحه. جاهل. بليله العيد .. رد ضحك. والله كل ما اذكر. شكله. وصفنته وهو. يحجيلي. على ام. الزبيب. اكول. الوليد. نلحس. عگله. بس سبحانك ربي.
مجمع. القلوب. ... من غير. معرفه. وتدبير. بس منه سبحانه. جمعهم. "
وهي. شايله.الستره الرصاصية. حتى تكمل القيافه ومن نفس. لون الصايه. وتساعده. يلبسها
". الله يسعدهم. ويبعد. عيون. الحساد عنهم ... رب العالمين. ارحم منه ماكو .... رحم بحال الصبي
والا. العشگ. عله. تذوب. الخافگ. وتسل الروح سل ".
تنهد. وهو يعاين. عليها من المرايه.
" اي والله يا نوريه. يسل. الروح سل. مامش منه طبوبه. المعلول. بيه يظل. طول عمره معلول .. عود حسبالج. العاشگ اذا. خذه اللي يحبه يرتاح. لا. و روح جبر. اللي ما احلف بيه جذب
يظل الخوف مرافگ طريچه حتى لو وهو ومحبوبه طول بطول. ...
وكفت. تسمعله بعد ما كانت منطيته ظهرها. تطلع من. الكنتور عباتها والبوشيه
دارت وجه عليه. وصارت عينه بعينه وهو يتفگر. (. ينظر ). ليها من. المرايه
نظرته. كان. بيها. شي من الحزن وكمل ....
تظل روحه خايفه. لا بيوم. يخسره. ويروح من يده. ... دنيا. ما انطت. بيد الا. خذت. من الايد. الثانيه.
وما اجذب. اذا اكلج. هذا. احساسي وياج. ...
احسج. نعمه. واخاف. ربي. يختبرني. بيها ... وانا. يا نوريه. الموت اهون. عليه. من. حياة انتِ ما بيها "
تكربت. عليه. وهو على نفس وكفته دارت ايديه. على خصره.
ودفنت. وجه. بظهره وهي تقبل. المكان. اللي توصله. اليها. شفافها
" وين اروح. يا بعد. روحي. لا تخاف مامش. شي. يأخذني منك. الا حكم. رب العالمين
وهذا حگ على كل بني ادم ... خلف. انه روحي معلگه بيگ
گنت گبلگ ما اعرف . شنهي بنادم. يحس شلون. گليبه. ينبض. ويشتاگ.
ويغار. ويذوب. ... كلهن عرفتهن وياك. انه حالي حال كل. بت. اهلي ربونه.
وعلمونه شلون. نصير امهات. بيوت. مراه لزلمه.
لازم. ترضى بيه. وتطيعه بشيناته گبل. زيناته ....
بس. انت غير. من. اول. ساعه. وياگ. حسّيت. بطعم عمري. وبلذة. حنانگ
انت. شتلت. محبتك. بگلبي. شتل. ياخلف. وباريتها. لحد
ما صارت. زرعه مجذره. ما كدر. بيوم. اشلعها. من. گلبي. "
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
