السلام عليكم
البارت جاهز من وقت بس صارلي ساعتين او اكثر احاول افتح حساب الوتباد كوه يله انفتح من
التبليغات شكرًا للحبابات اللي يبلغون علي انشر محتوى اباحي حتى لو انسد افتح ثاني
ترى ما تثنوني وما اعرف هل الحقد على شنو
ما منافسه احد وخارج معمعه الحرب الطاحنة اللي تدور بين الكل
هاي هوايتي خطين جوه هوايتي أمتع بيها نفسي وقت فراغي يعني مو ملزمه كدام احد
ولا تجي وحده تنتر بيه بأسلوب مال اطفال ما يستخدموه بينهم وتريدني ارد عليها عيوني
لا منطيني راتب ولا اشتغل عند احد
من اول ما بدات الروايه بالمقدمه أعلنت نشري يومين بالأسبوع وإذا عندي ظرف اعتذر
بعد هل الاسلوب بالكلام والتهجم عليمن ما عاجبكم مسحوا القصه من المكتبه والله ومحمد وعلي
.................
شتل عنبر
بقلمي Wasan Alsaad
البارت ٦٣
بيني وبين قاتلي حكاية طريفه
فقبل أن يطعنني حلفني بالكعبة الشريفة
أن أحبس الدماء عن ثيابه النظيفه
لانه سوف يصلي بعدما يفرغ من
تأدية الوظيفه ....
للشاعر
أحمد مطر
................
تعريف الموت هو خروج الروح من الجسد ليدفن الاخير في مثواه الاخير الذي جاء منه التراب
وتبقى الروح حيه ترى وتسمع وتحس لتحاسب على ما جنت وتنال ما استحقت
لكن اذا حدث العكس وكان جسمك هو الحي وروحك من تنازع بين الموت والراحه الابديه وبين
حياة لا راحه فيها ولا امل
هنا يكمن التحدي ويكون الشخص على محك مع إيمانه
فالفرح والحزن ما هم الا دقائق بالحياة
لكن الرضا بقضاء الله والصبر عليه هو الحياة نفسها وامتحانها ...
فتح عيونه بثكل وبالحال رجع يرمش ويسد بيهم بعد ما نقاط ماي بارده دخلت لعينه حاول يستوعب اللي هو بيه
وين هو ؟ وشنو اللي صار
رجع يحاول بمقاومة حاله الخمول والهذيان اللي عنده سمع أصوات يمه
تحجي اثنين رجال واحد يسال والثاني يجاوبه ونرفع مصدر قطرات الماي البارده اللي نزلت على عيونه
عرف انتِ مو وحده بالمكان
" هااا بشر شلونه لهسه ما صحا "
جاوبه الصوت الثاني
" لا والله سيدي لحد الان ما وعى وعي كامل بين حالات الهذيان والحمى
كان ثواني يفتح عيونه ويرجع لللاوعي مرة ثانيه وهاي صارله على هل حال خمس ايام "
أنت تقرأ
شتل عنبر
Chick-Litقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
