شتل عنبر

البارت العاشر

السلام عليكم

شتل عنبر

بقلمي Wasan Alsaad

البارت العاشر

گاعده بنص حبايبي  وهن. يجهزني ويعدلني   الليله حنتي  وباجر. انزف  عروس لأبن عمي
اللي. من فگيت عيوني لهاي  الدنيه  اسمي مربوط باسمه
اشوفه. اكثر واحد  يحنجلي  ( ينحازلي) ما يرضه. اذا شافني ابجي
وأزيد واحد. مسح دموعي ... جنت  وانا جهال ما اعرف.  شي بس. اعرفه. ناصر. ابن عمي
حاله من حال اخوي خلف 

من بديت اكبر. كمت. افرزن الكلام وافهم  اني. لناصر. ما اصير. لغيره
اهيس بيه. شلون.  رايدني. ويهتم. بكل شي يخصني.  اهيس. بخوفه وحنيته عليه
بس. انه. ما اعرف. شنهي. هو بالنسبه اللي. غير. ناصر ابن عمي
واحنه.  من صغرنه أمهاتنه يربنه  على  العيب  والطاعه.
عيب. صوتج ينسمع ... عيب  تردين.  الچلمه ( الكلمه) على زلمه. 
هواي محظورات. بس لاني بنت ...  وانه. بطبعي  هادئه  وخوافه. واللي زيد. خوفي. هو. تربية. اختي هيله اليه
انه ما بارتني. ولا ربتني بس امي.  عندي امهات اثنين غيرها  اختي وفيه الله يحفظها. گبل لا تزوج  وراها استلمت.  الرايه هيله.  عبن هي. شمد گويه ويه. كل الامور. والضروف.  تكدر. تصرف.  وما عدها خوف.
بس بيه. زرعت. هذا الخوف  .. جانت. تخاف عليه  اتگرب من. الهايشه. وياها واتعلم شلون. تحلبها  لو نتظف مكانها.  تخاف عليه لا تسگطني .... وين  ياله خلتني. اتدنه يم  التنور. واچيمه   الا. لمن. اتوسلت بأمي وامي
جبرتها. گلتلها يجي. يومها وتمشي لبيت عمج. شلون.  تگلهم. ما عرف
چلمات. ينعدن ( ينحسبن)على. الاصابع   بس. كل ما. واحد كدامي. يحجيهن اخاف 

ليش. اروح. واترگ اهلي.  انه بعدني. صغيره مو. هيله. اكبر. مني. ليش ما يأخذوها.  وهي الوحيده. اللي جانت  تحس بيه. من اخاف. 
" شبيج ولج" ومن اكلها. باللي.  افكر. بيه. تضحك وتكول
" نويصر. اخوي"
اجاوبها.
" چا حتى انه اخوي "
ترد عليه.
" لا انتِ ابن عمج "
وارد.  أردود. واسألها
" وشنهي. الفرگ ( الفرق)  هم.  اخوي. ابن عمي "
تضحك  ويصير وجه احمر وانه صافنه شبيها
" لا اكو. فرگ. ... بعدج. صغيره بعدين. تعرفين ... بس هاااا مثل ما علمتج.
لا تندهيه ( تناديه). بغير خويه ...  ولا. تردين عليه الكلام. وعينج. بعينه  ... واذا. وكفج بالدرب يحجي وياج لا توكفين.  گليله. عيب   ...فاهمه "

ورد عليها. بكلمه " فاهمه. وانه. ماني. فاهمه.  شي... بس لازم. أنفذ"

انعادت.  أسئلتي.  عليها.  بين  حانه ومانه

لحد يوم. طكت روحها. وكالت
". انتِ  تختلفين. ناصر. ابن عمج و رايدج. "

" ليش انه. مو انتِ"
ذبت. الثوب اللي جانت. تخيط فتكه بيدها
" بله هاي. شحجي وياها. ... يا الخبله.  ولچ عاشكچ "

ظلت. هاي. الچلمه. ترن. بذاني.  شنهي. معناها.
اريد. احد يجاوبني.

بيوم.  طكت براسي. وسالت امي.
" يمه. شنهي معنى.  عشگ "
امي اللي تضحگ للهوا. نكلبت عليه. طنطل (. كائن خرافي. يستخدم. للتعبير عن الشي المخيف)
ونزعت مداسها ( النعال مكرم. القارى)
وطكتني بيه  وانه ابچي واكلها. 
" ليش يمه والله ما مسويه شي "
وهي. تكتل بيه.  وتكول
" بعدج. بكد. الهرفيه (. الدجاجه الصغيره. .. اكبر من. مرحله الكتكوت)
منين.  سامعه. بهاي السوالف. هاااا ولج. تردين. منو اللي كايلها الج ...
تردين تصخمين وجه. اخيج. ولجن. هو. هالوحيد .... هاي كلها سوالف. النهر
ولمة الحدثات وانتِ فاكه حلگج.  وذانج للسوالف  ... مو ابن. عمج. منعج. ترحين
تگطلين ماي "
جاوبتها. بنشيغ
" وعلي الفحل ما طالعه  مو هل يمج.  هيج بس اسال "