شتل عنبر

اابارت ٢٥

السلام. عليكم

شتل عنبر

بقلمي Wasan Alsaad
  

البارت. ٢٥

صباح اليوم الثاني ....

الساعه. بعد العشره  الصبح.   وصوت. بث اذاعه الكويت.    تصدح بيه. صوت
مائده نزهت.   بأغنية. ( لا تسألوني. اسألوا ) براديو بيت ناصر.   اللي خالينه. على. احدى. رفوف
البوفيه.   خشب.  وهي. عباره. عن   معرض   ورفوف. وجوة. كومديات.
تارستها.   حسنه.  صيني ( فرفوري) من اللي  كانت. هي او. وفيه. يشترونه. من. الاورزدي

شالت. راسها. ام. قادر. من المخده اللي طاويتها. ونايمه. عليها
" يايمه حسنه هاي مو صوحيبتنه.  ام.  حمد. يا حمود ... هالايام. ما. يخلونه.  تغني مثل گبل.  كاعده. بالراديو "

جاوبتها حسنه اللي كاعده تريك بابنها حمودي.    اللي. صارله فتره متنحس. وما يريد احد. غيرها
يوكله. ويلبسه.   ودائما كاعد بحضنها.
" اي. عمه  هي. مائدة ...  هاي   هسه.   تسمعيها. من إذاعة الكويت. مو ش من إذاعتنا. منعوا. أغانيها.
لان. من الربع. ( الشيوعيين ) وغنت. گبل. لثورة عبد الكريم "

ردت عليها. ام قادر
" ياااا انوب.  حتى.  اللي. يغنون هم ما سلموا. .. عاينت. لوجه  جنتها اللي مبين. عليه التعب. .. نهرت. ابن. ابنها ... ولگ يمه حميد. كوم.  عن حضن أمك.  كاعد على كلبها. كافي. الثكل. الي. شايلته ... اكلج يمه. على الحساب.  انتِ بشهرج "

ردت وهي متملله من.  وضعية كعدتها الصعبه
" لا عمه. خليه كوه سكت.  ... اي. كليت منه ١٠ ايام.  ... وربج ألمسهل "

ردت. ام قادر . وبهل اثناء اندك. الباب
". الله كريم ..  الباب. يندك.  وينه خويلد. بعده. بيت. الجيران يلعب. ... منعت جنتها. من الوقوف ... كعدي. يمه. انا. اروح.  " بهاي الأثناء. سمعوا.  صوت.  الشاب القادم. من. باب المطبخ. .. الظاهر. الزائر. فاتح الباب. الحديد. 
وداخل.   لان. ساحب. الواير. من بره اللي مجلب.  بذراع. الكيلون. وما مسرك. من جوه 

" خالة ... حبوبه. ... خويلد. ... يا  اهل البيت وينكم "

ردت   حسنه.
" يااااا هذا.  ظافر.  شجابه   من الصبح. اكيد. امه.  موديته طارش ... تعال خاله. هنا. يمك بالهول
ادخل الباب مفتوح ما بيه اكوم. "

دخل عليهم شاب طويل.  اسمر.   نحيف.  لكنه. نشيط. او كما. يسمونه الجدات. "هب ريح"
بشكل.  اكثر من العادي. لكنه.  كاي. شاب.   متعلم.  يهتم. بشكله. وهندامه.

صبح. على. ام قادر. ودنك باسها بايدها ورأسها.  احترام.  الها. وصبح على خالته الصغيره اللي تكبره. بأربع. سنين
" صبحجن الله بالخير. .. شلونجن كواكات.  ... ها ولَك حميد. ابو.  النفسيه. الحامضه. "

ردوا. عليه. تحيته 
" هلا يمه. ، هلا خاله. ... شلونهم اهلك   ... أمك البارحه ما بينت ... وانت ليش واكف. استريح
اكوم اسويلك ريوك "
منعها. من.    الوقوف
" استريحي. توني طلعت من البيت نتريك وشارب جاي
ومستعجل. اريد. افتح.   الورشه.  تأخرت. على. صاحبي والصناع
بس امي.  كالت مر.  بدربك. بشر خالتك