شتل عنبر

البارت الثاني

السلام عليكم

البارت. الثاني

#شتل_عنبر

بقلمي Wasan Alsaad

عشتگ چي لكيتگ برد يم. گل حر
ولگيتك ماتحب. سوالف. الخنچر
وعشتگ چي لكيتگ خيط
يم گل سبحه تطشر
.
.
.
.
عشتگ چي لگيتگ صار صار ما تعرف الما اكدر
ماتعرف تغش انسان بصحبتگ ماكو لون احمر
اللي ينشدگ على اليمشي وياگ تشيل  أيدگ على العنبر

.
.
.

وهو خصم الكلام وياگ
احبگ چي لگيتگ ترف ومعتبر

للشاعر. والمهوال مرتضى حرب

ركضت.   ودگات.  گلبي   اهيسها ( احسها)  مسموعه لكل  المنظر اللي. چدام ( امام). عيوني

يشهد.  ان قادر. مسوي.  مصيبه. والا. گلثم. مرته وبنت عمي.  شعدها. طالعه بنص الزلم وتحشم. على ابوها وإخوتها    خايف على ابوي من. القهر.  لا يصير بيه شي 

شلون ما چانت. خوتنا انا وقادر.   مو  بصلح. ولا. متفاهمين يمكن.  الفرق  العمر. لكن.  ما انگر. احبه. اخوي. ابن امي وابوي. بس مرات من  أعاين ( انظر. ، اشوف ). الكسرة بعين ابوي من عمايله اتمنى. كون لاصار.  ولا استوه

اسمع. صوت. خلف من وراي. يگلي. " على هونگ يا خوي  " اي والله ما تحله كلمه. يا اخوي الا من بين. ثناياك ( شفايفگ)  وصلت يمهم   وهم. مجمعين. بثنية (. باب ، مقدمة)المضيف.
الاوادم  الغراب. والعمام المبعدين كاموا.   يرحون. احترام. لأبوي وعمامي.
شافوا. السالفه بيها نسوان وأهل 
واحنه. كل الأعمام.   يمكن لو واحد   تذبحه ما تلكه بيه. كطرة ( قطرة ) دم  من الفشله

ما صايره. حرمه من نسوان. تطلع. وسط. الوادم وصوتها. يلعلع.  ابدا ما مسويتها حتى لو يحتركن

ابن عمي اخو كلثم.   راد. يكضها. يجنزها وقادر.     مثل.   الثور الهايج. لوما.  عمي جبر.   ومعلم. مزهر.   حاچزينه ( مانعيه) عنها  وهو يهوبز. بالحجي   ويغلط. وعمي جبر. يصيح بيه. " تحشم. يا ولد ..  هاي. حرمتك وبنت عمك شعره من لحيتگ. لا يأخذك الغيض "

وهي لابده. وره ظهر. ابوي اللي. ذب عبأته عليها. و تحجي.
". لا بالله. ما اسكت. والا افضحك وسط. العمام    يا ابو الكاوليات "  
چرها ( سحبها) عمي. ابوها من. وره  ابوي. ولطمها على حلكها
"  ما. اسمع حسج.   وامشي.   لبيتج ونعرف. شبيج متكاونه ويه. رجلج وابن. عمج ... يله خويه ضمد
اسحب. ابنگ خلي. نشوف. شمالهم. فضحونه وكدروا (.  خربوا ، جعلوا الفرح. حزن)  فرحنه
طشت. الوادم  كل. واحد.  لوجهته وانا  ركضت. وره. ابوي. وعمي   وكلثم. تمشي بسد ابوي.  تخاف من اخوانها
وقادر. عمي جبر ومزهر. يسحبونه للبيت وهو  يريد. يفلت من أيديهم.   ويصيح.
" مالها دخله لبيتي أحركها.  والله.  تچنون عليها.  ما أريدها.  "