السلام عليكم
شتل عنبر
بقلمي Wasan Alsaad
البارت ٦٤
لا تسلني يا رفيقي
كيف تاه الدربُ منا
نحن في الدنيا حيارى
إن رضينا أم أبينا
حبنا نحياه يوماً
وغداً لاندري أين !
للشاعر فاروق جويده
...................
الحيرة احساس قاتل كأنما أيادي القدر تطبق على انفاسك ويداك لا
طائل لها ....
طول طريقه لقاعة الزيارة بالسجن وناصر الحيره تنهش بفكره كلام ابو نضال صحيح
ليش يزيد همه وقهره ويگله على اعدام منصور وهو بالسجن ينتظره من يطلع وهاي الأشهر هل كاعد تتوالى ومن يطلع يعلموه
وبين خوفه لا صاحب عمره من يدري تالي وگت يزعل عليه وهو بعمره ما ضم عليه شي ويدري بعيونه تفضحه ...
بس بالتالي حسم امره ياخذ برأي ابو نضال وما يعلمه
دخل للقاعه لكه خلف ينتظره وكف على حيله ملهوف بس من
شاف حال ناصر جنه شايب بالسبعين الشيب تارس راسه
ولحيته عاليه وكلها شعر ابيض وظهره محني والحزن
يون من عيونه ونين الفاكدات الثاكلات هاي العلامات يعرفهن مارات عليه
شافهن متلبسات على روح وجسم ناصر بيوم ماتت حسنه
كام على حيله
" هاااا يا اخوي طولت الغيبه عليه ، شنهي اللي وراك ياهو راح من ايدينه ؟"
من تكرب منه وحضنه نار واستعرت بروح ناصر
وجان على طرف لسانه يكله انكسر ظهرك وظهري بمنصور
بس الله هداه وطلع على لسانه
" أمي ياخلف امي راحت الحنينه يا خلف وزيدت همي "
زاد خلف باحتضانه كأنه يريد يسحب الحزن والهم من داخل روح ناصر ويزرعها بروحه ويخفف عنه
" الله يرحمها يا اخوي الله يرحمها "
واحد كاد الثاني وهم واحدهم مستند على جتف الثاني مثل مشيتهم من جانوا اصغار
كعدوا على مسطبه وراهم وهم ساكتين و وجوهم ليكدام تعاين على الحايط اللي كدامهم
وره شويه كال خلف بصوت حزين
" سامحني يا اخوي زماني غلبني وخلاني مثل ما تشوف حالي
والا جان المفروض انا وياك ما أخليك وحيدگ بهيج حال
ادري بمصاب عمتي شلون گلف عليك... تغير صوت خلف وحاول ان يسيطر على
دمعه حارقه متمرده نزلت من نياط القلب قبل العين .. وعليه اصعب مثل
مصابي بامي الله يرحمج عمه وعدتها گبل محد يشيل نعشها غيري وغير ولدي
وما خليك وحيد ومحتار ، بس شنسوي للمكتوب ... انوب انا هم بليتك بحملي وحمل اهلي"
أنت تقرأ
شتل عنبر
Literatura Femininaقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
