السلام عليكم
شتل عنبر
بقلمي Wasan Alsaad
البارت ١٠٣
.................................
أحذروا كسر الخواطر
فأنها ليست عظماً تجبر
بل هي روح تقهر
أخوي لعله الزله يزعل عليه
رحتله وگالي خوتنه مگضيه
گتله شويه ريض وفهم ألَّبيه
جا گتله الخويه بساع هيج تهون
جا شنهي الحليبه صارت اميه
يخوي وداعتك هم بشر خطائين
خل عندك خلك لإخوانك شويه
أنا بعازتك يا ريحة الغياب
من يوم المشوا ماشفت حنيه
حسبتك تعوض المشوا عن الدار
وصد لدروبهم يا خوي يومي
اي موبيك ريحتهم العندي عزاز
يلحسبتك بكل كومه عوجيه
گلت متغير ورديتلگ ممنون
ولو هي الصدك ما بيها منيه
تركض بالشارع الفارغ رغم الدنيا صبح وكل شويه تلتفت لباب بيتهم
وصلت لبيت عمه ودكت الباب حيل وبشكل مستمر وهي
تصيح
" بيبي ، عمو لحكولي "
سمعت صوت الباب الخشب انركع وخطوات مقبله عليها
وصوت بيبتها ينادي
" منو بالباب "
صاحت عليها
" انا بيبي عفيه بسرعه فتحي الباب"
فتحته نوريه وهي لابسه عباتها كل ظنها شخص غريب داك الباب بهيج وقت
لو موظف الكهرباء اللي يقرا الميتر لو الفرق الجواله لحملات تلقيح الاطفال ضد شلل الاطفال
من سمعت صوت فرح وعرفته ما نزلت البوشي على وجه
انفزعت من شكل فرح بدون اي شي برجلها ولا حجاب على راسها وتتراجف والدموع طيح من عيونها مثل المطر
" ولج يمه فريحه شبيج "
جاوبته وهي تجرها من ايدها
" عفيه بيبي لحكيني ازهر راح يذبح زينب "
سحبت نور بنت زهير من ايدها وطبكت الباب
" ليش ولج يمه "
جاوبته
" ما ادري ما ادري "
وكفتها نوريه بصوتها
" اوكفي دكي الباب على بيت عمتج خلي نخلي نويره يمهم لا تنخلس وبلكت عمتج تجي ويانه "
ركضت لباب لبيت خالد وبنفس ألطريقه دكته بعجل وقوه
اجاها صوت خوله
" اجاك اجاك " ونفس حالة الرهبه احتلت خوله من شافتها
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
